Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Timoteo 1:1-18

1  Paulo a ɔnam Onyankopɔn pɛ+ so yɛ Kristo Yesu somafo, sɛnea nkwa+ a ɛwɔ Kristo Yesu+ mu ho bɔhyɛ te no,  de kɔma me dɔba+ Timoteo: Agya Onyankopɔn ne yɛn Awurade Kristo Yesu adom, mmɔborɔhunu, ne asomdwoe nka wo.+  Meda Onyankopɔn a m’agyanom+ som no a mede ahonim+ pa resom+ no no ase sɛ me werɛ mfi wo m’adesrɛ+ mu anadwo ne awia,  na sɛ mekae wo nusu no a, m’ani gyina sɛ mehu wo+ na ama anigye ahyɛ me mã.  Na mekae gyidi+ a nyaatwom+ nnim a ɛwɔ wo mu, a edii kan tenaa wo nana Lois ne wo maame Eunike mu, a mewɔ ahotoso sɛ ɛwɔ wo nso wo mu no.  Eyi ara nti na merekae wo sɛ Onyankopɔn akyɛde+ a mede me nsa guu wo so+ ma wunyae no, hyɛ mu gya.+  Efisɛ Onyankopɔn amma yɛn ehu+ honhom, na mmom tumi+ ne ɔdɔ ne adwenemtew+ de.  Enti mma w’ani nnwu yɛn Awurade ho adansedi+ ne me a ne nti meyɛ ɔdeduani no ho,+ na mmom wo nso hu asɛmpa no ho amane+ bi, sɛnea Onyankopɔn tumi te.+  Wagye+ yɛn, na ɔde ɔfrɛ kronkron afrɛ+ yɛn, ɛnyɛ yɛn nnwuma+ nti, na mmom n’ankasa n’atirimpɔw ne ne dom ntia. Eyi na wɔde maa yɛn Kristo Yesu mu fi teteete,+ 10  nanso afei wɔayi no adi pefee denam yɛn Agyenkwa Kristo Yesu ahoyi+ so; ɔno na wayi owu afi hɔ+ na wama hann+ ahyerɛn nkwa+ ne nea ɛmporɔw+ so denam asɛmpa+ no so, 11  na ɛno nti na wɔpaw me ɔsɛnkafo ne ɔsomafo ne ɔkyerɛkyerɛfo.+ 12  Eyi nso nti na merehu amane+ yi, nanso ɛnyɛ me aniwu.+ Efisɛ minim onii a magye no adi no, na mewɔ ahotoso sɛ obetumi akora+ nea magyaw ahyɛ ne nsa no so akosi sɛ da+ no bɛba. 13  Kɔ so kura nsɛm a eye+ no nhwɛsode a wote fii me nkyɛn no mu. Kura mu wɔ gyidi ne ɔdɔ a ɛwɔ Kristo Yesu mu no mu.+ 14  Adepa a wɔde ahyɛ wo nsa yi+ na fa honhom kronkron a ɛte yɛn mu+ no so hwɛ so yiye. 15  Wunim sɛ nnipa a wɔwɔ Asia+ no nyinaa atwe wɔn ho afi me ho.+ Wɔn mu bi ne Figelo ne Hermogene. 16  Awurade nyi mmɔborɔhunu adi nkyerɛ Onesiforo fiefo,+ efisɛ ɔmaa me ho dwoo me+ mpɛn pii, na wamfɛre me nkɔnsɔnkɔnsɔn+ no ho. 17  Na mmom bere a ɔbaa Roma no, ɔhwehwɛɛ me denneennen na ohuu me.+ 18  Awurade mma onnya Yehowa hɔ mmɔborɔhunu,+ ɛda no.+ Na wunim ɔsom bebrebe a ɔsom wɔ Efeso no yiye.

Ase Hɔ Nsɛm