Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Ahene 19:1-37

19  Bere a Ɔhene Hesekia+ tee asɛm no ara na osuan n’atade mu+ na ofuraa atweaatam+ kɔɔ Yehowa fie.+  Afei ɔsomaa Eliakim+ a ɔyɛ ofiepanyin, ne Sebna+ a ɔyɛ ɔkyerɛwfo, ne asɔfo mpanyimfo kɔɔ Amus+ ba odiyifo Yesaia+ nkyɛn; ná wofurafura ntweaatam.  Na wɔka kyerɛɛ no sɛ: “Nea Hesekia aka ni, ‘Ɛnnɛ yɛ ahohia+ ne animka+ ne nsopa+ da, efisɛ mma abedu awotwaa ano,+ nanso ahoɔden nni hɔ a wɔde bɛwo wɔn.+  Ebia Yehowa, wo Nyankopɔn bɛte+ Rabsake nsɛm no nyinaa; ɔno na ne wura Asiria hene asoma no sɛ ɔmmɛsopa+ Onyankopɔn teasefo no. Na nsɛm a Yehowa wo Nyankopɔn ate no nti, ɔbɛma wabu ho akontaa.+ Ɛno nti bɔ mpae+ ma wɔn a wɔaka+ wɔ ha no.’”  Enti Ɔhene Hesekia nkoa no kɔɔ Yesaia nkyɛn.+  Na Yesaia ka kyerɛɛ wɔn sɛ: “Monkɔka nkyerɛ mo wura sɛ, ‘Nea Yehowa aka ni:+ “Mma nsɛm a Asiria hene nkoa aka atia me+ a wotee no mmmɔ wo hu.+  Mede honhom+ bi bɛhyɛ ne mu, na ɔbɛte amanneɛbɔ+ bi na wasan akɔ n’asase so, na mɛma watɔ nkrante ano wɔ n’ankasa asase so.”’”+  Afei Rabsake+ san n’akyi kɔe, na ɔkɔtoe sɛ Asiria hene ne Libna+ reko. Saa bere no na wate sɛ wafi Lakis.+  Ná ɔhene ate sɛ Etiopia hene Tirhaka aba sɛ ɔne no rebɛko. Enti ɔsan somaa abɔfo+ kɔɔ Hesekia nkyɛn sɛ: 10  “Monkɔka nkyerɛ Yuda hene Hesekia sɛ, ‘Mma wo Nyankopɔn a wode wo ho ato no so no nnnaadaa wo+ sɛ: “Wɔremfa Yerusalem+ nhyɛ Asiria hene nsa.”+ 11  W’ankasa woate nea Asiria ahene de yɛɛ nsase no nyinaa, sɛnea wɔsɛee wɔn pasaa+ no; wo na wubenya wo ti adidi mu anaa?+ 12  Aman a m’agyanom sɛee wɔn no anyame+ tumi gyee wɔn anaa? Wotumi gyee Gosan+ ne Haran+ ne Resef ne Eden+ mma a na wɔwɔ Tel-Asar+ no? 13  Ɛhe na Hamat+ hene ne Arpad+ hene ne Sefarwayim ne Hena ne Iwa+ nkurow so ahene no wɔ?’” 14  Ɛnna Hesekia gyee krataa no fii abɔfo no nsam kenkanee,+ na Hesekia kɔɔ Yehowa fie kɔtrɛw mu wɔ Yehowa anim.+ 15  Na Hesekia bɔɔ mpae+ Yehowa anim sɛ: “O Yehowa, Israel Nyankopɔn+ a wote kerubim+ so, wo nko ara ne nokware Nyankopɔn, asase so+ ahenni+ nyinaa so. Wo na woyɛɛ ɔsoro+ ne asase.+ 16  O Yehowa, yɛ aso, na tie.+ Yehowa, bue w’aniwa,+ na hwɛ, na tie nsɛm a Senaherib asoma sɛ wɔmfa mmetwa+ Onyankopɔn teasefo no mpoa. 17  Yehowa, ɛyɛ nokware sɛ Asiria ahene asɛe amanaman ne wɔn nsase.+ 18  Na wɔtow wɔn anyame guu ogya mu, efisɛ wɔnyɛ anyame,+ na mmom wɔyɛ nnipa nsa ano adwuma,+ nnua ne abo, enti wɔsɛee wɔn. 19  Enti afei, O Yehowa, yɛn Nyankopɔn,+ yɛsrɛ wo, gye yɛn+ fi ne nsam na asase so ahenni nyinaa nhu sɛ wo, Yehowa, wo nkutoo ne Onyankopɔn.”