Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Samuel 11:1-27

11  Na ɛbae sɛ afe kɔ behyiae,+ na bere a ahene fi kɔ ɔsa+ no, Dawid somaa Yoab a ne nkoa ka ne ho ne Israel nyinaa sɛ wɔnkɔsɛe Ammonfo+ na wontwa Raba+ ho nhyia. Saa bere no, Dawid tenaa Yerusalem.  Eduu anwummere no, Dawid sɔre fii ne mpa so na ɔkɔnantenantew ahemfie no atifi.+ Ofi ɔdan no atifi hɔ hui+ sɛ ɔbea bi reguare, na ɔbea no ho yɛ fɛ yiye.+  Ɛnna Dawid soma kobisaa ɔbea no ho asɛm,+ na obi kae sɛ: “Ɛnyɛ Eliam*+ ba Bat-Seba,+ Hitini+ Uria+ yere no ni?”  Na Dawid somaa abɔfo kɔfaa no.+ Enti ɔbaa ne nkyɛn,+ na ɔne no dae+ bere a na ɔredwira ne ho afi ne ho fĩgu mu.+ Na ɔsan kɔɔ ne fie.  Na ɔbea no nyinsɛnee, na ɔsoma kɔka kyerɛɛ Dawid sɛ: “Manyinsɛn.”  Ɛnna Dawid soma kɔɔ Yoab nkyɛn kɔka kyerɛɛ no sɛ: “Ma Hitini Uria mmra me nkyɛn.” Na Yoab maa Uria kɔɔ Dawid nkyɛn.  Bere a Uria duu Dawid nkyɛn no, obisaa no sɛnea Yoab ne dɔm no ho te, ne sɛnea ɔsa no rekɔ so.  Ɛnna Dawid ka kyerɛɛ Uria sɛ: “Kɔ wo fie kɔhohoro wo nan ho.”+ Enti Uria fii ahemfie hɔ kɔe, na wɔde ɔhene akyɛde fi dii n’akyi.  Nanso Uria kɔdaa ahemfie pon ano, ɔne ne wura nkoa a aka no nyinaa, na wankɔ ne fie. 10  Na wɔka kyerɛɛ Dawid sɛ: “Uria ankɔ ne fie.” Ɛnna Dawid bisaa Uria sɛ: “Ɛnyɛ ɔkwan na wufi bae? Dɛn nti na woankɔ wo fie?” 11  Na Uria ka kyerɛɛ Dawid sɛ: “Adaka+ no ne Israel ne Yuda tete asese mu, na me wura Yoab ne me wura nkoa+ abobɔ nsra wɔ wuram, na me de, menkɔ me fie nkodidi na mennom na me ne me yere nna anaa?+ Sɛ́ wote ase na wo kra nso te ase yi,+ merenyɛ ade a ɛte saa!” 12  Ɛnna Dawid ka kyerɛɛ Uria sɛ: “Tena ha nnɛ nso, na ɔkyena megya wo kwan ma woakɔ.” Enti Uria tenaa Yerusalem saa da no ne n’adekyee. 13  Na Dawid san frɛɛ no bio ma obedidi nomee wɔ n’anim, na ɔma ɔbowee.+ Nanso anwummere no, ofii adi kɔdaa ne mpa so, ɔne ne wura nkoa, na wankɔ ne fie. 14  Ade kyee anɔpa no, Dawid kyerɛw krataa+ de hyɛɛ Uria nsam sɛ ɔmfa nkɔma Yoab. 15  Ɔkyerɛw wɔ krataa no mu sɛ:+ “Momma Uria nkogyina faako a ɔko no mu yɛ den paa,+ na montwe mo ho mfi n’akyi, na wɔmmɔ no na onwu.”+ 16  Bere a Yoab rehwɛ kurow no, ɔmaa Uria kogyinaa faako a onim sɛ nnɔmmarima wɔ.+ 17  Bere a kurow no mu mmarima fii adi ne Yoab bɛkoe no, dɔm a wɔyɛ Dawid nkoa no bi totɔe, na Hitini Uria nso wui.+ 18  Ɛnna Yoab somae sɛ wɔnkɔka ɔsa no mu nsɛm nyinaa nkyerɛ Dawid. 19  Na ɔhyɛɛ ɔbɔfo no sɛ: “Sɛ woka ɔsa no mu nsɛm nyinaa kyerɛ ɔhene wie, 20  na sɛ ɔhene bo fuw, na obisa wo sɛ, ‘Dɛn nti na mobɛn kurow no saa kɔkoe? Ná munnim sɛ wobefi ɔfasu no so atotow agyan awowɔ mo anaa? 21  Hena na ɔbɔɔ Yerubeset+ ba Abimelek+ kum no? Ɛnyɛ ɔbea na ofi ɔfasu so tow owiyammo bɔɔ no+ ma owui wɔ Tebes?+ Dɛn nti na mobɛn ɔfasu no saa?’ a, wo nso ka sɛ, ‘W’akoa Uria, Hitini no nso awu.’”+ 22  Enti ɔbɔfo no siim kɔe, na ɔkɔkaa asɛm a Yoab de somaa no no nyinaa kyerɛɛ Dawid. 23  Ɔbɔfo no ka kyerɛɛ Dawid sɛ: “Mmarima no ho yɛɛ den sen yɛn; wofi baa yɛn so wuram hɔ, na yetu sãã wɔn ara koduu kurow pon no ano. 24  Na agyantofo no fi ɔfasu no so totow+ baa wo nkoa so, na ɔhene nkoa no bi wuwui, na w’akoa Uria, Hitini no nso awu.”+ 25  Ɛnna Dawid ka kyerɛɛ ɔbɔfo no sɛ: “Eyi na kɔka kyerɛ Yoab, ‘Mma asɛm yi nnyɛ w’ani so bɔne, na nkrante twa+ benkum twa nifa. Ma wo ko no mu nyɛ den wɔ kurow no so, na dwiriw gu.’+ Na hyɛ no den.” 26  Na Uria yere no tee sɛ ne kunu Uria awu, na osuu+ ne wura.+ 27  Bere a ogyam+ no wiei no, ntɛm ara na Dawid soma kɔfaa no baa ne fie, na ɔbɛyɛɛ ne yere.+ Na ɔwoo ɔbabarima maa no. Nanso ade a Dawid yɛe no ansɔ+ Yehowa ani.+

Ase Hɔ Nsɛm

Ɔno ara na wɔfrɛ no “Amiel” wɔ 1Be 3:5 no.