Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 8:1-36

8  Ɛnyɛ nyansa na ɛteɛm,+ na nhumu ma ne nne so?+  Egyina sorosoro,+ ɔkwan so, nkwanta so.  Ɛteɛm denneennen+ wɔ kurow apon ho, kurotia,+ abobow ano sɛ:  “Mo, nnipa mma na merefrɛ mo, na mema me nne so kyerɛ adesamma.+  Agyimfo, momma mo ani ntew;+ na nkwasea nso, munnya ntease koma.+  Muntie, efisɛ nea ehia ho asɛm na mereka,+ na teeyɛ+ ho asɛm na mibue m’ano ka.  Sɛ mibue m’ano a, nokware na mebrɛ me nne ase ka;+ na m’ano kyi amumɔyɛsɛm.+  M’anom nsɛm nyinaa nam trenee mu.+ Akɔntɔnkyesɛm anaa nsɛm a akyinkyim biara nni mu.+  Ne nyinaa teɛ ma nea ɔwɔ nhumu, na edi mu ma wɔn a wɔanya nimdeɛ.+ 10  Momfa me nteɛso, na ɛnyɛ dwetɛ, ne nimdeɛ, na ɛnyɛ sika amapa.+ 11  Efisɛ nyansa ye sen mmota,+ na afɛfɛde foforo biara ne no nsɛ.+ 12  “Me, nyansa, me ne anitew+ na ɛte, na mewɔ nimdeɛ ne adwempa.+ 13  Yehowa suro ne bɔne tan.+ Ahomaso ne ahantan+ ne ɔkwammɔne ne nkontompo ano+ de, mikyi. 14  Mewɔ afotu+ ne nyansa.+ Me—ntease;+ mewɔ tumi.+ 15  Me so na ahene nam di tumi, na atumfoɔ hyɛ adetrenee+ ho mmara. 16  Me so na atitiriw nam di tumi sɛ atitiriw,+ na mmapɔmma nyinaa nam bu atɛn, trenee mu.+ 17  Wɔn a wɔdɔ me no,+ wɔn na medɔ wɔn, na wɔn a wɔhwehwɛ m’akyi kwan no, wɔn na wohu me.+ 18  Ahonya ne anuonyam yɛ me dea,+ agyapade ne trenee.+ 19  M’aba ye sen sika, ɛsen sika a wɔasɔn so, na me nnɔbae ye sen dwetɛ+ amapa. 20  Trenee tempɔn mu na menam,+ atɛntrenee+ akwan mfinimfini, 21  sɛ mɛma wɔn a wɔdɔ me anya adepa adi;+ na mɛma wɔn asan ayɛ amaama.+ 22  “Yehowa na ɔbɔɔ me de fii ne kwan ase,+ ne nnwuma a efi teteete no mu nea edi kan.+ 23  Ɔde me sii hɔ fii teteete,+ mfiase no, ansa na asase reba.+ 24  Subun biara nni hɔ no, na wɔawo me,+ nsuti a ɛba nsu pii biara nni hɔ no, 25  ansa na wɔde mmepɔw resisi hɔ,+ na nkoko nnya mmae no, na wɔawo me. 26  Onnya nyɛɛ asase+ ne kwae na ɔnhyɛɛ ase nyɛɛ asase+ so dɔte no, 27  osiesiee ɔsoro no, na mewɔ hɔ;+ otwaa subun ani kontonkron+ no, 28  ɔde amununkum sensɛn ɔsoro pintinn,+ na ɔyeree subun asuti mu+ no, 29  otwaa ɛpo hye na nsu ammu ne mmara so,+ bere a ɔhyehyɛɛ asase+ fapem no, 30  ná mewɔ ne nkyɛn sɛ odwumayɛni a ne ho akokwaw,+ ná meyɛ obi a ɔpɛ m’asɛm yiye+ daa nyinaa, na m’ani gyee n’anim daa,+ 31  m’ani gyee n’asase+ a ɛma nnɔbae no ho, na nnipa mma ho nsɛm na na ɛda me koma so.+ 32  “Enti afei me mma, muntie me; anigye ne wɔn a wɔfa m’akwan so ampa.+ 33  Tie nteɛso na hu nyansa,+ na mmu w’ani ngu so da.+ 34  Anigye ne onipa a otie me na ɔwɛn m’abobow ano daa nyinaa, na ɔwɛn me pon ano apongua.+ 35  Nea ohu me no benya nkwa,+ obenya adom afi Yehowa hɔ.+ 36  Nea onhu me no yɛ ne kra bɔne;+ wɔn a wokyi me nyinaa dɔ owu.”+

Ase Hɔ Nsɛm