Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

Amos 5:1-27

5  “O Israel fie, muntie mo ho kwadwom a meretwa yi:+   “Ɔbaabun+ Israel ahwe ase;+Ɔrentumi nsɔre bio.+Wɔagyaw no ato n’asase so;Na obiara nni hɔ a ɔbɛma no so.+  “Nea Awurade Tumfoɔ Yehowa aka ni, ‘Kurow a ɛde apem fi adi no, ɛbɛka ɔha; na nea ɛde ɔha fi adi no, ɛbɛka du ama Israel fie.’+  “Na nea Yehowa aka akyerɛ Israel fie ni, ‘Monhwehwɛ me,+ na munnya nkwa.+  Monnhwehwɛ Betel,+ na monnkɔ Gilgal,+ na munntwam nnkɔ Beer-Seba,+ efisɛ Gilgal bɛkɔ nkoasom mu+ na Betel adan abusude.+  O Yosef fie,+ monhwehwɛ Yehowa na munnya nkwa,+ na wamma mo so te sɛ ogya,+ na Betel anhyew a ennya obi nnum+ no,  mo a modan atɛntrenee awɔnwene,+ na motow trenee gu fam.+  Nea ɔyɛɛ Kima+ nsorommakuw ne Kesil+ nsorommakuw,+ nea ɔma sum kabii+ dan adekyee, nea ɔma adekyee yɛ tumm sɛ anadwo,+ nea ɔfrɛ po mu nsu hwie gu asase so+ no​—ne din ne Yehowa.+  Ɔno na ɔde ɔsɛe ba ɔhoɔdenfo so sɛ anyinam, na ɔsɛe abannennen. 10  “‘Nea oyi wɔn ntɛn wɔ kurow pon ano no, wɔtan no;+ na nea ɔka nokware no, wokyi no.+ 11  Enti esiane sɛ mugye afuw so tow fi ɔbrɛfo hɔ, na mugye awi sɛ tow fi ne hɔ nti,+ mode abo a wɔapae asisi adan+ nanso morentena mu, moayeyɛ bobe nturo a ɛyɛ fɛ, nanso morennom mu nsã.+ 12  Na minim sɛnea mo mmarato dɔɔso+ ne sɛnea mo bɔne yɛ akɛse fa,+ mo a motan ɔtreneeni,+ na mugye adanmude,+ na mupia ahiafo to nkyɛn+ wɔ kurow pon ano.+ 13  Enti nea ɔwɔ nhumu bɛyɛ komm saa bere no, efisɛ ɛbɛyɛ bere bɔne.+ 14  “‘Monhwehwɛ papa, na ɛnyɛ bɔne,+ na moanya nkwa,+ na Yehowa, asafo Nyankopɔn, ne mo atena, sɛnea moaka no.+ 15  Montan bɔne na monnɔ papa,+ na momma atɛntrenee ntena kurow pon ano.+ Na ebia Yehowa, asafo Nyankopɔn, behu Yosef nkaefo no mmɔbɔ.’+ 16  “Enti nea Yehowa, asafo Yehowa Nyankopɔn, aka ni, ‘Wobesu yayaayaw wɔ mmɔnten so,+ na nnipa bɛteɛm wɔ mmorɔn nyinaa so sɛ: “Buei! Buei!” Na wɔbɛfrɛ okuafo ma wabedi awerɛhow,+ na wɔafrɛ wɔn a wotumi twa adwo ma wɔabesu.’+ 17  ‘Na nnipa besu wɔ bobe nturo nyinaa mu,+ efisɛ mɛsen afa wo mu,’+ Yehowa na waka. 18  “‘Wɔn a wɔn ani agyina Yehowa da no nnue!+ Yehowa da no bɛkyerɛ dɛn ama mo?+ Ɛyɛ sum bere na ɛnyɛ hann.+ 19  Ɛte sɛ obi a ohu gyata na oguan, na ohyia osisi, anaa odu fie de ne nsa tweri ɔfasu na ɔwɔ ka no.+ 20  Yehowa da no yɛ sum, ɛnyɛ hann; ɛyɛ kusuu na ɛnhyerɛn.+ 21  Metan mo afahyɛ ahorow no na mapo koraa,+ na m’ani nnye mo nhyiam kronkron no ase hua ho.+ 22  Na sɛ mobɔ ɔhyew afɔre ma me a,+ m’ani rennye mo ayɛyɛde ho,+ na sɛ mode mmoa a wɔadɔ bɔ asomdwoe afɔre a, merenhwɛ.+ 23  Munyi mo dwom gyegyeegye no mfi me so, na merentie mo sankudwom no.+ 24  Momma atɛntrenee nworo mmra sɛ nsu,+ na trenee ntene sɛ asubɔnten a ɛsen daa.+ 25  O Israel fie, so mode afɔrebɔde ne ayɛyɛde brɛɛ me wɔ sare so mfe aduanan no?+ 26  Na mobɛsoa mo hene Sakut+ ne Kaiwan, mo ahoni, mo nsoromma nyame a moyɛe no.+ 27  Na metu mo akɔ Damasko akyi tɔnn,’+ nea ne din de Yehowa, asafo Nyankopɔn no, na waka.”+

Ase Hɔ Nsɛm