Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 13:1-25

13  Ɔba a otie ne papa nteɛso no yɛ onyansafo,+ na ɔfɛwdifo ne nea ontie animka.+  Onipa anom aba na ɔde bedi nnepa,+ na nea nkontompofo kra pɛ ne amumɔyɛ.+  Nea ɔkora n’ano hwɛ ne kra so.+ Nea ɔnka n’ano ntom no—ɔbɛsɛe.+  Ɔkwadwofo kɔn dɔ, nanso ne kra nnya hwee.+ Na nsiyɛfo kra de, ɛbɛdɔ srade.+  Ɔtreneeni tan atosɛm,+ na abɔnefo de, wɔyɛ aniwude na wogu wɔn ankasa anim ase.+  Adetrenee kora onipa a ne kwan yɛ pɛ so,+ na amumɔyɛ tutu ɔbɔnefo ase.+  Obi wɔ hɔ a ɔyɛ ne ho ɔdefo nanso onni hwee,+ na obi yɛ ne ho ohiani nanso ɔwɔ ahonyade pii.  Onipa kra agyede ne n’ahonyade,+ na ohiani de, ɔnte animka.+  Treneefo hann na ɛbɛma wɔadi ahurusi;+ na nnebɔneyɛfo kanea de—ebedum.+ 10  Onipa ahantan de aperepere na ɛba,+ na wɔn a wɔbom tu agyina na nyansa ne wɔn te.+ 11  Ahonyade a efi ahuhude mu sua,+ na nea ɔde ne nsa boaboa ano no ma ɛyɛ pii.+ 12  Anidaso a ɛmma mu ntɛm ma koma yare,+ na anigyinade a ɛba mu yɛ nkwa dua.+ 13  Nea obu asɛm animtiaa+ no, wɔbɛfa nea ɔde asi awowa; na nea osuro mmara no, obenya akatua.+ 14  Onyansafo mmara yɛ nkwa asuti,+ ɛdan onipa fi owu mfiri ho.+ 15  Nhumu ma onipa nya adom,+ na nkontompofo kwan yɛ mmonkyimmɔnka.+ 16  Onitefo yɛ n’ade nimdeɛ mu,+ na ɔkwasea trɛw nkwaseasɛm mu.+ 17  Ɔbɔfo bɔne hwe amane mu,+ na ɔsomafo nokwafo sa yare.+ 18  Nea obu n’ani gu nteɛso so no, ohia ne animguase na ɛbɛka no,+ na nea oso ɔkasakyerɛ mu no, onya anuonyam.+ 19  Akɔnnɔde a obi nsa ka ma ne kra ani gye,+ na bɔne mu fi yɛ nkwasea akyide.+ 20  Nea ɔne anyansafo nantew no bɛyɛ onyansafo,+ na nea ɔne nkwasea bɔ no, ebewie no bɔne.+ 21  Abɔnefo na mmusu di wɔn akyi,+ na treneefo de, papa tua wɔn ka.+ 22  Onipa pa begyaw agyapade ama ne mma mma, na ɔbɔnefo ahonyade de, wɔkora so ma ɔtreneeni.+ 23  Ahiafo afuw mu adwumayɛ ma aduan pii ba,+ na atɛntrenee a enni hɔ nti, wɔpra obi kɔ.+ 24  Nea ɔkora n’abaa tan ne ba,+ na nea ɔdɔ no no, ɔhwɛ teɛ no so.+ 25  Ɔtreneeni didi ma ne kra mee,+ na ɔbɔnefo de, ne yafunu bɛda mpan.+

Ase Hɔ Nsɛm