Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Samuel 16:1-23

16  Bere a Dawid twaam fii atifi+ hɔ kɔe kakra no, Mefiboset+ somfo Siba+ behyiaa no, na ɔde mfurum+ abien a wɔahyehyɛ wɔn a wɔsõsõ paanoo+ ahanu ne bobe tetare+ ɔha, ne ahohuru bere mu aduaba a wɔabɔ no atɔwatɔw+ ɔha, ne bobesa+ ahina biako bae.  Na ɔhene bisaa Siba sɛ: “Nneɛma a wode aba yi kyerɛ dɛn?”+ Ɛnna Siba kae sɛ: “Mfurum yi, ma wɔmfa mma ɔhene fiefo na wɔntenatena so, na paanoo ne ahohuru bere mu nnuaba yi, ma mmerante+ no nni, na bobesa yi nso, ma wɔmfa mma nea wabrɛ+ sare so+ no na ɔnnom.”  Ɛnna ɔhene bisaa no sɛ: “Na wo wura ba no wɔ he?”+ Na Siba ka kyerɛɛ ɔhene sɛ: “Hwɛ, ɔte Yerusalem reka sɛ, ‘Ɛnnɛ Israel fie bɛsan adan me papa ahenni ama me.’”+  Ɛnna ɔhene ka kyerɛɛ Siba sɛ: “Hwɛ! Nea Mefiboset wɔ biara yɛ wo dea.”+ Ɔkaa saa no, Siba kae sɛ: “Mekotow+ wo. Ma minnya w’anim dom, me wura ɔhene.”  Na Ɔhene Dawid bae ara beduu Bahurim,+ na hwɛ! ɔbarima bi a ofi Saul abusua mu a wɔfrɛ no Simei,+ Gera ba no, fii adi fi hɔ bae; ɔreba no nyinaa, na ɔredome no ba.+  Ɔhyɛɛ ase paa Dawid ne Ɔhene Dawid nkoa nyinaa abo; ná nkurɔfo no nyinaa ne nnɔmmarima no nyinaa wɔ ne benkum ne ne nifa.  Nsɛm a Simei kae bere a ɔredome no ne sɛ: “Fi hɔ kɔ, fi hɔ kɔ, ɔbarima mogyapɛfo,+ onipahunu+ a ɔte sɛ wo!  Yehowa ama Saul a wubesii n’ananmu dii hene no fie mogya nyinaa abegu w’atifi, na Yehowa agye ahenni no de ahyɛ wo ba Absalom nsa. Hwɛ, woyɛ ɔbarima mogyapɛfo nti na mmusu aba wo so no!”+  Ɛnna Seruia+ ba Abisai ka kyerɛɛ ɔhene sɛ: “Dɛn nti na ɔkraman+ funu yi redome me wura ɔhene?+ Mesrɛ wo, ma menkɔ nkɔtew ne ti mfi so.”+ 10  Nanso ɔhene kae sɛ: “Dɛn na me ne mo wɔ yɛ,+ Seruia mma?+ Momma ɔnnome+ me, efisɛ Yehowa na waka akyerɛ no sɛ,+ ‘Dome Dawid!’ Enti hena na obetumi aka sɛ, ‘Adɛn nti na woyɛɛ saa?’”+ 11  Na Dawid san ka kyerɛɛ Abisai ne ne nkoa nyinaa sɛ: “Hwɛ! Me ara me ba a ofi m’asen mu mpo repɛ me kra,+ na Benyaminni+ na ɔbɛyɛ dɛn! Munnyaa no na ɔnnome me, efisɛ Yehowa na waka sɛ ɔnyɛ! 12  Ebia Yehowa aniwa behu,+ na Yehowa de papa bɛhyɛ ne nnome no ananmu ama me nnɛ.”+ 13  Ɛnna Dawid ne ne mmarima no toaa wɔn akwantu no so; ná Simei nso nam bepɔw no fã nohoa, ne ntentenso redome+ no, na ɔrekɔ nyinaa na ɔrepa no abo, na ɔtow mfutuma bebree petee.+ 14  Nkakrankakra ɔhene ne nkurɔfo a wɔka ne ho nyinaa kodui, na na wɔabrɛ. Enti wɔhomee wɔ hɔ.+ 15  Absalom de, ɔne nnipa no nyinaa, Israel mmarima no, baa Yerusalem,+ na na Ahitofel+ ka ne ho. 16  Ɛbae sɛ bere a Dawid yɔnko+ Husai,+ Arkini+ no, duu Absalom nkyɛn no, ɛhɔ ara na Husai ka kyerɛɛ Absalom sɛ: “Ɔhene nnya nkwa!+ Ɔhene nnya nkwa!” 17  Ɛnna Absalom bisaa Husai sɛ: “Adɔe a wopɛ sɛ woyɛ wo yɔnko ni? Dɛn nti na wo ne wo yɔnko no ankɔ?”+ 18  Na Husai ka kyerɛɛ Absalom sɛ: “Dabi, na nea Yehowa ne nkurɔfo yi ne Israel mmarima nyinaa apaw no no, ɔno na mewɔ n’afã, na ɔno na me ne no bɛtena. 19  Mereka no ne mprenu so sɛ, hena na mɛsom no? Ɛnyɛ ne ba anim na mɛsom? Sɛnea mesom wo papa anim no, saa ara na mɛsom w’anim.”+ 20  Akyiri yi, Absalom ka kyerɛɛ Ahitofel sɛ: “Mmarima, muntu me fo.+ Dɛn na yɛnyɛ?” 21  Ɛnna Ahitofel ka kyerɛɛ Absalom sɛ: “Wo ne wo papa ayefam+ a ogyaw wɔn akyiri sɛ wɔnhwɛ fie+ hɔ no nna. Israel nyinaa bɛte sɛ wo ho abɔn+ wo papa,+ na wɔn a wɔwɔ w’afã nyinaa bɛhyɛ wɔn nsam+ den.” 22  Enti wosii ntamadan wɔ ɔdan atifi+ maa Absalom, na Absalom ne ne papa ayefam+ no dae Israel nyinaa anim.+ 23  Nna no mu no, na Ahitofel afotu te sɛ nea obi akɔ nokware Nyankopɔn nkyɛn akobisa biribi. Saa na na Ahitofel+ afotu+ nyinaa te ma Dawid ne Absalom nyinaa.

Ase Hɔ Nsɛm