Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Amos 9:1-15

9  Mihui sɛ Yehowa gyina afɔremuka no atifi,+ na ɔkae sɛ: “Bɔ adum no atifi ma apon no ase nwosow, na bubu ne nyinaa ti.+ Na mede nkrante bekum wɔn a wɔbɛka no. Nea ɔreguan no rennya aguanye, na nea ɔrebɔ ne ho aguaa no rennya ne ho ntetew.+  Sɛ wotutu fam kɔhyɛ Adamoa* mu mpo a, me nsa beyi wɔn afi hɔ aba;+ na sɛ wɔkɔ soro a, mɛtwe wɔn aba fam.+  Sɛ wokohintaw Karmel atifi a, mɛhwehwɛ wɔn akɔfa wɔn afi hɔ.+ Na sɛ wofi m’anim kɔhyɛ po ase a,+ mɛma ɔwɔ akɔ hɔ akɔkeka wɔn.  Na sɛ wɔkɔ nkoasom mu wɔ wɔn atamfo anim a, mɛma nkrante akokunkum wɔn wɔ hɔ.+ Na mede m’ani besi wɔn so ma awie wɔn bɔne, ɛnyɛ papa.+  Awurade Tumfoɔ asafo Yehowa de ne nsa ka asase no ma ɛnan;+ na ɛsofo nyinaa bedi awerɛhow;+ ebeyiri sɛ Nil na atwetwe sɛ Egypt Nil.+  “‘Nea ɔyɛ n’atrapoe wɔ soro+ na ɔde ne dan atim asase atifi,+ nea ɔfrɛ po+ mu nsu hwie gu asase so no+—Yehowa ne ne din.’+  “‘O Israelfo, so monte sɛ Kusfo wɔ m’ani so anaa?’ Yehowa asɛm ni. ‘Manyi Israel amfi Egypt asase so,+ na Filistifo+ amfi Kreta, na Siriafo nso amfi Kir+ anaa?’  “‘Hwɛ, Awurade Tumfoɔ Yehowa ani wɔ ahenni bɔne no so,+ na ɔbɛsɛe no afi asase so.+ Nanso merensɛe Yakob fie korakora,’+ Yehowa asɛm ni.  ‘Hwɛ, mede ahyɛde bɛma, na mehuhuw Israel fie so wɔ aman nyinaa mu+ sɛnea obi de sɔnee huhuw awi so no, na aba bi rentɔ fam. 10  Me man mu abɔnefo nyinaa bewuwu wɔ nkrante ano,+ wɔn a wɔka sɛ: “Mmusu biara rento yɛn, na ɛremmɛn yɛn”+ no.’ 11  “‘Saa da no mɛma Dawid sese a ahwe ase no so agyina hɔ+ na masisiw wɔn mu ntokuru. Mɛma n’amamfõ so agyina hɔ na makyekye sɛ tete nna no,+ 12  na wɔbɛfa Edom+ nkae ne aman a me din da wɔn so nyinaa+ adi so,’ Yehowa a ɔreyɛ eyi no asɛm ni. 13  “Yehowa asɛm ni, ‘Hwɛ, nna bi reba a nea ɔfɛtɛw besian nea otwa ho,+ na nea okyĩ bobe besian nea ogu aba ho;+ mmepɔw bɛsosɔ nsã dɔkɔdɔkɔ+ na nkoko nyinaa anan.+ 14  Na mɛma me man Israel nnommum no asan aba,+ na wɔbɛkyekye nkurow a asɛe no atena mu,+ na wɔbɛyeyɛ bobe nturo anom mu nsã na wɔayɛ nnuaba turo adi mu aba.’+ 15  “‘Na mede wɔn bedua wɔn asase so, na wɔrentu wɔn mfi asase a mede ama wɔn no so bio,’+ Yehowa wo Nyankopɔn na waka.”

Ase Hɔ Nsɛm

Anaa “Sheol.” Nea ɛkyerɛ ne adesamma adamoa. Hwɛ Nkekaho 4.