Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Petro 3:1-18

3  Adɔfo, eyi ne krataa a ɛto so abien a merekyerɛw mo, na te sɛ nea edi kan no,+ merekaakae+ mo de akanyan mo adwene ma emu ada hɔ fann,  na moakae nsɛm a adiyifo+ kronkron no aka ato hɔ no ne ahyɛde a Awurade ne Agyenkwa no nam mo asomafo so de mae no.+  Nea edi kan koraa no, munim sɛ nna a edi akyiri no+ mu no, afɛwdifo+ bedi wɔn ankasa akɔnnɔ akyi+ abedi fɛw  aka sɛ:+ “Ne mmae a wɔahyɛ ho bɔ no wɔ he?+ Hwɛ, efi da a yɛn agyanom dedae no, biribiara te sɛ nea ɛte fi abɔde mfiase.”+  Na esiane sɛ wɔn ankasa pɛ no saa nti, wonhu nokwasɛm yi sɛ efi tete no, na ɔsoro wɔ hɔ,+ na asase no fi nsu mu gyina hɔ pintinn+ ma nsu atwa ho ahyia,+ Onyankopɔn asɛm nti;  na ɛnam so na nsu yiri sɛee wiase a na ɛwɔ hɔ saa bere no.+  Na ɛnam asɛm koro no ara so na wɔakora ɔsoro+ ne asase+ a ɛwɔ hɔ yi so ama ogya+ de retwɛn atemmu+ ne amumɔyɛfo sɛe da.+  Nanso, adɔfo, mommma mo ani mmpa nokwasɛm yi so sɛ Yehowa fam no, da koro yɛ mfe apem na mfe apem nso yɛ da koro.+  Yehowa nkyɛ ne bɔhyɛ ho+ sɛnea ebinom bu biribi sɛ ɛkyɛ no, na mmom ɔwɔ mo ho abotare efisɛ ɔmpɛ sɛ obiara bɛsɛe, na mmom ɔpɛ sɛ obiara nya adwensakra.+ 10  Nanso Yehowa da+ no bɛba sɛ ɔkorɔmfo,+ na emu na ɔsoro betwam+ kurududu,+ na nneɛma a adɔ ayɛ kɔɔ no bɛnan,+ na asase+ ne emu nnwuma bɛda adi.+ 11  Esiane sɛ eyinom nyinaa bɛnan nti, munhu nnipa ko a ɛsɛ sɛ moyɛ wɔ abrabɔ kronkron ne onyamesom pa mu 12  bere a motwɛn+ na moma Yehowa da no ba yɛ ntɛm+ mo adwenem, ɛda a ɔsoro bɛsɔ ogya asɛe+ na emu nneɛma a adɔ ayɛ kɔɔ no bɛnan no! 13  Na sɛnea ne bɔhyɛ te no, yɛretwɛn ɔsoro foforo+ ne asase foforo,+ na eyi mu na trenee bɛtena.+ 14  Enti, adɔfo, esiane sɛ moretwɛn eyinom nti, monyɛ nea mubetumi biara mma ommehu mo sɛ nnipa a wɔn ho nni nkekae+ ne dɛm biara wɔ asomdwoe mu.+ 15  Bio nso, mummu yɛn Awurade ntoboase no sɛ nkwagye sɛnea yɛn nua dɔfo Paulo nso nam nyansa+ a wɔde ama no so kyerɛw mo+ 16  na ɔkaa eyinom ho asɛm sɛnea ɔtaa yɛ wɔ ne nkrataa nyinaa mu no. Emu na nsɛm a ne ntease yɛ den wɔ, na wɔn a wonsuaa ade na wɔn ase ntimii no kyinkyim no sɛnea wokyinkyim Kyerɛwnsɛm a aka no+ ma ɛkowie wɔn ankasa sɛe mu. 17  Enti, adɔfo, esiane sɛ munim eyi dedaw nti,+ monhwɛ mo ho yiye na mmaratofo amfa wɔn nnebɔne no antwe mo ankɔ, na bere a moatim yi moanhwe ase.+ 18  Dabida, na mmom monkɔ so nnyin wɔ yɛn Awurade ne yɛn Agyenkwa Yesu Kristo adom ne nimdeɛ mu.+ Ɔno na anuonyam nka no nnɛ ne daa.+

Ase Hɔ Nsɛm