Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Samuel 22:1-51

22  Dawid kaa dwom+ yi mu nsɛm kyerɛɛ Yehowa, ɛda a Yehowa gyee no fii n’atamfo nyinaa nsam,+ na ogyee no fii Saul nsam no.+  Ɔkae sɛ: “Yehowa ne me botan+ ne m’abannennen+ ne me Gyefo.+   Me Nyankopɔn yɛ me botan.+ Ɔno na miguan metoa no, Me kyɛm+ ne me nkwagye abɛn,+ m’abantenten,+ Me guankɔbea,+ me Gyefo;+ wugye me fi awudisɛm mu.+   Misu mefrɛ Yehowa, Ɔno a ɔfata ayeyi+ no, Na obegye me afi m’atamfo nsam.+   Asorɔkye a edi awu twaa me ho hyiae;+ Ahuhufo nsuyiri nso yii me hu daa.+   Adamoa*+ nhama twaa me ho hyiae; Owu mfiri bɛtoaa me.+   M’ahohia mu, mefrɛɛ Yehowa,+ Na misu frɛɛ me Nyankopɔn.+ Ɔtee me nne n’asɔrefie hɔ,+ Na me sufrɛ no duu n’asom.+   Ɛnna asase hinhimii, na ɛwosow biribiri;+ Ɔsoro nnyinaso nso wosowee,+ N’abufuw nti, ɛwosow biribiri.+   Wusiw fii ne hwenem, na n’anom gya nso hyew ade;+ Nsramma dɛw fii ne mu.+ 10  Okuntun ɔsoro mu sianee.+ Ná esum kabii wɔ ne nan ase.+ 11  Ɔtenaa kerubim+ so tu bae, Na wohuu no sɛ ɔte ɔbɔfo ntaban* so.+ 12  Ɛnna ɔde sum twaa ne ho hyiae sɛ ɔsese,+ Osu a amuna tumm, omununkum kusuu mu.+ 13  N’anim hann mu na nsramma a ɛredɛw fi bae.+ 14  Yehowa fi ɔsoro boboom,+ Ɔsorosoroni no maa ne nne so.+ 15  Ɔsomaa agyan bae, na ɔde bɔɔ wɔn hwetee;+ Ɔtotow anyinam de tan wɔn ani.+ 16  Wohuu po ase,+ Na asase fapem+ yii adi, Yehowa animka ne ne hwenem home hahyeehahyee no nti.+ 17  Ɔteɛɛ ne nsa fii soro, osoo me mu;+ Oyii me fii nsu akɛse mu.+ 18  Ogyee me fii me tamfo hoɔdenfo nsam;+ Ogyee me fii wɔn a wokyi me nsam, efisɛ na wɔn ho yɛ den sen me.+ 19  Wɔbɛtoaa me m’amanehunu da,+ Nanso Yehowa bɛyɛɛ me boafo.+ 20  Oyii me kogyinaa nea ɛhɔ trɛw;+ Ogyee me efisɛ n’ani gyee me ho.+ 21  Yehowa tua me ka sɛnea me trenee te;+ Sɛnea me nsa ho tew na otua me ka.+ 22  Efisɛ mafa Yehowa akwan so,+ Na minnyaw me Nyankopɔn nkɔyɛɛ bɔne.+ 23  N’atemmusɛm+ nyinaa wɔ m’anim, Na ne mmara nso, merentwe me ho mfi ho.+ 24  Medi mũ+ wɔ n’anim, Na mɛtwe me ho afi bɔne ho.+ 25  Ma Yehowa ntua me ka sɛnea me trenee te;+ Sɛnea me nsa ho tew wɔ n’anim no, ontua me ka.