Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Korintofo 9:1-15

9  Afei ɛdefa ɔsom+ a yɛde boa akronkronfo no ho no, ɛho nhia sɛ mɛkyerɛw ho asɛm abrɛ mo,  efisɛ minim sɛnea moayɛ krado, na ɛma mede mo hoahoa me ho kyerɛ Makedoniafo, sɛ Akaiafo asiesie wɔn ho afe ni,+ na mo mmɔdenbɔ no akanyan wɔn mu dodow no ara.  Nanso meresoma anuanom no, na ahohoahoa a yɛwɔ wɔ mo ho no anyɛ kwa eyi mu, na mmom moayɛ krado+ ankasa sɛnea na metaa ka sɛ mobɛyɛ no.  Anyɛ saa na sɛ Makedoniafo ne me ba na wɔbɛto sɛ munsiesiee mo ho a, yɛn—ɛnyɛ mo mpo—na yɛn ani bewu sɛ yenyaa saa ahotoso yi.  Enti mihui sɛ ɛho hia sɛ mehyɛ anuanom no nkuran ma wodi kan ba mo nkyɛn begye akyɛde a muyii mo yam hyɛɛ ho bɔ+ no sɛnea ɛbɛyɛ a ɛbɛda hɔ sɛ akyɛde a moayi mo yam de ama na anyɛ biribi a wɔagye no ɔhyɛ so.+  Na eyi mu no, nea ogu no pɛpɛe+ so no betwa pɛpɛe so, na nea ogu pii+ no betwa pii.  Obiara nyɛ no sɛnea wasusuw wɔ ne komam, ɛnyɛ amemenemfe+ anaa ɔhyɛ so, efisɛ Onyankopɔn dɔ nea ɔtew n’anim ma.+  Bio nso, Onyankopɔn betumi ama n’adom nyinaa abu so ama mo, na bere a daa munya nea ɛbɛsõ mo biribiara mu no, moanya pii ama adwuma pa biara.+  (Sɛnea wɔakyerɛw no, “Wakyɛ ade pii, wama ahiafo ade, ne trenee wɔ hɔ daa.”+ 10  Na nea ɔma ogufo aba pii na ɔma nkurɔfo paanoo di+ no bɛma aba a mugu no adɔɔso, na wama mo trenee aba ayɛ bebree.)+ 11  Biribiara mu munya mo ho na ama moayɛ adɔe akwan nyinaa so, na ɛnam yɛn so ama Onyankopɔn anya aseda;+ 12  efisɛ ɔsom a wɔde ma yi de, ɛnyɛ sɛ ɛma akronkronfo nya nea wɔpɛ boro so nko,+ na mmom ɛma wonya wɔn ho nso, aseda pii a wɔde ma Onyankopɔn nti. 13  Esiane ɔsom yi ho adanse nti, wɔhyɛ Onyankopɔn anuonyam sɛ mobrɛ mo ho ase ma Kristo ho asɛmpa+ no sɛnea mo ankasa moka no, na afei muyi mo yam yi ntoboa de kɔma wɔne obiara;+ 14  na wɔbɔ mpae ma mo, na wɔn ani agyina mo efisɛ Onyankopɔn adom+ a ɛboro so no wɔ mo so. 15  Aseda nka Onyankopɔn wɔ n’akyɛde a enni kabea no ho.+

Ase Hɔ Nsɛm