Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 2:1-22

2  Me ba, sɛ wugye me nsɛm tom+ na wode m’ahyɛde sie,+  na wowɛn w’aso ma nyansa,+ na wokom wo koma ma nhumu;+  sɛ wusu frɛ ntease+ na woma wo nne so frɛ nhumu;+  sɛ woyere wo ho hwehwɛ no sɛ dwetɛ,+ na wopɛ n’akyi kwan sɛ akorade a ahintaw+ a,  ɛno na wobɛte Yehowa suro+ ase, na woanya Onyankopɔn ho nimdeɛ.+  Efisɛ Yehowa na ɔma nyansa,+ na n’anom na nimdeɛ ne nhumu fi.+  Ɔbɛkora nyansa+ so ama treneefo; ɔyɛ ɔkyɛm ma wɔn a wɔnantew mũdi* mu,+  efisɛ n’ani wɔ trenee kwan+ so, na ɔbɛwɛn n’anokwafo+ kwan.  Ɛno na wobɛte trenee ne atemmu ne teeyɛ ase; ɛno ne papayɛ akwan nyinaa.+ 10  Sɛ nyansa ba wo koma mu+ na nimdeɛ sɔ wo kra ani+ a, 11  adwempa bɛhwɛ wo so,+ na nhumu abɔ wo ho ban,+ 12  na agye wo afi ɔkwammɔne so,+ na ayi wo afi okontomponi nsam;+ 13  ebegye wo afi wɔn a wɔman fi trenee kwan so kɔnantew sum mu+ no nsam, 14  ebeyi wo afi wɔn a wɔn ani gye bɔne ho+ nsam, yiw, wɔn a wɔde ahurusi di akɔntɔnkyesɛm+ no; 15  wɔn a wɔn akwan akyea na wɔn nantew mu yɛ hu;+ 16  ebeyi wo afi ɔbea hohwini*+ nsam, na ayi wo afi ɔbea huhuni* a n’ano yɛ dɛ nsam;+ 17  ɔno na wagyaw ne mmabaabere mu yɔnko berɛbo,+ na ne Nyankopɔn apam mpo ne werɛ afi.+ 18  Ne fie sian kɔ owu mu, na n’akwan sian kɔ awufo mu.+ 19  Obiara a ɔkɔ ne ho rensan mma, na ɔrensi ateasefo akwan so bio.+ 20  Eyi bɛma woanantew nnipa pa+ kwan so, na woafa treneefo kwan so.+ 21  Na treneefo na wɔbɛtena asase so,+ na wɔn a asɛm nni wɔn ho na wɔbɛka so.+ 22  Abɔnefo de, wobetwa wɔn afi asase so;+ na nkontompofo nso, wobeyi wɔn afi so.+

Ase Hɔ Nsɛm

Efi Hebri asɛmfua tom/tumma mu; nea ɛkyerɛ ne sɛ obi abrabɔ anaa ne koma di mu.
Nea ɛkyerɛ ankasa ne, “ɔbea nanani.”
Nea ɛkyerɛ ankasa ne, “ɔbea hɔho.”