+ 26  Ɔnokwafo na wo ne no bedi no nokwaredi mu;+ Ɔbarima a odi mũ na wo ne no bedi no mũdi mu;+ 27  Nea ɔma ne ho tew na wobɛtew wo ho ama no;+ Na ɔkɔntɔnkyeni de, wo ne no bedi no sɛ nea onni ti.+ 28  Wubegye ahobrɛasefo nso;+ Na ahantanfo de, w’ani sã wɔn na wobrɛ wɔn ase.+ 29  O Yehowa, wone me kanea;+ Yehowa na ɔma esum dan me hann.+ 30  Wo nti, mitumi tow hyɛ afowfo dɔm so;+ Me Nyankopɔn nti mitumi foro ɔfasu.+ 31  Nokware Nyankopɔn no de, ne kwan yɛ pɛ;+ Yehowa asɛm nso, wɔapa mu.+ Ɔyɛ ɔkyɛm ma wɔn a woguan kɔtoa no nyinaa.+ 32  Hena ne Onyankopɔn sɛ Yehowa?+ Na hena ne ɔbotan sɛ yɛn Nyankopɔn?+ 33  Nokware Nyankopɔn no ne me guankɔbea a ɛyɛ den,+ Na ɔbɛma me kwan ayɛ pɛ;+ 34  Ɔma me nan yɛ sɛ ɔforote de,+ Na baabi a ɛwɔ sorosoro mpo, ɔma mitumi gyina hɔ.+ 35  Ɔkyerɛkyerɛ me nsa akodi,+ Na me basa kuntun kɔbere tadua mu.+ 36  Wode wo nkwagye kyɛm bɛma me,+ Na w’ahobrɛase na ɛma meyɛ kɛse.+ 37  Wobɛma m’anammɔn mu atrɛw,+ Na me nankɔn anwosowosow.+ 38  Mɛpam m’atamfo akosi sɛ mɛsɛe wɔn; Merensan kosi sɛ mɛtɔre wɔn ase.+ 39  Mɛtɔre wɔn ase na mabubu wɔn,+ na wɔansɔre bio;+ Wɔbɛhwe ase me nan ase.+ 40  Wode ahoɔden bɛbɔ me abɔso ama ɔsa,+ Na wobɛma wɔn a wɔsɔre tia me ahwe ase wɔ me nan ase.+ 41  Wode m’atamfo kɔn akyi bɛma me,+ Na wɔn a wokyi me no, mɛsɛe wɔn.+ 42  Wosu frɛ, nanso ogyefo bi nni hɔ,+ Wɔfrɛ Yehowa, nanso ommua wɔn.+ 43  Mɛyam wɔn muhumuhu sɛ asase so mfutuma, Na mɛwɔw+ wɔn sɛ abɔnten so atɛkyɛ; Metiatia wɔn so ayam wɔn. 44  Wubeyi me afi me man kasatia mu.+ Na wobɛhwɛ me so ama madi amanaman so.+ Ɔman a minnim wɔn no, wɔn na wɔbɛsom me.+ 45  Ahɔho nso bɛbrɛ wɔn ho ase ama me;+ Wɔbɛyɛ aso atie me.+ 46  Ahɔho bekisa, Na wɔde ahopopo befi wɔn hintabea aba.+ 47  Yehowa te ase;+ nhyira nka me Botantim+ no, Na me nkwagye botan Nyankopɔn no, wɔmma no so.+ 48  Nokware Nyankopɔn no na ɔtɔ were ma me;+ Na Ɔno na ɔde aman hyɛ m’ase,+ 49  Ɔno na ogye me fi m’atamfo nsam.+ Wobɛma me so wɔn a wɔsɔre tia me no so;+ Wubegye me afi nea odi awudisɛm nsam.+ 50  Ɛno nti, mɛda wo ase amanaman+ mu, O Yehowa, Na mɛto ayeyi dwom ama wo din:+ 51  Ɔno na ɔyɛ nkwagye nnwuma akɛse ma ne hene,+ Na ɔyɛ nea wasra no no adɔe,+ Dawid ne n’aseni no, daa daa.”+

Ase Hɔ Nsɛm

Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
Anaa “mframa ntaban.”