Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Korintofo 13:1-14

13  Ne mprɛnsa so+ ni a merebɛba mo nkyɛn. “Asɛm biara nnyina adansefo baanu anaa baasa anom asɛm so.”+  Maka dedaw, na ɛte sɛ nea mewɔ mo nkyɛn ne mprenu so, nanso minni hɔ seesei, na meredi kan aka akyerɛ wɔn a wɔayɛ bɔne ne wɔn a aka no nyinaa sɛ sɛ meba bio a, merenhu mmɔbɔ,+  efisɛ morehwehwɛ adanse a ɛkyerɛ sɛ Kristo kasa fa me so,+ Kristo a ɔnyɛ mmerɛw wɔ mo fam, na mmom ɔwɔ tumi mo mu no.  Ampa, efi mmerɛwyɛ+ mu na wɔbɔɔ no asɛndua mu+ de, nanso Onyankopɔn tumi+ nti ɔte ase.+ Ɛyɛ ampa nso sɛ yɛne no yɛ mmerɛw de, nanso Onyankopɔn tumi a ɔda no adi ma mo nti, yɛne no bɛtena ase.+  Monkɔ so ara nsɔ nhwɛ sɛ mowɔ gyidi no mu anaa, monkɔ so mpɛɛpɛɛ mo mu nhwɛ.+ Anaasɛ munnye ntom sɛ Yesu Kristo wɔ mo mu anaa?+ Gye sɛ ebia momfata de.  M’ani da so ankasa sɛ mubehu sɛ yɛnyɛ nnipa a wɔmfata.  Afei yɛbɔ Onyankopɔn mpae+ na moanyɛ bɔne biara, ɛnyɛ sɛ ɛbɛkyerɛ sɛ yɛfata, na mmom sɛnea ɛbɛyɛ na moayɛ adepa, na yɛn de, yɛayɛ sɛ nea yɛmfata.  Na yɛrentumi nyɛ hwee ntia nokware no, gye sɛ yɛyɛ ma nokware no.+  Bere biara a yɛbɛyɛ mmerɛw na moayɛ den no,+ yɛn ani gye ankasa; na eyi ho na yɛrebɔ mpae,+ sɛ wɔbɛkɔ so asiesie mo yiye. 10  Eyi nti na minni mo nkyɛn yi merekyerɛw eyinom abrɛ mo, na sɛ meba a, me ne mo anni no denneennen+ sɛnea tumi a Awurade de ama me sɛ memfa nhyɛ den+ na memmfa mmmu abam no te. 11  Nea aka no, anuanom, monkɔ so nni ahurusi mma wonsiesie mo yiye, nnya awerɛkyekye,+ nnya adwenkoro,+ ntena asomdwoe mu;+ na ɔdɔ ne asomdwoe Nyankopɔn+ no ne mo bɛtena. 12  Momfa mfewano kronkron nkyiakyia mo ho.+ 13  Akronkronfo no nyinaa kyiakyia mo. 14  Yɛn Awurade Yesu Kristo adom ne Onyankopɔn dɔ nka mo nyinaa na munnya honhom kronkron mu kyɛfa.+

Ase Hɔ Nsɛm