Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 4:1-27

4  Mma, muntie agya nteɛso,+ monyɛ aso na moanya ntease.+  Na akwankyerɛ pa na mede bɛma mo.+ Munnnyaw me mmara.+  Meyɛɛ ɔba pa maa me papa,+ abadomaa, ne me maame dɔba.*+  Ɔkyerɛkyerɛɛ me,+ na ɔka kyerɛɛ me sɛ: “Ma wo koma+ nso me nsɛm mu den.+ Di me mmara nsɛm so na nyin kyɛ.+  Nya nyansa,+ nya ntease.+ Mma wo werɛ mmfi, na nnan wo ho mfi m’anom nsɛm ho.+  Nnyaw nyansa, na ɛbɛkora wo so. Dɔ no, na ɛbɛbɔ wo ho ban.  Nyansa ne ade titiriw.+ Nya nyansa; na nea wubenya nyinaa, nya ntease+ ka ho.  Bu nyansa kɛse, na ɛbɛma wo so.+ Yɛ no atuu, na ɛbɛhyɛ wo anuonyam.+  Ɛbɛyɛ nhwiren abotiri ama wo ti;+ ɛbɛyɛ abotiri fɛfɛ wo ti so.”+ 10  Me ba, tie me nsɛm na gye tom.+ Ɛno na wo nkwa mfe bɛdɔɔso.+ 11  Mɛkyerɛ wo nyansa kwan;+ mɛma woanantew trenee kwan so.+ 12  Sɛ wonantew a, wo nan rentoto,+ na sɛ wutu mmirika a, worenhintiw.+ 13  So nteɛso mu;+ nyaa mu.+ Kora so, na ɛne wo nkwa.+ 14  Nkɔ abɔnefo kwan mu,+ na nnantew amumɔyɛfo kwan so.+ 15  Kwati,+ nkɔfa ho,+ dan wo ho fi ho, na twam kɔ.+ 16  Wɔnna, gye sɛ wɔadi bɔne,+ wontumi nna, gye sɛ wɔama obi ahwe ase.+ 17  Abɔnefosɛm aduan na wodi,+ na amumɔyɛ nsã na wɔnom.+ 18  Nanso treneefo kwan te sɛ owia hann, ɛhyerɛn nkakrankakra kosi awia ketee.+ 19  Abɔnefo kwan te sɛ esum kabii;+ wonnim nea ɛma wɔkɔ so hintiw.+ 20  Me ba, tie m’asɛm.+ Yɛ aso ma m’anom nsɛm.+ 21  Mma emmfi w’ani so.+ Fa sie wo koma mu tɔnn.+ 22  Ɛyɛ nkwa ma wɔn a wohu,+ ne akwahosan ma wɔn honam nyinaa.+ 23  Bɔ wo koma ho ban sen nea wode sie nyinaa,+ efisɛ emu na nkwa nsuti wɔ.+ 24  Yi akɔntɔnkyesɛm fi w’anom,+ na yi nkontompo fi w’anom kɔ akyirikyiri.+ 25  Ma w’aniwa nhwɛ tẽẽ+ na gyen w’ani hwɛ w’anim tẽẽ.+ 26  Ma w’anammɔn kwan nyɛ toromtorom,+ na ma w’akwan nyinaa nsi pi.+ 27  Mman nifa anaa benkum.+ Yi wo nan fi bɔne mu.+

Ase Hɔ Nsɛm

Nea ɛkyerɛ ankasa ne, “me maame bakoro.”