Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 31:1-31

31  Ɔhene Lemuel nsɛm, nsɛm a emu yɛ duru+ a ne maame de yɛɛ ɔkasakyerɛ maa no:+  O me ba, dɛn na menka, me yafumma,+ menka dɛn, dɛn koraa na menka, me bɔhyɛ ba?+  Mfa w’ahoɔden mma mmea,+ na mfa w’akwan mma nea ɛma ahene hwe ase.+  O Lemuel, ɛmfata ahene, ɛmfata ahene sɛ wɔbɛnom nsã, na ɛmfata adehye sɛ wɔbɛka sɛ: “Mmosã wɔ he?”+  na wannom amma ne werɛ amfi nea wɔahyɛ ato hɔ, na wankyea mmɔborɔni biara atemmu.+  Momfa mmosã mma wɔn a wɔreyɛ awu,+ ne nsã mma wɔn a wɔn kra abotow.+  Ma ɔnnom na ne werɛ mfi ne hia na wankae ne haw bio.  Bue w’ano ma nea ontumi nkasa,+ ne wɔn a wɔreyɛ awu.+  Bue w’ano, bu atɛntrenee, na di ma mmɔborɔni ne ohiani.+ א [ʼAʹleph] 10  Ɔyere pa, hena na obenya?+ Ne bo yɛ den sen nhene pa koraa. ב [Behth] 11  Ne kunu wɔ ne mu awerɛhyem, na biribiara mmɔ ne kunu.+ ג [Giʹmel] 12  Ɔde papa atua ne kunu ka ne nkwa nna nyinaa, na ɛnyɛ bɔne.+ ד [Daʹleth] 13  Ɔhwehwɛ ntama pa ne nwera, na ɔde ne nsa yɛ adwuma anigye so.+ ה [Heʼ] 14  Ɔte sɛ oguadini ahyɛn.+ Ɔde n’aduan fi akyirikyiri ba. ו [Waw] 15  Ade nnya nkyee koraa no,+ na wasɔre, na wama ne fiefo aduan de ne mmaawa kyɛfa ama wɔn.+ ז [Zaʹyin] 16  Odwen asase bi ho, na ne nsa ka;+ ɔde ne nsa ano aba yɛ bobeturo.+ ח [Chehth] 17  Ɔde ahoɔden bɔ n’asen, na ɔhyɛ n’abasa mu den.+ ט [Tehth] 18  Ohu sɛ n’aguadi kɔ yiye; ne kanea nnum anadwo.+ י [Yohdh] 19  Ɔde ne nsa so asaawa donno mu, na ɔde ne nsa so akurokurowa mu.+ כ [Kaph] 20  Obue ne nsam ma mmɔborɔni, na ɔtrɛw ne nsam ma ohiani.+ ל [Laʹmedh] 21  Onsuro sɛ awɔw bɛde ne fiefo, efisɛ ne fiefo nyinaa hyehyɛ ntade a emu yɛ duru.+ מ [Mem] 22  Ɔnwene mmommo+ fa. Ne ntama yɛ nwera ne ɔtankɔkɔɔ.+ נ [Nun] 23  Wonim ne kunu+ wɔ kurow apon ano,+ bere a ɔtena asase no so mpanyimfo mu no. ס [Saʹmekh] 24  Ɔpam ntade+ tɔn, na ɔde abɔso ma aguadifo. ע [ʽAʹyin] 25  Ahoɔden ne anuonyam yɛ n’atade,+ na ɔserew ne daakye nna mu.+ פ [Peʼ] 26  Obue n’ano nyansam,+ na adɔe mmara wɔ ne tɛkrɛma so.+ צ [Tsa·dhehʹ] 27  Ɔhwɛ ne fiefo nkɔree ne wɔn mmae, na onni anihaw aduan.+ ק [Qohph] 28  Ne mma sɔre gyina, na wɔfrɛ no anigye;+ ne kunu* sɔre gyina, na oyi no ayɛ.+ ר [Rehsh] 29  Mmea+ pii bɔ mmɔden, na wo de, wokyɛn wɔn nyinaa.+ ש [Shin] 30  Osoowa yɛ nnaadaa+ na ahoɔfɛ yɛ ahuhude;+ ɔbea a osuro Yehowa na woyi no ayɛ.+ ת [Taw] 31  Momma no ne nsa ano aba,+ na ne nnwuma nyi no ayɛ kurow apon ano.+

Ase Hɔ Nsɛm

Nea ɛkyerɛ ankasa ne, “Ne wura.”