Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Timoteo 4:1-22

4  Mehyɛ wo wɔ Onyankopɔn ne Kristo Yesu, a wɔayi no asi hɔ sɛ obebu ateasefo ne awufo+ atɛn+ no anim denam n’ahoyi+ ne n’ahenni+ so sɛ  ka asɛm no,+ kɔ so ka no denneennen, mmere pa+ ne mmere bɔne mu,+ yi ntɛn,+ ka anim, tu fo, abodwokyɛre+ ne ɔkyerɛkyerɛ a etu mpɔn nyinaa mu.  Na bere bi bɛba a wɔrentena nkyerɛkyerɛ pa no mu,+ na mmom wɔbɛboaboa akyerɛkyerɛfo ano afa ma wɔanunu wɔn asom, sɛnea wɔn ankasa akɔnnɔ te;+  na wobeyi wɔn asõ afi nokware no ho, na wɔadan akotie atosɛm.+  Nanso wo de, ma w’ani nna hɔ+ ade nyinaa mu, hu amane,+ yɛ ɔsɛmpakafo adwuma,+ yɛ wo som adwuma no pɛpɛɛpɛ.+  Na wɔanya rehwie me sɛ afɔrebɔ nsã dedaw,+ na bere a menya me ho atetew+ abɛn.  Mako ɔko pa no,+ matu mmirika no awie,+ maso gyidi no mu.+  Efi saa bere yi rekɔ no, nea ɛda hɔ retwɛn me ne trenee ahemmotiri+ a Awurade, ɔtemmufo treneeni no,+ de bɛma me sɛ akatua+ saa da no,+ na ɛnyɛ me nko, na mmom wɔn a wɔdɔ n’ahoyi no nyinaa nso.  Bɔ mmɔden biara bra me nkyɛn ntɛm.+ 10  Efisɛ mprempren wiase nhyehyɛe+ ho dɔ nti, Dema+ agyaw me hɔ kɔ Tesalonika; Kreske kɔ Galatia,+ Tito kɔ Dalmatia. 11  Luka nkutoo na aka no wɔ me nkyɛn. Fa Marko ka wo ho bra, na ɔyɛ ɔboafo+ ma me wɔ ɔsom mu. 12  Tihiko+ de, masoma no kɔ Efeso. 13  Sɛ woreba a, fa m’atade a mede ko awɔw a migyaw wɔ Karpo nkyɛn wɔ Troa+ no brɛ me, ɛne nhoma mmobɔwee no, titiriw aboa nhoma de no. 14  Aleksandro+ a ɔyɛ kɔbere dwumfo no yɛɛ me bɔne pii—Yehowa betua no ka sɛnea ne nnwuma te+ 15  na wo nso hwɛ wo ho yiye wɔ ne ho, efisɛ ɔfaa akwan nyinaa so ko tiaa yɛn nsɛm no. 16  Bere a edi kan a miyii m’ano no, obiara ammegyina m’akyi,+ na wɔn nyinaa twee wɔn ho fii me ho—mempɛ sɛ wɔde ho asodi bɛto wɔn so+ 17  nanso Awurade begyinaa me nkyɛn+ hyɛɛ me den+ sɛnea wɔbɛfa me so ayɛ asɛnka no pɛpɛɛpɛ, na ama amanaman nyinaa ate;+ na wogyee me fii gyata anom.+ 18  Awurade begye me afi adebɔne biara mu,+ na obegye me nkwa akɔ ne soro ahenni no mu.+ Ɔno na anuonyam nka no daa daa. Amen. 19  Kyia Priska+ ne Akwila ne Onesiforo+ fiefo ma me. 20  Erasto+ kaa Korinto,+ na Trofimo+ de, migyaw no Mileto+ a na ɔyare. 21  Yɛ nea wubetumi nyinaa bra ansa na awɔw bere adu. Eubulo kyia wo, ɔne Pude ne Lino ne Klaudia ne anuanom nyinaa. 22  Awurade ne honhom a woda no adi no ntena.+ N’adom nka mo.

Ase Hɔ Nsɛm