Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 14:1-35

14  Ɔbea nyansafo si ne fie,+ na ɔbea kwasea de, ɔde ne nsa dwiriw ne de gu.+  Nea ɔnam teeyɛ mu no suro Yehowa,+ na nea ɔkyea n’akwan no bu No animtiaa.+  Ɔkwasea anom asɛm te sɛ ahantan abaa,+ na anyansafo ano kora wɔn so.+  Sɛ anantwi nni hɔ a, mmoa adididaka mu tew, nanso nantwinini ahoɔden nti, nnɔbae dɔɔso.  Ɔdansefo nokwafo renni atoro,+ na ɔdansekurumfo de, atosɛm nkutoo na ɔka.+  Ɔfɛwdifo hwehwɛ nyansa nanso onnya; na nimdeɛ nyɛ obi a ɔwɔ ntease nyanã.+  Twe wo ho fi ɔkwasea anim,+ na worenhu nimdeɛ+ wɔ n’anom.  Onitefo nyansa ne sɛ obehu n’akwan mu yiye,+ na nkwasea agyimisɛm yɛ nnaadaa.+  Nkwasea na wɔde asodi yɛ aseresɛm,+ na teefo ntam na biakoyɛ wɔ.+ 10  Koma na onim onipa kra awerɛhow,+ na n’anigye nso, ɔhɔho mfa ne ho nnyigye mu. 11  Wɔbɛsɛe abɔnefo fie,+ na teefo ntamadan bɛyɛ frɔmfrɔm.+ 12  Ɛwɔ ɔkwan bi a ɛteɛ onipa ani so,+ nanso n’awiei yɛ owu kwan.+ 13  Ɔserew mu mpo, koma di yaw,+ na ahurusidi wie awerɛhow.+ 14  Nea onni gyidi ne koma mu no, ne kwan so aba bɛmee no,+ na onipa pa nneyɛe so aba bɛmee no.+ 15  Ogyimfo gye nsɛm nyinaa di,+ na onitefo hwɛ n’anammɔn yiye.+ 16  Onyansafo suro ne ho, na ɔsan fi bɔne ho,+ na ɔkwasea de, ogye ne ho di nti, ne bo fuw.+ 17  Nea ne bo nkyɛ fuw di nkwaseasɛm,+ na onipa a odwen de, wɔtan no.+ 18  Ade a agyimfo nya ne nkwaseasɛm,+ na anitefo de, wɔn abotiri ne nimdeɛ.+ 19  Abɔnefo bɛkotow apapafo anim,+ na amumɔyɛfo akotow ɔtreneeni abobow ano. 20  Ohiani de, ne yɔnko mpo tan no,+ na ɔdefo nnamfo dɔɔso.+ 21  Nea obu ne yɔnko animtiaa no yɛ bɔne,+ na anigye ne nea ɔdom mmɔborɔni.+ 22  So wɔn a wodwen adwemmɔne no renyɛ akobɔfo?+ Na adɔe ne nokware wɔ hɔ ma wɔn a wodwen adwempa.+ 23  Ɔbrɛ biara mu wɔ mfaso,+ na anosɛm de, ohia nko ara. 24  Anyansafo abotiri ne wɔn ahonyade; na nkwasea agyimisɛm yɛ nkwaseasɛm nkutoo.+ 25  Ɔdansefo nokwafo gye akra,+ na nkontompofo ka atosɛm ara nko.+ 26  Nea osuro Yehowa no ahotoso yɛ kɛse,+ na ne mma benya guankɔbea.+ 27  Yehowa suro yɛ nkwa asuti,+ ɛdan onipa fi owu mfiri ho.+ 28  Nnipa dodow mu na ɔhene anuonyam wɔ;+ ɔmanfo sã a, ɛma otitiriw sɛe.+ 29  Nea ne bo kyɛ fuw no nhumu dɔɔso,+ na nea ɔpere ne ho no ani gye nkwaseasɛm ho.+ 30  Koma a edwo yɛ ɔhonam nkwa,+ na ahoɔyaw yɛ nnompe mu porɔw.+ 31  Nea osisi ɔbrɛfo no bɔ ne Bɔfo ahohora,+ na nea ɔdom ohiani no hyɛ No anuonyam.+ 32  Omumɔyɛfo bɔne nti, wobesum no akyene,+ na ɔtreneeni benya guankɔbea wɔ ne mũdi* mu.+ 33  Nyansa te nea ɔwɔ ntease koma mu,+ na nkwasea mu de, ɛda adi. 34  Trenee na ɛpagyaw ɔman,+ na bɔne gu amanaman anim ase.+ 35  Akoa a ɔwɔ nhumu ma ɔhene ani gye,+ na ne bo fuw nea ɔyɛ aniwude.+

Ase Hɔ Nsɛm

Hwɛ Mme 2:7 ase hɔ asɛm.