Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Atemmufo 12:1-15

12  Na Efraim mmarima boaa wɔn ho ano kɔɔ atifi fam kɔka kyerɛɛ Yefta sɛ: “Dɛn nti na wo ne Ammonfo rekɔko no woamfrɛ yɛn amma yɛne wo ankɔ?+ Yɛde ogya bɛhyew wo fie agu wo so.”+  Na Yefta ka kyerɛɛ wɔn sɛ: “Manso kɛse bi bɛtɔɔ me ne me man ne Ammonfo ntam.+ Na mebɛfrɛɛ mo sɛ mommɛboa me, nanso moammegye me amfi wɔn nsam.  Bere a mihui sɛ moremma mmegye me no, meyɛɛ m’adwene sɛ mede me kra bɛto me nsam+ ne Ammonfo akɔko.+ Na Yehowa nso de wɔn hyɛɛ me nsa. Afei dɛn nti na moaba me so nnɛ sɛ mo ne me rebɛko yi?”  Ɛhɔ ara na Yefta boaboaa Gilead+ mmarima nyinaa ano ne Efraimfo koe; na Gilead mmarima no kunkum Efraimfo no, efisɛ wɔkae sɛ: “Mo Gileadfo, moyɛ Efraim aguanfo a mowɔ Efraim ne Manase mu.”  Na Gileadfo dii Efraimfo anim kosiw Yordan asutwaree+ no kwan. Afei sɛ Efraimfo a wɔreguan no bi du hɔ na ɔka sɛ: “Momma mintwa nkɔ” a, Gileadfo no bisa no sɛ: “Woyɛ Efraimni?” Sɛ ɔka sɛ: “Dabi” a,  na wɔaka akyerɛ no sɛ: “Ka sɛ Hyibolet.”*+ Nanso ɛyɛ a ontumi nka no yiye, enti ɔka sɛ “Sibolet.” Ɛba saa a na wɔakyere no akum no wɔ Yordan asutwaree hɔ. Saa bere no, Efraimfo mpem aduanan abien na wɔhweree wɔn nkwa.+  Gileadni Yefta buu Israel atɛn mfe asia, na ɛno akyi no owui, na wosiee no ne kurom wɔ Gilead.  N’akyi no, Ibsan a ofi Betlehem+ bebuu Israel atɛn.+  Ɔwoo mmabarima aduasa ne mmabea aduasa. Na ɔsomae ma wɔkɔfaa mmea aduasa fi baabi brɛɛ ne mmabarima no. Na obuu Israel atɛn mfe ason. 10  Akyiri yi Ibsan wui na wosiee no Betlehem. 11  N’akyi no, Sebulonni+ Elon bebuu Israel atɛn. Na obuu Israel atɛn mfe du. 12  Na Sebulonni Elon wui na wosiee no Ayalon wɔ Sebulon asase so. 13  N’akyi no Piratonni+ Hilel ba Abdon fii ase buu Israel atɛn. 14  Onyaa mmabarima aduanan ne mmanana aduasa a wɔtenatenaa mfurum aduɔson so.+ Na obuu Israel atɛn mfe awotwe. 15  Akyiri yi Piratonni Hilel ba Abdon wui na wosiee no Piraton wɔ Efraimfo asase so wɔ Amalek+ bepɔw so.

Ase Hɔ Nsɛm

Anaasɛ, “Shibolet.”