Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Samuel 10:1-19

10  Akyiri yi, ɛbae sɛ Ammonfo+ hene wui, na ne ba Hanun bedii n’ade.+  Ɛnna Dawid kae sɛ: “Mɛyɛ Nahas ba Hanun adɔe, sɛnea ne papa yɛɛ me adɔe no.”+ Enti Dawid somaa ne nkoa+ sɛ wɔnkɔkyekye ne werɛ, ne papa wu no ho, na Dawid nkoa no kɔɔ Ammonfo asase so.  Ɛnna Ammon mpanyimfo bisaa wɔn wura Hanun sɛ: “Wugye di sɛ Dawid pɛ sɛ odi wo papa ni w’anim nti na wasoma sɛ wɔmmɛkyekye wo werɛ yi? Wunnye nni sɛ Dawid rebɛhwehwɛ kurow yi mu de apɛ ɔkwan+ a ɔbɛfa so adan abutuw nti na wasoma ne nkoa aba wo nkyɛn yi?”+  Enti Hanun kyeree Dawid nkoa no yii wɔn bogyesɛ+ fã, na otwitwaa wɔn ntade so besii wɔn to, na ɔma wɔkɔe.+  Ɛnna nkurɔfo kɔka kyerɛɛ Dawid. Ɛhɔ ara na ɔsoma kohyiaa mmarima no efisɛ na wɔagu wɔn anim ase pɔtɔɔ; na ɔhene kae sɛ: “Montena Yeriko+ nkosi sɛ mo bogyesɛ befuw kuhaa ansa na moasan aba.”  Akyiri yi, Ammonfo no hui sɛ wɔn ho abɔn+ Dawid. Ɛno nti Ammonfo no soma kɔbɔɔ Siriafo a wɔwɔ Bet-Rehob+ ne Siriafo a wɔwɔ Soba+ paa, mmarima a wɔnam fam mpem aduonu, ne Maaka+ hene nnipa apem ne Istob mmarima mpem dumien.  Dawid tee no, ɔmaa Yoab ne nnɔmmarima+ no ne asraafo nkae no nyinaa kɔɔ hɔ.  Na Ammonfo kotwaa ɔko mpasua wɔ kurotia, na Siriafo a wɔwɔ Soba ne Rehob+ ne Istob ne Maaka no kogyinagyinaa petee mu.+  Bere a Yoab hui sɛ dɔm no bi wɔ n’anim ne n’akyi nyinaa no, ntɛm ara na ɔpaw Israel mmarima akantinka+ no bi kɔɔ mpasua so kohyiaa Siriafo no. 10  Na ɔde dɔm a aka no maa ne nua Abisai+ sɛ wontwa ɔko mpasua nkohyia Ammonfo+ no. 11  Na ɔkae sɛ: “Sɛ Siriafo no ahoɔden boro me so a, bra begye me; na sɛ Ammonfo nso ahoɔden boro wo so a, me nso mɛba abegye wo.+ 12  Yɛ den, na yɛmfa akokoduru+ nni mma yɛn man ne yɛn Nyankopɔn nkurow,+ na Yehowa de, nea eye n’ani so na ɔbɛyɛ.”+ 13  Ɛnna Yoab ne ne dɔm no kɔɔ wɔn anim kohyiaa Siriafo no wɔ ɔko no mu, na woguan n’anim.+ 14  Ammonfo no hui sɛ Siriafo aguan, enti wɔn nso woguan fii Abisai anim, na wɔsan kɔɔ kurow no mu.+ Eyi akyi no, Yoab gyaee Ammonfo no akyidi na ɔsan kɔɔ Yerusalem.+ 15  Bere a Siriafo no hui sɛ wɔadi nkogu wɔ Israel anim no, wɔboaboaa wɔn ano hyiae. 16  Na Hadadeser+ soma kɔfaa Siriafo a wɔwɔ asubɔnten kɛse+ no ho no baa Helam, na Hadadeser sahene Sobak+ na odii wɔn anim. 17  Asɛm no duu Dawid asom ara pɛ, ɔboaboaa Israel nyinaa ano kotwaa Yordan kɔɔ Helam. Siriafo twaa mpasua kohyiaa Dawid, na wɔne no koe.+ 18  Nanso Siriafo no guan+ fii Israel anim, na Dawid kunkum Siriafo ahanson a wɔtete nteaseɛnam+ mu ne apɔnkɔsotefo mpem aduanan, na ɔsahene Sobak nso, ɔbɔɔ no ma owui wɔ hɔ.+ 19  Bere a ahene+ a wɔyɛ Hadadeser nkoa no nyinaa hui sɛ wɔadi nkogu wɔ Israel anim+ no, ɛhɔ ara na wɔne Israel yɛɛ asomdwoe apam, na wɔsom wɔn,+ na Siriafo suroe sɛ wɔbɛko agye Ammonfo bio.+

Ase Hɔ Nsɛm