Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Samuel 7:1-29

7  Ɛbae sɛ bere a ɔhene bɛtenaa ne fie,+ na Yehowa maa no ɔhome fii n’atamfo nyinaa ho hyiae+ no,  ɔhene ka kyerɛɛ odiyifo Natan+ sɛ: “Hwɛ, me de, mete ofie a wɔde nkyeneduru+ asi mu, nanso nokware Nyankopɔn adaka no si ntamadan mu.”+  Ɛnna Natan ka kyerɛɛ ɔhene sɛ: “Nea ɛda wo koma so biara, kɔ na kɔyɛ,+ na Yehowa di w’akyi.”  Ɛbae sɛ saa anadwo no, Yehowa asɛm+ baa Natan nkyɛn sɛ:  “Kɔ na kɔka kyerɛ m’akoa Dawid sɛ, ‘Nea Yehowa aka ni: “Wo na wubesi ofie ama matena mu anaa?+  Efi da a mikoyii Israelfo fii Egypt bae de besi nnɛ, mentenaa ofie mu da,+ ntamadan+ mu ara na madi akɔneaba.+  Bere a menantew Israelfo mu+ no nyinaa, da bɛn na meka kyerɛɛ Israel mmusuakuw+ a mehyɛɛ wɔn sɛ wɔnyɛn me man Israel no bi sɛ, ‘Dɛn nti na munsii kyeneduru fie mmaa me?’”’  Afei eyi na ka kyerɛ m’akoa Dawid, ‘Nea asafo Yehowa aka ni: “Me na miyii wo fii mmoa adidibea sɛ gyae mmoa+ akyidi na bedi me man Israel anim.+  Medi w’akyi baabiara a wobɛkɔ,+ na metwa w’atamfo nyinaa afi w’anim+ na mama woanya din kɛse+ sɛ asase so atitiriw no din. 10  Na mesiesie baabi+ ama me man Israel na mede wɔn akodua+ hɔ; ɛhɔ na wɔbɛtena, na biribiara renhaw wɔn adwene bio. Amumɔyɛfo asefo biara renteetee wɔn bio sɛ kan nna no,+ 11  nna a mede atemmufo+ sisii me man Israel so no. Mɛma wo ɔhome afi w’atamfo nyinaa nsam.+ “‘“Na Yehowa aka akyerɛ wo sɛ ofie+ na Yehowa bɛkyekye ama wo. 12  Sɛ wo nna wie du+ na wo ne w’agyanom kɔda+ a, mɛma w’aseni bi so afi w’asen mu w’akyi, na mɛma n’ahenni atim.+ 13  Ɔno na obesi ofie ama me din,+ na mɛma n’ahengua atim afebɔɔ.+ 14  Me na mɛyɛ n’agya,+ na ɔno nso ayɛ me ba.+ Sɛ ɔyɛ bɔne nso a, mede nnipa poma ne Adam asefo mmaa bɛteɛ no.+ 15  M’adɔe de, ɛremfi ne so sɛnea miyi fii Saul a mituu no w’anim so no.+ 16  Wo fie ne w’ahenni betim w’anim afebɔɔ, na w’ahengua nso betim afebɔɔ.”’”+ 17  Sɛnea nsɛm yi nyinaa ne anisoadehu yi nyinaa te no, saa na Natan ka kyerɛɛ Dawid.+ 18  Eyi akyi no, Ɔhene Dawid bɛtenaa Yehowa anim, na ɔkae sɛ: “O Awurade Tumfoɔ Yehowa, hena ne me,+ na me fie yɛ dɛn a wode me abedu ha yi? 19  Nanso eyi nyinaa yɛ w’ani so ade ketewa bi, O Awurade Tumfoɔ Yehowa; woasan aka nea ɛbɛba w’akoa fie so daakye-daakye, na eyi ne mmara a wode ama adesamma,+ O Awurade Tumfoɔ Yehowa.+ 20  Dɛn bio na Dawid nkɔ so nka nkyerɛ wo, O Awurade Tumfoɔ Yehowa? Wo na wunim w’akoa yiye.+ 21  W’asɛm nti+ woayɛ nneɛma akɛse yi nyinaa sɛnea ɛwɔ wo koma mu,+ na woama w’akoa ahu.+ 22  Ɛno nti na wosõ kokuroo+ no, O Awurade Tumfoɔ Yehowa; obiara nni hɔ a ɔte sɛ wo,+ na Onyame biara nni hɔ sɛ wo,+ anyame a yɛde yɛn aso ate wɔn ho asɛm no nyinaa mu. 23  Na ɔman biako bɛn na ɛwɔ asase so a ɛte sɛ wo man Israel+ a Onyankopɔn gyee wɔn fae sɛ ɔman?+ Ɔman bɛn na wonam wɔn so ayɛ anwonwadwuma+ akɛse de anya din?+ Ɛnyɛ wo man a wugyee+ wɔn fii Egypt, a wɔn nti wopam amanaman no ne wɔn anyame no? 24  Na wode wo nkurɔfo Israel+ atim w’anim sɛ wɔnyɛ wo man daa, na wo, Yehowa na woyɛ wɔn Nyankopɔn.+ 25  “Afei Yehowa Nyankopɔn, ma asɛm a woaka afa w’akoa ne ne fie ho no ntim daa, na yɛ sɛnea woaka no.+ 26  Ma wo din nyɛ kɛse daa,+ na nkurɔfo nka sɛ, ‘Asafo Yehowa ne Israel Nyankopɔn,’+ na ma w’akoa Dawid fie ntim w’anim.+ 27  Na wo, asafo Yehowa, Israel Nyankopɔn na woayi no adi akyerɛ w’akoa sɛ, ‘Mɛkyekye ofie ama wo.’+ Ɛno nti na w’akoa anya akokoduru rebɔ wo saa mpae yi.+ 28  Na afei, Awurade Tumfoɔ Yehowa, wone nokware Nyankopɔn no, na wo nsɛm a woaka no, ma ɛmmra mu+ efisɛ wode adepa yi ahyɛ w’akoa bɔ.+ 29  Enti ma ɛnyɛ wo fɛ na hyira+ w’akoa fie na ɛntena w’anim daa+ efisɛ wo, Awurade Tumfoɔ Yehowa, wo na woahyɛ bɔ, na wo nhyira nti, ma nhyira mmra w’akoa fie so daa.”+

Ase Hɔ Nsɛm