Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Korintofo 7:1-16

7  Adɔfo, esiane sɛ yɛwɔ bɔhyɛ+ ahorow yi nti, momma yɛnhohoro yɛn ho+ mfi ɔhonam ne honhom mu fĩ nyinaa ho,+ na yɛn ahotew adi mũ Onyankopɔn suro+ mu.  Mummue kwan mma yɛn.+ Yɛnyɛɛ obiara bɔne, yɛnsɛee obiara, yɛmpɛɛ obiara ho mfaso.+  Ɛnyɛ sɛ mereka eyi de abu mo fɔ, efisɛ maka dedaw sɛ moda yɛn koma so sɛnea ɛbɛyɛ a mo ne yɛn bewu na mo ne yɛn atena nkwa mu.+  Mitumi ne mo kasa ahotoso mu. Mede mo hoahoa me ho pii.+ Awerɛkyekye ahyɛ me ma,+ na m’anigye aboro so yɛn ahohia nyinaa mu.+  Nokwarem no, bere a yɛbaa Makedonia+ no, yɛn honam annya ɔhome,+ na mmom yɛn ho hiaa yɛn+ akwan nyinaa so—ná ntɔkwaw atwa yɛn ho ahyia, na ehu wɔ yɛn mu.  Nanso Onyankopɔn a ɔkyekye wɔn a wɔayɛ mmɔbɔ werɛ+ no nam Tito mmae no so kyekyee yɛn werɛ;  na ɛnyɛ ne mmae no nko, na mmom mo ho awerɛkyekye a onyae bere a ɔsan bɛkaa+ sɛnea mo ani agyina, na mo werɛ ahow na mukum mo ho ma me no, ɛmaa m’ani gyei bebree.  Enti sɛ mede me krataa no how mo werɛ+ mpo a, minni ho yaw. Midii ho yaw mfiase no, (efisɛ mihu sɛ krataa no how mo werɛ, ɛwom sɛ ɛyɛ bere tiaa bi de)  nanso mprempren m’ani agye, ɛnyɛ sɛ mo werɛ howee nti, na mmom sɛ mo werɛ how kɔɔ adwensakra+ mu nti; efisɛ mo werɛ how Onyankopɔn kwan so+ sɛnea ɛbɛyɛ a yɛn nti asɛmmɔne biara rento mo biribiara mu. 10  Na Onyankopɔn kwan so awerɛhow yɛ adwensakra a ɛkɔ nkwagye mu a ɛnsɛ sɛ obi nu no ho wɔ ho;+ nanso wiase awerɛhow de owu ba.+ 11  Hwɛ sɛnea mo werɛ a ɛhow Onyankopɔn kwan so+ yi ma mokekaa mo ho, hwɛ sɛnea ayi asodi afi mo so; hwɛ, ɛde abufuw bae; hwɛ, ɛde ehu bae; hwɛ, ɛde anigyina bae; hwɛ, ɛde nsiyɛ bae; hwɛ, edii mfomso ho dwuma!+ Modaa mo ho adi akwan nyinaa so sɛ mo ho tew asɛm yi mu. 12  Enti mekyerɛw mo de, nanso ɛnyɛ nea ɔyɛɛ bɔne+ no anaa nea wɔyɛɛ no bɔne no nti na meyɛɛ saa, na mmom sɛnea ɛbɛyɛ a mmɔden a mobɔ wɔ yɛn ho no bɛda adi mo mu wɔ Onyankopɔn anim. 13  Eyi nti na yɛn werɛ akyekye. Nanso, yɛn awerɛkyekye akyi no, nea ɛmaa yɛn ani gye boroo so koraa ne Tito anigye no, efisɛ mo nyinaa moama ne koma atɔ ne yam.+ 14  Na sɛ mede mo hoahoaa me ho kyerɛɛ no a, m’ani anwu; mmom no, esiane sɛ yɛkaa biribiara kyerɛɛ mo nokware mu nti, saa ara na abɛda adi sɛ yɛn ho a yɛhoahoae+ wɔ Tito anim no nso yɛ nokware. 15  Bio nso, ɔwɔ atenka a ɛboro so ma mo na ɔkae mo nyinaa setie,+ sɛnea mode osuro ne ahopopo gyee no no. 16  M’ani agye sɛ mo nti mewɔ akokoduru wɔ ade nyinaa mu.+

Ase Hɔ Nsɛm