Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Yohane 1:1-13

 Me, ɔpanyin,+ merekyerɛw akɔma awuraa a wɔapaw no+ ne ne mma a medɔ wɔn nokwarem,+ na ɛnyɛ me nko, na mmom wɔn nso a wɔabehu nokware no nyinaa,+  esiane nokware no a ɛte yɛn mu nti,+ na ɛne yɛn bɛtena daa.+  Yebenya adom,+ mmɔborɔhunu ne asomdwoe afi Agya Onyankopɔn+ ne Agya no Ba Yesu Kristo hɔ, nokware ne ɔdɔ mu.+  M’ani agye paa efisɛ mahu sɛ wo mma+ no mu bi nam nokware no mu,+ sɛnea ahyɛde a yenya fii Agya no nkyɛn te.+  Enti seesei, awuraa, mesrɛ wo, ɛnyɛ sɛ merekyerɛw wo ahyɛde foforo,+ na mmom nea yenya fii mfiase+ no, sɛ yɛnnodɔ yɛn ho.+  Na nea ɔdɔ kyerɛ ni,+ sɛ yɛbɛnantew sɛnea n’ahyɛde te.+ Eyi ne ahyɛde no, sɛnea moate fi mfiase no, sɛ monkɔ so nnantew mu.+  Na nnaadaafo bebree aba wiase,+ nnipa a wɔmpaem nka sɛ Yesu Kristo aba ɔhonam mu.+ Eyi ne ɔdaadaafo+ no ne nea otia Kristo no.+  Monhwɛ yiye na nneɛma a yɛayɛ adwuma anya no amfi mo nsa, na mmom moanya akatua+ mũ.  Obiara a ɔpere di anim+ na ɔntena Kristo nkyerɛkyerɛ mu+ no nni Onyankopɔn.+ Nea ɔtena nkyerɛkyerɛ yi mu no na ɔwɔ Agya no ne Ɔba no.+ 10  Sɛ obi ba mo nkyɛn na onkura nkyerɛkyerɛ yi a, munnnye no nnkɔ mo fie+ na munnkyia no nso.+ 11  Na obiara a obekyia no no yɛ ne bɔne no fafafo.+ 12  Ɛwom sɛ mewɔ nneɛma pii a anka mɛkyerɛw abrɛ mo de, nanso mempɛ sɛ mede krataa ne adubiri kyerɛw,+ na mmom m’ani da so sɛ mɛba mo nkyɛn ne mo abɛkasa anim ne anim,+ na mo anigye+ aboro so.+ 13  Wo nuabea a wɔapaw no no mma kyia wo.+

Ase Hɔ Nsɛm