Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Korintofo 6:1-18

6  Bere a yɛne no bom yɛ adwuma yi,+ yɛsrɛ mo bio sɛ munnnye Onyankopɔn adom no mmma n’atirimpɔw nnyɛ kwa.+  Na ɔka sɛ: “Bere a ɛfata mu mitiee wo, na nkwagye da meboaa wo.”+ Hwɛ! Ɛnnɛ ne adom bere.+ Hwɛ! Ɛnnɛ ne nkwagye da.+  Yɛnto hintidua+ biribiara mu, na wɔannya yɛn som adwuma no ho asɛm biara;+  na mmom ade nyinaa mu yɛda yɛn ho adi+ sɛ Onyankopɔn asomfo, boasetɔ pii mu, ahohia mu, ohia mu, ahokyere mu,+  ɔhwe mu, afiasenna mu,+ sakasaka mu, adwumaden mu, apɛsi mu, yafumpan mu,+  ahotew mu, nimdeɛ mu, abodwokyɛre mu,+ ayamye mu,+ honhom kronkron mu, ɔdɔ a nyaatwom+ nnim mu,  nokwasɛm mu, Onyankopɔn tumi mu;+ ɛnam trenee akode+ a ɛwɔ yɛn nsa nifa ne benkum so,  ɛnam anuonyam ne animguase so, asɛmmɔne ne asɛmpa so; sɛ asisifo+ nanso anokwafo,  sɛ nnipa a wonnim yɛn nanso wonim yɛn yiye,+ sɛ nnipa a yɛrewu, nanso hwɛ! yɛte ase,+ sɛ nnipa a wɔateɛ yɛn so,+ nanso wonkum yɛn,+ 10  sɛ nnipa a wɔredi awerɛhow, nanso yɛn ani gye daa, sɛ ahiafo, nanso yɛma nnipa pii yɛ adefo, sɛ nnipa a wonni hwee, nanso yɛwɔ nneɛma nyinaa.+ 11  Korintofo, yɛaka nea ɛsɛ sɛ yɛka biara akyerɛ mo; yɛabue yɛn komam.+ 12  Yɛn de, yensiw mo kwan yɛn komam,+ na mmom mo ankasa mo dɔ na musiw ho kwan.+ 13  Enti nea mo nso mobɛyɛ de atua ka no—mekasa kyerɛ mo sɛ mmofra+—mo nso montrɛw mo komam. 14  Mo ne wɔn a wonnye nni nntwe kɔndua koro.+ Na twaka bɛn na trenee ne amumɔyɛ wɔ?+ Anaasɛ ayɔnkofa bɛn na hann ne sum wɔ?+ 15  Afei nso abusuabɔ bɛn na Kristo ne Belial wɔ?+ Anaasɛ kyɛfa+ bɛn na gyidini ne nea onnye nni wɔ? 16  Na biakoyɛ bɛn na Onyankopɔn asɔrefie ne abosom wɔ?+ Na yɛyɛ Onyankopɔn teasefo no asɔrefie,+ sɛnea Onyankopɔn kae no sɛ: “Mɛtena wɔn mu,+ na manantew wɔn mu, na mayɛ wɔn Nyankopɔn, na wɔayɛ me man.”+ 17  “‘Enti mumfi wɔn mu, na montew mo ho,’ Yehowa na ose, ‘na mommfa mo nsa nnka nea ɛho ntew’”;+ “‘na megye mo.’”+ 18  “‘Na mɛyɛ mo agya,+ na moayɛ me mmabarima ne mmabea,’+ ade nyinaa so Tumfoɔ+ Yehowa na ose.”

Ase Hɔ Nsɛm