Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

Adiyisɛm 12:1-17

12  Na wohuu sɛnkyerɛnne+ kɛse bi wɔ soro, ɔbea+ bi a ofura owia na ɔsram wɔ ne nan ase na nsoromma dumien abotiri bɔ ne ti;  ná ɔyem, na ɔteɛm wɔ n’awoko yaw+ ne n’awo mu amanehunu mu.  Na wohuu sɛnkyerɛnne foforo wɔ soro, na hwɛ! ɔtweaseɛ+ kɛse kɔkɔɔ bi a ɔwɔ ti ason ne mmɛn du na ahemmotiri ason bobɔ ne ti ni;  na ne dua+ twee ɔsoro nsoromma+ nkyem abiɛsa mu biako tow guu asase so.+ Na ɔtweaseɛ no begyinaa ɔbea+ a awo aka no+ no anim, na sɛ ɔwo a, wamene+ ne ba no.  Na ɔwoo ɔbabarima+ a ɔde dade poma+ bɛyɛn aman nyinaa. Na wohwim ne ba no kɔɔ Onyankopɔn nkyɛn wɔ n’ahengua ho.+  Na ɔbea no guan kɔɔ sare so,+ faako a Onyankopɔn asiesie baabi ama no sɛ wɔmma no aduan+ nna apem ahanu aduosia.+  Na ɔko baa soro: Mikael+ ne n’abɔfo ne ɔtweaseɛ no koe, na ɔtweaseɛ no ne n’abɔfo ne wɔn koe  nanso wɔantumi, na wɔannya tenabea ɔsoro bio.  Enti wɔtow ɔtweaseɛ+ kɛse no kyenee, ɔwɔ+ dedaw no, nea wɔfrɛ no Ɔbonsam+ ne Satan+ a ɔredaadaa asase sofo nyinaa no;+ wɔtow no kyenee asase so,+ na wɔtow n’abɔfo kaa ne ho gui. 10  Na metee nne kɛse bi wɔ soro sɛ: “Afei na yɛn Nyankopɔn nkwagye+ ne n’ahoɔden+ ne n’ahenni+ ne ne Kristo no tumi+ aba, efisɛ wɔatow nea ɔtoto yɛn nuanom ano no akyene, nea ɔtoto wɔn ano awia ne anadwo wɔ yɛn Nyankopɔn anim no!+ 11  Na wodii no so nkonim+ esiane Oguammaa+ no mogya ne wɔn adansedi+ asɛm no nti, na ɛba sɛ wobewu mpo a, na wɔnnɔ wɔn kra.+ 12  Eyi nti mo ɔsoro ne mo a motete mu,+ momma mo ani nnye! Asase ne ɛpo+ nnue,+ efisɛ Ɔbonsam asian aba mo nkyɛn na ne bo afuw denneennen, efisɛ onim sɛ ne bere a aka yɛ tiaa.”+ 13  Afei bere a ɔtweaseɛ no hui sɛ wɔatow no akyene asase so no,+ ɔtaa ɔbea+ a ɔwoo ɔbabarima no. 14  Na wɔde ɔkɔre+ kɛse no ntaban abien no maa ɔbea no sɛ ɔmfa ntu nkɔ ne tenabea wɔ sare+ so; ɛhɔ na wɔmaa no aduan+ bere ne mmere ne bere fã+ fii ɔwɔ no anim.+ 15  Na ɔwɔ no puw nsu+ te sɛ asubɔnten fii n’anom dii ɔbea no akyi sɛ asubɔnten no mfa no.+ 16  Nanso asase bɛboaa ɔbea no,+ na asase buee n’anom menee asubɔnten a ɔwɔ no puw fii n’anom no. 17  Na ɔtweaseɛ no bo fuw ɔbea no,+ na ɔne ɔbea no asefo a aka a wodi Onyankopɔn ahyɛde so na wokura Yesu ho adansedi+ adwuma mu no kɔkoe.

Ase Hɔ Nsɛm