Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

3 Yohane 1:1-14

 Me, ɔpanyin,+ merekyerɛw akɔma ɔdɔfo Gaio, a medɔ no nokwarem.+  Ɔdɔfo,+ mebɔ mpae sɛ ade nyinaa mu ensi wo yiye+ na nya ahoɔden,+ sɛnea asi wo kra yiye no.+  Na m’ani gyei paa bere a anuanom ba bedii nokware a wukura mu no ho adanse sɛnea wokɔ so nantew nokware no mu no.+  Biribiara nni hɔ a ɛma minya anisɔ kɛse sen eyinom, sɛ mɛte sɛ me mma nam nokware no mu.+  Ɔdɔfo, biribiara a woyɛ ma anuanom+ a wɔyɛ ahɔho no,+ ɛkyerɛ nokwaredi;  wɔn na wɔadi wo dɔ ho adanse asafo no anim. Saa nnipa yi na ɛbɛyɛ papa sɛ wubegya wɔn kwan sɛnea ɛsɛ Onyankopɔn anim.+  Na ne din nti na wɔkɔe, na wɔannye biribiara+ amfi amanaman no mu nnipa hɔ.  Enti ɛyɛ yɛn asɛde sɛ yegye saa nnipa no fɛw so+ na yɛayɛ nokware no ho adwumayɛfo bi.+  Mekyerɛw biribi kɔmaa asafo no, nanso Diotrefe a ɔpɛ sɛ odi kan+ wɔ wɔn mu no nnye biribiara+ mfi yɛn hɔ obu so.+ 10  Ɛno nti na sɛ meba a, mɛkae ne nnwuma a ɔyɛ no,+ sɛ ɔkeka yɛn ho nsɛmmɔne.+ Na eyi mpo ansɔ n’ani, na n’ankasa nnye anuanom+ obu so, na wɔn a wɔpɛ sɛ wogye wɔn+ no nso ɔbɔ mmɔden sɛ obesiw wɔn kwan+ na watu wɔn afi asafo no mu.+ 11  Ɔdɔfo, nhwɛ bɔne nsua na mmom sua papa.+ Nea ɔyɛ papa no fi Onyankopɔn.+ Nea ɔyɛ bɔne no nhuu Onyankopɔn.+ 12  Demetrio de, wɔn nyinaa ne nokware no ankasa adi ne ho adanse.+ Nokwasɛm ni, yɛn nso yedi adanse,+ na wunim sɛ adanse a yedi no yɛ nokware.+ 13  Mewɔ nsɛm pii a anka mɛkyerɛw wo, nanso mempɛ sɛ metoa so de adubiri ne kyerɛwdua kyerɛw wo.+ 14  Mmom mepɛ sɛ mede m’ani hu wo na yɛkasa anim ne anim.+ Asomdwoe nka wo.+ Nnamfonom kyiakyia wo.+ Bobɔ nnamfonom din mmiako mmiako kyia+ wɔn ma me.

Ase Hɔ Nsɛm