Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Atemmufo 10:1-18

10  Abimelek akyi no, Dodo ba Pua ba Tola na ɔsɔre gyinae sɛ obegye+ Israel. Ná ofi Isakar abusuakuw mu na ɔtenaa Samir wɔ Efraim+ bepɔw so.  Obuu Israel atɛn mfe aduonu abiɛsa, na ɛno akyi no owui ma wosiee no Samir.  N’akyi no Gileadni+ Yair nso bae, na obuu Israel atɛn mfe aduonu abien.  Ɔwoo mmabarima aduasa a wɔtenatenaa mfurum aduasa so.+ Ná wɔwɔ nkurow aduasa wɔ Gilead asase so a wɔfrɛ hɔ Hawot-Yair+ de besi nnɛ.  Akyiri yi Yair wui ma wosiee no Kamon.  Na Israelfo no fii ase yɛɛ bɔne bio wɔ Yehowa ani so,+ na wɔsom Baal+ ne Astoret+ ahoni ne Siria+ anyame ne Sidon+ anyame ne Moab+ anyame ne Ammonfo+ anyame ne Filistifo+ anyame. Enti wɔpoo Yehowa na wɔansom no.+  Na Yehowa bo fuw Israel+ denneennen na ɔtɔn+ wɔn hyɛɛ Filistifo+ ne Ammonfo+ nsa.  Wodii Israelfo ani, na wɔhyɛɛ wɔn so saa afe no—na wɔyɛɛ saa mfe dunwɔtwe de teetee Israelfo a wɔwɔ Yordan agya wɔ Amorifo asase so wɔ Gilead no nyinaa.  Saa bere no na Ammonfo twa Yordan asubɔnten no na wɔne Yuda ne Benyamin ne Efraim fie kɔko. Israel ho hiahiaa no ankasa.+ 10  Afei Israelfo su frɛɛ Yehowa,+ na wɔkae sɛ: “Yɛayɛ bɔne+ atia wo, efisɛ yɛagyaw yɛn Nyankopɔn akɔsom Baal+ ahoni.” 11  Ɛnna Yehowa ka kyerɛɛ Israelfo sɛ: “Bere a Egyptfo+ ne Amorifo+ ne Ammonfo+ ne Filistifo+ 12  ne Sidonfo+ ne Amalekfo+ ne Midianfo+ hyɛɛ mo so+ na musu frɛɛ me no, mannye mo amfi wɔn nsam? 13  Nanso mopoo me+ kɔsom anyame foforo.+ Enti merennye mo bio.+ 14  Anyame a moapaw+ wɔn no wɔ hɔ, momfrɛ wɔn na wɔmmɛboa mo.+ Sɛ mo ho akyere mo a, momma wommegye mo.” 15  Ɛnna Israelfo no ka kyerɛɛ Yehowa sɛ: “Yɛayɛ bɔne,+ enti yɛ yɛn nea ɛfata wɔ w’ani so biara.+ Nea yɛsrɛ ara ne sɛ gye yɛn nnɛ da yi.”+ 16  Na wofii ase yiyii ananafo anyame fii wɔn nkyɛn,+ na wɔsom Yehowa.+ Afei na ne kra+ ntumi nhwɛ Israelfo ahoyeraw no bio.+ 17  Bere bi akyi no, Ammonfo+ boaa wɔn dɔm ano wɔ Gilead,+ na Israelfo nso boaa wɔn dɔm ano wɔ Mispa.+ 18  Na Gileadfo ne wɔn akunini bisaa wɔn ho sɛ: “Ɔbarima bɛn na obedi anim ne Ammonfo akɔko?+ Ɔno na obedi Gileadfo nyinaa so.”+

Ase Hɔ Nsɛm