Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Petro 2:1-22

2  Nanso atoro adiyifo nso sɔree wɔn mu sɛnea akyerɛkyerɛfo atorofo bɛsɔre mo mu no.+ Eyinom bewiawia wɔn ho de fekusɛm a edi awu aba na wɔbɛpa wɔn wura a ɔtɔɔ wɔn no mpo,+ na wɔn ankasa de ɔsɛe bɛba wɔn ho so ntɛm.  Bio nso nnipa pii bedi wɔn ahohwibra+ akyi+ na wɔn nti wɔbɛka nokware kwan no ho asɛmmɔne.+  Afei anibere nti, wɔnam nnaadaasɛm so besisi mo.+ Na wɔn de, wɔn atemmu a ɛwɔ hɔ fi tete+ no ntwentwɛn ase, na wɔn sɛe ntɔ nko.+  Na Onyankopɔn amma abɔfo+ a wɔyɛɛ bɔne no amfa wɔn ho anni, na mmom ɔtoo wɔn guu Tartarus+ ma wɔkɔɔ sum kabii bun mu sɛ wɔnkora wɔn so mma atemmu;+  na wamma tete wiase no amfa wɔn ho anni,+ na ɔkoraa Noa a ɔyɛ trenee sɛnkafo+ no ne nnipa baason+ so bere a ɔde nsuyiri+ bɛsɛee amumɔyɛfo wiase no;  na obuu Sodom ne Gomora fɔ bere a ɔmaa nkurow no danee nsõ no,+ na ɛbɛyɛɛ sɛnnahɔ maa amumɔyɛfo huu nea ɛbɛba;+  na ogyee ɔtreneeni Lot+ a mmaratofo no ahohwibra maa ne ho hiahiaa no no+  efisɛ nea ɔbarima a ɔteɛ yi hui na ɔtee bere a ɔne wɔn te da biara da no maa ne kra a ɛteɛ no ho yeraw no esiane wɔn mmaratode no nti—  eyinom nyinaa kyerɛ sɛ Yehowa nim sɛnea obegye wɔn a woyi wɔn yam som no no afi sɔhwɛ mu+ na wakora wɔn a wɔyɛ nea ɛnteɛ no so ama atemmu da ma wɔatwa wɔn afi hɔ,+ 10  ne titiriw no wɔn a wodi ɔhonam akɔnnɔ akyi de gu afoforo ho fĩ+ na wobu tumidi animtiaa no.+ Wɔyɛ anuɔdenfo, wodi wɔn koko so asɛm, wonsuro anuonyamfo, na mmom wɔka wɔn ho nsɛmmɔne,+ 11  nanso abɔfo a wɔwɔ ahoɔden ne tumi sen wɔn mpo mfa ɔkasatia mmu wɔn atɛn+ esiane obu a wɔwɔ ma Yehowa nti.+ 12  Na mmarima yi a wɔte sɛ mmoa a wonni adwene a wɔn de ara ne sɛ wɔbɛwo wɔn ma wɔakyere wɔn asɛe wɔn no, wɔn na nneɛma a wonnim a wɔkasa tia+ no ara nti, wɔbɛfa wɔn ankasa sɛe kwan so akɔ ɔsɛe mu, 13  na wopira wɔn ho+ sɛ wɔn bɔne so akatua.+ Wobu ɔhonam akɔnnɔ a wodi akyi awiabere no sɛ anigyede.+ Wɔyɛ nkekae ne dɛm, na nea wɔn ani gye ho ara ne sɛ wɔde atoro nkyerɛkyerɛ bɛdaadaa mo bere a wɔne mo bom didi no.+ 14  Wɔwɔ aniwa a awaresɛe ahyɛ no mã+ a entumi nkwati bɔne,+ na wɔto akra a wɔn ase ntimii no brada. Wɔwɔ koma a aben anibere mu.+ Wɔyɛ mmofra a wɔadome wɔn.+ 15  Wɔafi ɔkwan tẽẽ no so ma wɔadaadaa wɔn. Wɔafa Beor ba Balaam+ kwan so; ɔno na na ɔpɛ adebɔne so akatua,+ 16  nanso woyii no ntɛn ne mmarato ho.+ Aboa a ontumi nkasa de onipa nne kasae,+ na esiw odiyifo no n’abɔdansɛm no kwan.+ 17  Eyinom yɛ asubura a nsu nnim,+ suwusiw a ahum a ano yɛ den bɔ no; wɔn na wɔakora esum kabii so ama wɔn.+ 18  Na wɔkeka akokurokosɛm a mfaso biara nni so, na wɔnam ɔhonam akɔnnɔ+ ne ahohwibra so to wɔn a afei na wɔatetew wɔn ho+ afi nnebɔneyɛfo ho no brada.+ 19  Wɔhyɛ wɔn bɔ sɛ wɔbɛma wɔade wɔn ho,+ nanso wɔn ankasa yɛ ɔporɔw nkoa.+ Efisɛ sɛ obi di ɔfoforo so a, ɔde no yɛ akoa.+ 20  Nokwasɛm ni, sɛ wɔnam Awurade ne Agyenkwa Yesu Kristo ho nokware nimdeɛ so tetew wɔn ho fi wiase fĩ ho,+ na wɔsan de wɔn ho kɔhyɛ ade koro no ara mu bio ma ɛfa wɔn nnommum a,+ ɛnde na wɔn tebea asɛe koraa sen kan de no.+ 21  Sɛ wonnim trenee kwan no a, anka eye+ mmom sen sɛ wobehu no fann na akyiri yi wɔatwe wɔn ho afi ahyɛde kronkron a wɔde ama wɔn no ho.+ 22  Ɛno ama nokware bɛ yi afa wɔn ho sɛ: “Ɔkraman+ asan kɔ ne fe ho, na prako a wɔaguare no asan akɔyantam dontori mu.”+

Ase Hɔ Nsɛm