Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Korintofo 3:1-18

3  Yɛrefi ase bio adi yɛn ho adanse anaa?+ Anaasɛ ehia sɛ yɛde adansedi nkrataa+ brɛ mo anaa yenya bi fi mo hɔ, sɛnea ebinom yɛ no?  Mo ara ne yɛn krataa+ a wɔakyerɛw wɔ yɛn koma so a nnipa nyinaa hu na wɔkan.+  Na ada adi sɛ moyɛ Kristo krataa a yɛakyerɛw sɛ asomfo,+ nea yɛamfa adubiri ankyerɛw, na mmom wɔde Onyankopɔn teasefo no honhom+ na ɛkyerɛwee, a ɛnyɛ abopon+ so, na mmom honam apon so, koma so.+  Afei yɛnam Kristo so anya saa ahotoso+ yi wɔ Onyankopɔn mu.  Ɛnyɛ sɛ yɛn ankasa fata sɛ yesusuw sɛ biribi fi yɛn,+ na mmom Onyankopɔn na ɔma yɛfata,+  na ɔno na wama yɛafata sɛ apam foforo asomfo,+ ɛnyɛ mmara a wɔakyerɛw,+ na mmom honhom de;+ efisɛ mmara a wɔakyerɛw bu fɔ+ kɔ owu mu, na honhom de, ɛma nkwa.+  Afei nso sɛ mmara a ɛde owu ba+ a wokurukyerɛw no abo so+ no mpo bae wɔ anuonyam mu,+ ma enti Israel mma antumi annyen wɔn ani anhwɛ Mose anim esiane n’anim anuonyam+ a na ebetwam no nti a,  ɛbɛyɛ dɛn na honhom a wɔde ma+ no rennya anuonyam a ɛkyɛn saa?+  Na sɛ mmara apam a ɛde afobu ba+ no yɛ anuonyam+ a, ɛnde na nea ɛde trenee ba+ no wɔ anuonyam a ɛkyɛn saa koraa.+ 10  Nokwarem no, nea na wɔahyɛ no anuonyam no mpo, wɔayi ne ho anuonyam+ no, anuonyam a ɛkyɛn saa+ no nti. 11  Na sɛ nea ɛretwam no mpo de anuonyam na ɛbae+ a, ɛnde na nea ɛtena hɔ no benya anuonyam a ɛkyɛn saa koraa.+ 12  Enti bere a yɛwɔ anidaso+ a ɛte saa no, yɛkasa ahotoso mu, 13  na yɛanyɛ sɛ bere a Mose de ade kataa n’anim+ sɛnea ɛbɛyɛ a Israel mma rennyen wɔn ani nhwɛ nea na ebetwam no awiei.+ 14  Mmom no, wɔn adwene ano kumii.+ Na ɛde besi nnɛ no, sɛ wɔkenkan apam dedaw no a, nkataanim no da so ara wɔ hɔ a wonnya nyii,+ efisɛ ɛnam Kristo so na ebetwam.+ 15  Nokwasɛm ne sɛ, ɛde besi nnɛ no, bere biara a wɔbɛkan Mose nsɛm no,+ nkataanim da so kata wɔn koma so.+ 16  Na sɛ wɔdan ba Yehowa nkyɛn a, woyi nkataanim no.+ 17  Na Yehowa yɛ Honhom;+ na faako a Yehowa+ honhom+ wɔ no, ahofadi wɔ hɔ.+ 18  Na bere a yɛn+ nyinaa de yɛn anim a yɛnkatae no da Yehowa anuonyam adi+ sɛ ahwehwɛ no, wɔsakra yɛn+ kɔ suban koro no ara mu+ fi anuonyam mu kɔ anuonyam mu,+ sɛnea Yehowa a ɔyɛ Honhom no yɛ no pɛpɛɛpɛ+ no.

Ase Hɔ Nsɛm