Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 7:1-27

7  Me ba, di me nsɛm so,+ na fa me mmara nsɛm sie.+  Di me mmara nsɛm so na nyin kyɛ,+ na bu me mmara sɛ w’aniwa kesua.+  Fa kyekyere wo nsateaa,+ na kyerɛw wɔ wo koma pon so.+  Ka kyerɛ nyansa+ sɛ: “Me nuabea ne wo”; na frɛ ntease sɛ “Me busuani,”  na abɔ wo ho ban afi ɔbea hohwini ho,+ ɔbea huhuni a n’ano yɛ dɛ.+  Mifi me fie mfɛnsere mu, me nkantankantan mu,+ hwɛe,  sɛ mehu agyimfo.+ Mehwɛɛ nnipa mma mu sɛ mehu nea ɛbɛto aberante a onni ti.*+  Ɔnam abɔnten so baabi a ɛbɛn ɔbea no mpɔtam, na ɔfa ne fie kwan so,+  anwummere a anim rebiribiri,+ ade resa na esum reba. 10  Menkɔhwɛ a, ɔbea bi na ɔrebehyia no yi! Ofura aguamantam,+ nnaadaa wɔ ne koma mu. 11  Ɔyɛ hagyahagya, na ne koma apirim.+ Ne nan ntena ne fie.+ 12  Wobɛhwɛ na ɔnam abɔnten, wubehu no na ogyina gua so,+ ɔtetɛw mmantweaa mmantweaa baabiara.+ 13  Ɛnna ɔyeree aberante no, na ofew n’ano.+ Watõtõ n’ani awe, enti ɔka kyerɛɛ aberante no sɛ: 14  “Asomdwoe afɔrebɔ da me so.+ Ɛnnɛ matua me bɔhyɛ ade.+ 15  Ɛno nti na mafi adi abehyia wo, sɛ merebɛhwɛ w’anim yiye na mahu wo. 16  Mede kuntu pa asɛw me mpa so, Egypt nwera a ɛyɛ fɛ+ bebree. 17  Mede kurobow ne pɛprɛ ne aduhuam+ apete me mpa so. 18  Bra ma yenni ɔdɔ nkosi anɔpa; ma yɛmfa ɔdɔ nsɛpɛw yɛn ho.+ 19  Me kunu nni fie; watu kwan kɔ akyirikyiri.+ 20  Wafa sika kotoku akura. Ɔsram twa korokuma a na ɔbɛba fie.” 21  Ɔde n’adɔkɔdɔkɔsɛm+ bebree no adaadaa aberante no. Ɔde n’ano fremfrem no anya no.+ 22  Prɛko pɛ, otu dii n’akyi+ sɛ nantwi a wɔrekokum no, te sɛ ɔkwasea a wɔde nkɔnsɔnkɔnsɔn agu no rekɔtwe n’aso, 23  kosii sɛ agyan hwirew ne mmerɛbo mu,+ sɛnea anomaa tu mmirika kɔtɔ afiri mu;+ onnim sɛ ne kra na ɔde reto asiane mu.+ 24  Enti afei me mma, muntie me na monyɛ aso mma m’anom nsɛm.+ 25  Mma wo koma nnnan nnkɔfa n’akwan so. Nkɔfa n’atempɔn so.+ 26  Na nnipa pii na wama wɔakum wɔn,+ na wɔn a ɔredi wɔn awu no dɔɔso.+ 27  Ne fie akwan sian kɔ Adamoa* mu;+ esian kɔ owu mpia mu.+

Ase Hɔ Nsɛm

Hwɛ Mme 6:32 ase hɔ asɛm.
Anaa “Sheol.” Nea ɛkyerɛ ne adesamma adamoa. Hwɛ Nkekaho 4.