Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 18:1-24

18  Nea ɔtew ne ho no hwehwɛ nea n’ankasa pɛ;+ ɔtwe ne ho fi nyansa nyinaa ho.+  Ɔkwasea mfa nhumu nyɛ hwee,+ na mmom ne koma na oyi no adi.+  Ɔbɔnefo ba a, animtiaabu nso ba;+ na animguase+ ne ahohorabɔ na ɛnam.  Onipa anom nsɛm yɛ nsu a emu dɔ.+ Nyansa abura yɛ asuten a ebu fa so.+  Enye sɛ wobɛyɛ animhwɛ adi ama ɔbɔnefo,+ na woadan ɔtreneeni asɛm ani, atemmu mu.+  Ɔkwasea anom asɛm de ɔham ba,+ na n’ano frɛfrɛ mmaa.+  Ɔkwasea ano na ɛsɛe no,+ na n’anom asɛm sum ne kra afiri.+  Dinsɛefo nsɛm te sɛ aduan a wɔmemene no ntɛmntɛm,+ na ɛkɔ nsono mu tɔnn.+  Nea ɔnteɛ ne ho nyɛ adwuma+ nso—ne nua ne ɔdesɛefo.+ 10  Abannennen ne Yehowa din.+ Emu na ɔtreneeni guan kɔ, na onya ahobammɔ.+ 11  Ɔdefo ahonyade ne ne kurow a ɛyɛ den,+ ɛte sɛ ɔfasu a ɛyɛ den wɔ n’ani so.+ 12  Nea edi asehwe anim ne sɛ onipa koma bɛma ne ho so,+ na nea edi anuonyam anim ne ahobrɛase.+ 13  Sɛ obi bua asɛm ansa na wate a,+ ɛyɛ nkwaseasɛm ne animguase ma no.+ 14  Onipa honhom tumi soa ne yare,+ na honhom a ɛyare de, hena na obetumi asoa?+ 15  Onipa a ɔwɔ ntease no, ne koma nya nimdeɛ,+ na anyansafo aso hwehwɛ nimdeɛ.+ 16  Onipa akyɛde bɔ kwan kɛse ma no,+ na ɛde no kɔ nnipa akɛse mpo anim.+ 17  Nea odi kan bɔ ne nkuro yɛ ɔtreneeni,+ na ne yɔnko ba a, ɔbɛhwehwɛ ne mu.+ 18  Ntonto ma ntɔkwaw gyae,+ na ɛpata atumfo mpo.+ 19  Onua a wɔafom no sen kurow a ɛyɛ den;+ na mansotwe te sɛ abankɛse akyi mmeamu.+ 20  Onipa anom aba na ɔde bɛhyɛ ne yafunu ma;+ n’anom nnɔbae+ na ɛbɛmee no. 21  Owu ne nkwa wɔ tɛkrɛma nsam,+ na nea ɔdɔ no no bedi ɛso aba.+ 22  Woanya ɔyere pa+ anaa? Ɛnde woanya adepa,+ woanya Yehowa anim dom.+ 23  Ohiani de n’adesrɛ to gua,+ na ɔdefo ma mmuae a emu yɛ den.+ 24  Yɔnkonom bi wɔ hɔ a wɔsɛe wɔn nnamfo,+ na adamfo bi nso wɔ hɔ a ɔfam ho sen onua.+

Ase Hɔ Nsɛm