Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Amos 8:1-14

8  Afei Awurade Tumfoɔ Yehowa ma mihuu kɛntɛn a ahohuru bere mu nnuaba wom.+  Ɛnna obisaa me sɛ: “Amos, dɛn na wuhu yi?”+ Na mekae sɛ: “Kɛntɛn a ahohuru bere mu nnuaba wom.”+ Na Yehowa ka kyerɛɛ me sɛ: “Me man Israel awiei adu.+ Merenhu wɔn mmɔbɔ bio.+  ‘Saa da no, asɔrefie dwom bɛdan adwotwa,’+ Awurade Tumfoɔ Yehowa asɛm ni. ‘Na afunu bebu so+ ma wɔatotow agu baabiara​—ma ɛhɔ ntɛm dinn!’  “Muntie, mo a mofee mo sẽ kyerɛ ohiani+ na mosɛe asase so ahobrɛasefo,+  na moka sɛ, ‘Da bɛn na ɔsram foforo betwam+ na yɛatɔn aburow,+ ne homeda,+ na yɛatɔn awi, na yɛayɛ susukora no ketewa+ na ne bo akɔ soro, na yɛakyea atoro nsenia no,+  na yɛde dwetɛ atɔ abrɛfo, na yɛde mpaboa bo atɔ ohiani, na yɛatɔn awi wurawura?’+  “Yehowa de Yakob Anuonyam aka ntam+ sɛ, ‘Me werɛ remfi wɔn nnwuma nyinaa da.+  Ɛnyɛ eyi nti na asase no bɛwosow+ na ɛsofo nyinaa adi awerɛhow,+ na ayiri abu afa so sɛ Nil, na asan atwetwe te sɛ Egypt Nil anaa?’+  “Awurade Tumfoɔ Yehowa asɛm ni: ‘Saa da no, mɛma owia akɔtɔ awiabere+ na mama sum aduru asase no so awia ketee. 10  Na mɛma mo afahyɛ adan awerɛhodi+ na mo nnwom adan adwotwa, na mɛma obiara de atweaatam asi n’asen na eti biara so apa;+ na mɛma ayɛ sɛ nea wɔregyam ɔbakoro+ na n’awiei ayɛ sɛ da bɔne.’ 11  “Awurade Tumfoɔ Yehowa asɛm ni: ‘Hwɛ, nna bi reba a mɛma ɔkɔm aba asase no so; ɛnyɛ aduankɔm anaa osukɔm, na mmom Yehowa asɛm ho kɔm.+ 12  Na wɔde wɔn ti bɛpempem afi po ano akɔ po ano, fi atifi akɔ apuei. Na wobekyinkyin ahwehwɛ Yehowa asɛm, nanso wɔrenhu.+ 13  Saa da no, osukɔm nti, mmaabun a wɔn ho yɛ fɛ ne mmerante betwitwa ahwe;+ 14  eyinom na wɔde Samaria bɔne ka ntam+ sɛ: “O Dan,+ sɛ wo nyame te ase yi!” na wɔka sɛ, “Sɛ́ Beer-Seba+ kwan wɔ hɔ yi!” Na wɔbɛhwehwe ase a wɔrensɔre bio.’”+

Ase Hɔ Nsɛm