Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Timoteo 3:1-17

3  Na hu eyi sɛ nna a edi akyiri mu no,+ mmere a emu yɛ den bɛba.+  Efisɛ nnipa bɛyɛ ahopɛ, sikanibere, ahohoahoa, ahantan, wɔn a wɔka abususɛm, awofo so asoɔdenfo,+ bonniayɛfo, wɔn a wonni nokware,+  wɔn a wonni tema,+ wɔn a wontumi ne wɔn nyɛ apam,+ dinsɛefo,+ wɔn a wontumi nni wɔn ho so, wɔn a wɔyɛ keka,+ wɔn a wɔmpɛ papa,+  wɔn a woyi afoforo ma,+ wɔn a wɔyɛ asobrakye, wɔn a wɔyɛ ahomaso,+ wɔn a wɔdɔ anigyede sen Onyankopɔn;+  wɔde nyamesom pa adura wɔn anim,+ nanso wɔmfa tumi a ɛwom no nyɛ adwuma;+ dan wo ho fi saa nnipa yi ho.+  Na wɔn mu binom wiawia wɔn ho kɔ afie mu,+ na wɔfa mmea a wɔyɛ mmerɛw a bɔne ahyɛ wɔn mã na akɔnnɔ ahorow+ twetwe wɔn no nnommum,  na wosua ade daa, nanso wontumi nhu nokware no ho nimdeɛ a edi mũ no da.+  Na sɛnea Yane ne Yambre+ ko tiaa Mose no, saa ara na eyinom nso ko tia nokware no,+ nnipa a wɔn adwene asɛe koraa,+ wɔmfra wɔ gyidi mu.+  Nanso, wɔrentumi nkɔ wɔn anim bio, efisɛ wɔn adammɔ no bɛda adi nnipa nyinaa anim, sɛnea saa mmarima baanu no nso de yɛe no.+ 10  Wo de, nea woadi akyi pɛpɛɛpɛ ne me nkyerɛkyerɛ, m’asetena kwan,+ m’atirimpɔw, me gyidi, m’abodwokyɛre, me dɔ, me boasetɔ, 11  me taa, m’amanehunu, nea ɛbaa me so Antiokia,+ Ikoniom+ ne Listra,+ ɔtaa a mefaa mu nyinaa; nanso Awurade gyee me fii ne nyinaa mu.+ 12  Nokwarem no, wɔn a wɔpɛ sɛ wɔde onyamesom pa tena ase Kristo Yesu mu nyinaa no, wɔn nso wɔbɛtaa wɔn.+ 13  Nanso nnipa bɔne ne nnaadaafo bɛkɔ wɔn anim wɔ bɔneyɛ mu, wɔbɛdaadaa afoforo na wɔn nso wɔadaadaa wɔn.+ 14  Na wo de, tena nea woasua na woagye adi sɛ ɛyɛ nokware no mu,+ na wunim nnipa a wusua fii wɔn nkyɛn no,+ 15  na wufi wo mmofraase+ nso nim nkyerɛwee kronkron no, na ɛno na ebetumi ama woahu nyansa akɔ nkwagye+ mu denam Kristo Yesu mu gyidi so.+ 16  Kyerɛwnsɛm no nyinaa fi Onyankopɔn honhom mu,+ na eye ma ɔkyerɛkyerɛ,+ ntɛnyi,+ nneɛma ateɛteɛ,+ trenee mu nteɛso,+ 17  na Onyankopɔn nipa afata koraa+ a wɔasiesie no yiye ama adwuma pa biara.+

Ase Hɔ Nsɛm