Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Mmebusɛm 12:1-28

12  Nea ɔdɔ nteɛso no dɔ nimdeɛ,+ na nea ɔtan ɔkasakyerɛ de, onni adwene.+  Onipa pa nya Yehowa anim dom,+ na onipa a ɔwɔ adwemmɔne de, obu no ɔbɔnefo.+  Onipa biara ase rentim amumɔyɛ mu,+ na treneefo de, wɔn ntini rentutu+ ara da.  Ɔyere pa yɛ ne kunu abotiri,+ na nea ɔyɛ aniwude de, ɔyɛ ne kunu nnompe mu porɔwee.+  Treneefo adwene teɛ;+ na abɔnefo akwankyerɛ yɛ nnaadaa.+  Abɔnefo de wɔn nsɛm tetɛw mogya,+ na teefo ano na ebegye wɔn.+  Wobetutu abɔnefo ase ma wɔayera,+ na treneefo fie de, ebegyina daa.+  Onipa a obue n’ano nyansa mu na wobeyi no ayɛ,+ na nea ne koma akyea de, wobebu no animtiaa.+  Nea wommu no nanso ɔwɔ akoa no ye sen nea ɔhoahoa ne ho nanso n’ano aduan abɔ no.+ 10  Ɔtreneeni ani kũ n’afieboa kra ho,+ na ɔbɔnefo mmɔborɔhunu yɛ atirimɔden.+ 11  Nea ɔdɔw n’asase no bedidi amee,+ na nea odi nneɛma hunu akyi de, onni ti.*+ 12  Ɔbɔnefo ani bere nea nnipa abɔnefo asau ayi;+ na treneefo ntini de, ɛsow aba.+ 13  Ano mfomso yɛ afiri ma ɔbɔnefo,+ na ɔtreneeni befi ahohia mu.+ 14  Onipa anom aba na ɔde bedi papa amee,+ na onipa nsa ano ade bɛsan aba ne nkyɛn.+ 15  Ɔkwasea akwan teɛ n’ani so,+ na nea otie afotu no yɛ onyansafo.+ 16  Ɔkwasea na ɔda n’abufuw adi da no ara,+ na onitefo kata animguase so.+ 17  Nea ɔka nokware no ka nea ɛteɛ,+ na ɔdansekurumfo de, ɔka nnaadaasɛm.+ 18  Ɛwɔ nea otu nsɛm bumbum sɛ nkrante a ɛwowɔ,+ na anyansafo tɛkrɛma de, ɛsa yare.+ 19  Nokware ano+ na ebetim,+ na atoro tɛkrɛma de, ɛrenni gyina.+ 20  Nnaadaa wɔ wɔn a wɔbɔ pɔw bɔne koma mu,+ na asomdwoe ho afotufo di ahurusi.+ 21  Bɔne bi rento ɔtreneeni,+ na abɔnefo de, mmusu na ɛbɛhyɛ wɔn ma.+ 22  Atoro ano yɛ Yehowa akyide,+ na wɔn a wodi nokware no ma n’ani gye.+ 23  Onitefo kora nimdeɛ so,+ na ɔkwasea koma de, ɛka nkwaseasɛm.+ 24  Nsiyɛfo nsa na ebedi tumi,+ na ɔkwadwofo nsa de, ɛbɛyɛ nkoadwuma.+ 25  Onipa koma mu awerɛhow botow no,+ na asɛmpa ma edi ahurusi.+ 26  Ɔtreneeni hwɛ ne mmoa adidibea, na abɔnefo kwan na ɛma wɔyera.+ 27  Ɔkwadwofo nsa mma ɔnkɔ ahayɔ,+ na nsiyɛ yɛ onipa agyapade a ne bo yɛ den. 28  Trenee kwan so na nkwa wɔ,+ na ɛso fa nkɔ owu mu.+

Ase Hɔ Nsɛm

Hwɛ Mme 6:32 ase hɔ asɛm.