Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 26:1-28

26  Sɛnea ahohuru bere mu sukyerɛmma ne twabere mu osu te no,+ saa ara na anuonyam mfata ɔkwasea.+  Sɛnea anomaa ntu nguan kwa na asomfena ntu kwa no, saa ara na nnome mma kwa.+  Mpire fata ɔpɔnkɔ,+ nnareka+ fata afurum, na abaa nso fata nkwasea akyi.+  Mma ɔkwasea mmuae sɛnea ne nkwaseasɛm te, na woanyɛ sɛ ɔno.+  Ma ɔkwasea mmuae wɔ ne nkwaseasɛm ho, na wanyɛ n’ani so onyansafo.+  Nea ɔde asɛm hyɛ ɔkwasea nsa no te sɛ onipa a otwitwa n’ankasa ne nan ne nea odi ne ho aboro.+  Sɛ apakye tumi de ne nan kɔ nsu a, ɛnde na abebusɛm wɔ nkwasea anom.+  Sɛnea onipa a ɔde ɔbo sie abokuw mu te no, saa ara na nea ɔhyɛ ɔkwasea anuonyam te.+  Sɛnea nsɔe te ɔsabofo nsam no, saa ara na abebusɛm te wɔ nkwasea anom.+ 10  Nea ɔbɔ ɔkwasea anaa wɔn a wɔretwam paa+ no te sɛ agyantofo a ɔtotow hwirehirew biribiara mu. 11  Sɛnea ɔkraman a ɔsan kɔ ne fe ho te no, saa ara na ɔkwasea tĩ ne nkwaseasɛm mu.+ 12  Woahu onipa a ɔyɛ onyansafo n’ankasa ani so?+ Anidaso wɔ hɔ ma ɔkwasea+ sen no. 13  Ɔkwadwofo ka sɛ: “Gyata ba wɔ kwan so, gyata bi nenam abɔnten so.”+ 14  Sɛnea ɔpon dannan ne ho ne mpontɛre so no, saa ara na ɔkwadwofo yɛ wɔ ne mpa so.+ 15  Ɔkwadwofo de ne nsa ato asanka mu; ɛyɛ no anihaw sɛ ɔde bɛkɔ n’ano.+ 16  Ɔkwadwofo yɛ onyansafo wɔ n’ankasa ani so+ sen nnipa baason a wɔma mmuae a aba wom. 17  Nea ɔretwam a ɔde n’ano to ntɔkwaw a ɛmfa ne ho mu+ te sɛ nea oso ɔkraman aso. 18  Sɛnea ɔbɔdamfo totow mmɛmma+ ne agyan de di awu no, 19  saa ara na onipa a ɔdaadaa ne yɔnko na ɔka sɛ: “Ɛyɛ agoru na meredi” no te.+ 20  Sɛ nnyina nni hɔ a, ogya dum, na sɛ dinsɛefo nni hɔ a, ntɔkwaw to twa.+ 21  Sɛnea gyabiriw wɔ hɔ ma nsramma na nnyina wɔ hɔ ma ogya no, saa ara na ntɔkwapɛfo sosɔ ogya gu ɔham mu.+ 22  Dinsɛefo nsɛm te sɛ aduan a wɔmemene no ntɛmntɛm, na ɛkɔ nsono mu tɔnn.+ 23  Tɛkrɛmakyene a amumɔyɛ koma bata ho no te sɛ ayowa sin a wɔde dwetɛ adura ho.+ 24  Ɔtamfo anom nsɛm nyi ne suban adi, na nnaadaa wɔ ne mu.+ 25  Ɔbɛka nsɛm dɛdɛɛdɛ,+ nanso nnye no nni,+ efisɛ akyide ason+ wɔ ne koma mu. 26  Ɔde nnaadaa akata nitan so. Ne bɔne bɛda adi asafo mu.+ 27  Nea otu amoa no, ɛno ara mu na ɔbɛhwe,+ na nea opirepirew ɔbo no, ne so na ɛbɛsan aba.+ 28  Atoro tɛkrɛma tan onipa a epira no+ no, na adɛfɛdɛfɛsɛm sɛe ade.+

Ase Hɔ Nsɛm