Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Samuel 8:1-18

8  Akyiri yi, ɛbae sɛ Dawid kaa Filistifo+ no gui, dii wɔn so nkonim,+ na Dawid gyee Meteg-Amma fii Filistifo no nsam.  Na ɔkaa Moabfo+ nso gui, na ɔma wɔdedaa fam, de susuhama susuw wɔn; osusuw ahama abien sɛ wonkum wɔn, ne hama biako pɛpɛɛpɛ sɛ wɔntena nkwa mu.+ Na Moabfo bɛyɛɛ Dawid nkoa+ a wotua tow ma no.+  Na Dawid kum Soba+ hene Rehob ba Hadadeser+ bere a na ɔresan akɔko agye asubɔnten Eufrate ho nkurow no.+  Na Dawid ko gyee apɔnkɔsotefo apem ahanson ne mmarima mpem aduonu a wɔnam fam+ fii ne nsam. Ɛnna Dawid twitwaa nteaseɛnam apɔnkɔ+ no nyinaa nantin ntini,+ na ogyaw nteaseɛnam apɔnkɔ no mu ɔha.  Bere a Siriafo a wɔwɔ Damasko+ no bae sɛ wɔrebɛboa Soba hene Hadadeser no, Dawid kunkum Siriafo mmarima mpem aduonu abien.+  Afei, Dawid de asraafodɔm+ koguu Siria a ɛwɔ Damasko, na Siriafo bɛyɛɛ Dawid nkoa a wotua tow ma no.+ Na Yehowa bɔɔ Dawid ho ban baabiara a ɔkɔe.+  Afei nso Dawid sesaw sika kɔkɔɔ akyɛm+ a na ekurakura wɔn a wɔhyɛ Hadadeser ase no, na ɔde baa Yerusalem.  Na Ɔhene Dawid faa kɔbere bebree pa+ fii Hadadeser nkurow Beta* ne Berota mu kɔe.  Hamat+ hene Toi* tee sɛ Dawid aka Hadadeser asraafodɔm no nyinaa agu.+ 10  Enti Toi somaa ne ba Yoram kɔɔ Ɔhene Dawid nkyɛn kokyiaa no,+ na ɔmaa no amo sɛ ɔne Hadadeser ako aka no agu, (nea ɛwom ne sɛ, na Hadadeser taa ne Toi di ako), na ɔde dwetɛ ne sika ne kɔbere nneɛma nyinaa bi kɔmaa no.+ 11  Ɔhene Dawid hyiraa eyinom nyinaa so maa Yehowa, sɛnea ohyiraa dwetɛ ne sika kɔkɔɔ a ogye fii amanaman a odii wɔn so nkonim no nyinaa nkyɛn so no;+ 12  efi Siria ne Moab+ ne Ammon asefo ne Filistifo+ ne Amalekfo+ nsam ne Soba+ hene Rehob ba Hadadeser asade mu. 13  Bere a Dawid kɔkaa Edomfo mpem dunwɔtwe+ gui wɔ Nkyene Bon+ no mu bae no, ogyee din. 14  Na ɔde asraafodɔm koguu Edom;+ ɔde asraafodɔm no koguu Edom baabiara, na Edomfo nyinaa bɛyɛɛ Dawid nkoa.+ Na Yehowa bɔɔ Dawid ho ban baabiara a ɔkɔe.+ 15  Dawid kɔɔ so dii Israel nyinaa so hene;+ Dawid buu atɛn na odii asɛntrenee+ maa ne man+ nyinaa daa. 16  Ná Seruia ba Yoab+ na ɔda asraafo no ano, na Ahilud ba Yehosafat+ nso ne ɔhene krakye. 17  Ná Ahitab ba Sadok+ ne Abiatar ba Ahimelek+ na wɔyɛ asɔfo, na Seraia nso ne ɔkyerɛwfo. 18  Ná Yehoiada ba Benaia+ na ɔda Keretifo+ ne Peletifo+ no ano, na Dawid mma no nso yɛ asɔfo.*+

Ase Hɔ Nsɛm

Ɛno ara na wɔfrɛ no “Tibhat” wɔ 1Be 18:8 no. Fa toto “Teba” ho wɔ Ge 22:24.
Ɔno ara na wɔfrɛ no “Tou” wɔ 1Be 18:9 no.
Anaa “mpanyimfo.”