Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Timoteo 2:1-26

2  Enti, me ba,+ kɔ so nya tumi+ wɔ adom+ a ɛwɔ Kristo Yesu mu no mu,  na nea wote fii m’anom, a nnipa pii adi ho adanse no,+ ɛno na fa hyɛ nnipa anokwafo nsa na ama wɔn nso wɔafata sɛ wɔkyerɛkyerɛ afoforo.+  Sɛ́ Kristo Yesu sraani pa+ no, wo nso hu amane.+  Obiara nni hɔ a ɔreyɛ asraafodwuma+ a ɔde ne ho hyehyɛ aguadisɛm mu,+ efisɛ ɔpɛ sɛ ɔsɔ nea ɔfaa no sraadi mu no ani.  Afei nso, sɛ obi si akan wɔ agodi mu a,+ wɔmfa abotiri no mma no, gye sɛ wasi akan no sɛnea ɛho mmara kyerɛ.  Ɛsɛ sɛ okuafo a wayɛ adwumaden no na odi kan di aba no bi.+  Susuw nea mereka yi ho daa; Awurade bɛma wo nneɛma nyinaa mu nhumu.+  Kae sɛ wonyan Yesu Kristo fii awufo mu,+ na na ɔyɛ Dawid aseni,+ sɛnea asɛmpa a meka no te;+  ɛno mu na merehu amane ma wɔagu me mpokyerɛ+ sɛ ɔdebɔneyɛfo yi. Nanso Onyankopɔn asɛm de, wɔnkyekyeree.+ 10  Enti na mekɔ so nya ade nyinaa mu boasetɔ, wɔn a wɔapaw wɔn no nti,+ na ama wɔn nso anya nkwagye a ɛwɔ Kristo Yesu mu no ne daa anuonyam.+ 11  Asɛm yi wom:+ Ampa ara sɛ yɛne no wui a, yɛne no bɛtena nkwa mu nso;+ 12  sɛ yɛkɔ so ara nya boasetɔ a, yɛne no bedi hene nso;+ sɛ yɛpo no a,+ ɔno nso bɛpo yɛn; 13  sɛ yɛanni nokware a, ɔno de, ɔyɛ ɔnokwafo,+ efisɛ ɔrentumi mpo ne ho. 14  Kɔ so kae+ wɔn nsɛm yi, na di wɔn adanse Onyankopɔn anim+ sɛ ɛnsɛ sɛ wɔkõ nsɛmfua ho,+ na ɛyɛ biribi a ɛso nni mfaso koraa efisɛ ɛsɛe wɔn a wotie no adwene. 15  Yɛ nea wubetumi biara fa wo ho ma Onyankopɔn sɛ obi a ɔfata,+ odwumayɛni+ a ɛnsɛ sɛ ɔfɛre hwee ho,+ a okura nokwasɛm no mu pɛpɛɛpɛ.+ 16  Nanso twe wo ho fi nsɛnhunu a etia nea ɛyɛ kronkron no ho;+ na wɔbɛkɔ wɔn anim wɔ amumɔyɛ mu,+ 17  na wɔn asɛm bɛtrɛw te sɛ ɔyare bɔne.+ Wɔn mu bi ne Himeneo ne Fileto.+ 18  Saa mmarima yi aman afi nokware no ho,+ na wɔka sɛ owusɔre no aba dedaw;+ na wɔresɛe ebinom gyidi.+ 19  Eyi nyinaa mu no, Onyankopɔn fapem a ɛyɛ den no da so ara gyina hɔ,+ na ɛwɔ nsɔano yi: “Yehowa nim wɔn a wɔyɛ ne de”;+ afei nso: “Ma obiara a ɔbɔ Yehowa din+ no ntwe ne ho mfi nea ɛnteɛ ho.”+ 20  Ofie kɛse mu no, ɛnyɛ sika ne dwetɛ anwenne nko na ɛwom, na mmom nnua ne dɔte de nso wom bi, na wɔde bi yɛ nneɛma a ɛho wɔ nyam na wɔde afoforo yɛ nneɛma a enni anuonyam.+ 21  Enti sɛ obi twe ne ho fi nea enni anuonyam no ho a, ɔbɛyɛ ade a wɔde di dwuma a ɛho wɔ nyam a wɔatew ho na ɛho hia ma owura no, a wɔasiesie ama adwuma pa biara.+ 22  Enti, guan mmerantebere mu akɔnnɔ,+ na mmom di trenee,+ gyidi, ɔdɔ ne asomdwoe+ akyi, wo ne wɔn a wofi koma a emu tew+ mu frɛ Awurade no. 23  Bio nso, po nkwasea akyinnyegye a aba biara nnim,+ efisɛ wunim sɛ ɛde ntɔkwaw ba.+ 24  Nanso ɛnsɛ sɛ Awurade akoa ko,+ na mmom ɛsɛ sɛ odwo ma nnipa nyinaa,+ otumi kyerɛkyerɛ,+ ɔhyɛ ne ho so wɔ bɔne ho,+ 25  ɔde odwo kasa kyerɛ wɔn a wɔtew atua;+ sɛ́ ebia Onyankopɔn bɛma wɔn adwensakra+ akɔ nokware no ho nimdeɛ a edi mũ mu,+ 26  na ama wɔn ani aba wɔn ho so afi Ɔbonsam afiri+ a ɔde akyere wɔn+ sɛ wɔnyɛ n’apɛde no mu.

Ase Hɔ Nsɛm