Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Asomafo Nnwuma 11:1-30

11  Afei asomafo no ne anuanom a wɔwɔ Yudea no tee sɛ amanaman+ mufo no nso agye Onyankopɔn asɛm.  Enti bere a Petro baa Yerusalem no, wɔn a wogyina twetiatwa+ akyi no fii ase ne no kasakasae  kae sɛ wakɔ nnipa a wontwaa wɔn twetia fie ne wɔn akodidi.  Ɛnna Petro fii ase kyerɛkyerɛɛ nsɛm no mu kyerɛɛ wɔn sɛ:  “Na mewɔ Yopa kurow mu rebɔ mpae na ade tɔɔ me so ma minyaa anisoadehu bi, ɔsɛn bi a ɛresian fi soro te sɛ nwera tam kɛse bi a wɔregyaa anoano anan no, na ɛbaa baabi a na mewɔ no.  Mehwɛɛ mu no, mihuu asase so ntɔteboa ne nkekaboa ne mmoa a wɔwea ne ewim nnomaa.+  Metee nso sɛ ɛnne bi reka akyerɛ me sɛ, ‘Petro, sɔre kum di!’+  Ɛnna mekae sɛ, ‘Dabida, Awurade, efisɛ biribi a ɛho agu fĩ anaa ɛho ntew biara nkɔɔ m’anom da.’+  Ɛnne a efi soro no kae ne mprenu so sɛ, ‘Mfrɛ nneɛma a Onyankopɔn atew ho sɛ ɛho agu fĩ.’+ 10  Eyi kɔɔ so mprɛnsa, na wɔtwee biribiara san kɔɔ ɔsoro.+ 11  Afei hwɛ! prɛko pɛ mmarima baasa a wɔasoma wɔn fi Kaesarea sɛ wɔmmra me nkyɛn begyinaa ofie a yɛte mu no ano.+ 12  Enti honhom+ no ka kyerɛɛ me sɛ me ne wɔn nkɔ, memmma m’adwenem nnyɛ me naa koraa. Na anuanom baasia yi nso ne me kɔe, na yɛhyɛn ɔbarima no fie.+ 13  “Ɔka kyerɛɛ yɛn sɛ ohuu ɔbɔfo sɛ ogyina ne fie reka sɛ, ‘Soma nnipa kɔ Yopa ma wɔnkɔfrɛ Simon a wɔfrɛ no Petro no mmra,+ 14  na ɔbɛka nea ɛbɛma wɔagye wo ne wo fiefo nyinaa nkwa akyerɛ wo.’+ 15  Na bere a mifii ase sɛ merekasa no, honhom kronkron baa wɔn so sɛnea yɛn nso ɛbaa yɛn so mfiase no.+ 16  Ɛnna mekaee Awurade asɛm no, sɛnea na ɔtaa ka sɛ, ‘Yohane de, ɔde nsu na ɛbɔɔ asu,+ nanso mo de wɔde honhom kronkron na ɛbɛbɔ mo asu.’+ 17  Enti sɛ Onyankopɔn maa wɔn akyɛde koro no ara sɛnea ɔmaa yɛn a yɛagye Awurade Yesu Kristo adi no+ a, mene hena a metumi asiw Onyankopɔn kwan?”+ 18  Afei bere a wɔtee eyinom no, wogye toom+ hyɛɛ Onyankopɔn anuonyam+ sɛ: “Ɛnde Onyankopɔn ama amanaman mufo nso anya adwensakra a ɛkɔ nkwa mu.”+ 19  Enti wɔn a ahohiahia a ɛnam Stefano so bae no ma wɔbɔ hwetee+ no kɔe ara kɔfaa Foinike+ ne Kipro+ ne Antiokia, nanso wɔanka asɛm no ankyerɛ obiara sɛ Yudafo nkutoo.+ 20  Na na Kiprofo ne Kirenefo bi wɔ wɔn mu a wɔaba Antiokia, na wofii ase ne wɔn a wɔka Hela kasa+ no kasae kaa Awurade Yesu ho asɛmpa.+ 21  Bio nso, na Yehowa nsa+ wɔ wɔn so, na nnipa pii bɛyɛɛ gyidifo dan baa Awurade nkyɛn.+ 22  Wɔn ho asɛm duu asafo a ɛwɔ Yerusalem no asom, na wɔsomaa Barnaba+ kɔe ara koduu Antiokia. 23  Bere a oduu hɔ na ohuu Onyankopɔn adom+ no, odii ahurusi+ na ofii ase hyɛɛ wɔn nyinaa nkuran sɛ wɔnkɔ so mfa koma pintinn ntena Awurade mu;+ 24  na ɔyɛ onipa pa na honhom kronkron ne gyidi ayɛ no mã. Na nnipadɔm bɛkaa Awurade ho.+ 25  Enti ofii hɔ kɔɔ Tarso+ kɔhwehwɛɛ Saul denneennen,+ 26  na ohuu no no, ɔde no baa Antiokia. Enti ɛbae sɛ afe mũ no nyinaa no wɔne wɔn hyiaam wɔ asafo no mu, na wɔkyerɛkyerɛɛ nnipadɔm pii, na Antiokia na wodii kan frɛɛ asuafo no Kristofo wɔ Onyankopɔn akwankyerɛ ase.+ 27  Saa nna no mu no adiyifo+ fi Yerusalem baa Antiokia. 28  Wɔn mu biako a wɔfrɛ no Agabo+ sɔree, na ɔnam honhom so kyerɛe sɛ ɔkɔm kɛse bi reba asase nyinaa so;+ na ɛbaa mu nso wɔ Klaudio bere so. 29  Enti asuafo no nyinaa bɔɔ wɔn tirim sɛnea wɔn mu biara betumi,+ sɛ wɔde asetenade+ bɛkɔ akɔsom anuanom a wɔwɔ Yudea no; 30  na wɔyɛɛ saa, somaa Barnaba ne Saul+ ma wɔde kɔmaa mpanyimfo no.

Ase Hɔ Nsɛm