+ 20  Na Amus ba Yesaia soma kɔka kyerɛɛ Hesekia sɛ: “Nea Israel Nyankopɔn Yehowa aka ni,+ ‘Mpae+ a woabɔ wɔ Asiria hene Senaherib ho no, mate.+ 21  Yehowa asɛm a waka atia no ni: “Sion babea, ɔbaabun no, abu wo animtiaa,+ na wo ho yɛ no serew.+ Yerusalem babea+ no awosow ne ti wɔ w’akyi.+ 22  Hena na woatwa no mpoa+ akasa atia no yi?+ Hena na woama wo nne so wɔ no so+ Na wohããhãã w’ani kyerɛ no yi?+ Ɛyɛ Israel Kronkronni+ no! 23  Wonam abɔfo+ so atwa Yehowa mpoa aka sɛ,+ ‘Mede me nteaseɛnam bebree no bɛkɔ,+ Mede bɛforo akɔ mmepɔw atifi,+ Na makɔ Lebanon+ akyirikyiri nohoa; Metwitwa ne nkyeneduru+ atenten no ne n’apopaw nnua+ fɛfɛ no agu. Mɛhyɛn mu akodu ne tenabea a ɛwɔ akyirikyiri nohoa, ne kwae turo+ mu. 24  Me na metutu fam na manom amannɔne nsu, Na mede me nan bɛma Egypt Nil nsuka nyinaa ayow.’+ 25  Wontee anaa?+ Mebɔɔ me tirim sɛ mɛyɛ akyɛ.+ Efi tete na mehyɛ too hɔ.+ Afei mɛma aba mu.+ Na wobɛma nkurow a ɛyɛ den adan amamfõ a wɔayɛ no pasaa.+ 26  Na emu nnipa nsam behodwow;+ Ehu bɛka wɔn na wɔn anim agu ase.+ Wɔbɛyɛ sɛ asase so wura ne sare,+ Wɔbɛyɛ sɛ ɔdan so sare+ a apuei mframa ama aguan.+ 27  Sɛnea wote hɔ dwoodwoo+ ne wo nkɔree ne wo mmae nyinaa, minim,+ Na minim sɛnea w’ani abere me so,+ 28  W’ani abere me so+ na wo mmobom abedu m’asom.+ Enti me nso mede me darewa bewura wo hwene mu na mede me nnareka ato w’ano,+ Na ɔkwan a wofaa so baa ha no, ɛno ara so na mɛma woafa akɔ.”+ 29  “‘Eyi bɛyɛ sɛnkyerɛnne ama wo:+ Afe yi, mubedi aba a atotɔ fam afifi,+ afe a ɛto so abien no, mubedi ntwakae a afifi, nanso afe a ɛto so abiɛsa no de, mungu aba+ na muntwa, na monyɛ bobe nturo na munni mu aba.+ 30  Na Yuda fiefo a wɔafi mu aka+ no begye ntini akɔ fam, na wobenyin akɔ soro na wɔasow aba.+ 31  Na Yerusalem na nkae bi befi,+ na nnipa a wɔafi mu aka befi Bepɔw Sion+ so. Asafo Yehowa nnamyɛ+ na ɛbɛyɛ eyi. 32  “‘Ɛno nti na Yehowa aka eyi afa Asiria hene ho no:+ “Ɔremma kurow yi mu,+ na ɔrentow agyan+ mma ha, na ɔremfa ɔkyɛm mma ha, na ɔrensi akoban+ wɔ ho. 33  Yehowa aka sɛ, ɔkwan a ɔfaa so bae no ara so na ɔbɛfa akɔ, na ɔremma kurow yi mu.+ 34  Na ɔko na mɛko agye kurow yi,+ me+ ne m’akoa Dawid+ nti.”’” 35  Na anadwo no ara Yehowa bɔfo fi kokunkum Asiriafo nsraban+ no mu nnipa mpem ɔha aduɔwɔtwe anum.+ Bere a nkurɔfo sɔree anɔpatutuutu no, wɔnkɔhwɛ a, wɔn nyinaa afunu sam hɔ.+ 36  Ɛno nti Asiria hene Senaherib+ san n’akyi kɔe,+ na ɔkɔtenaa Niniwe.+ 37  Ɛbae sɛ bere a ɔkɔɔ ne nyame+ Nisrok+ fie kɔkotowee no, n’ankasa mma Adramelek ne Sareser de nkrante kum no,+ na woguan kɔɔ Ararat+ asase so. Na ne ba Esar-Haddon+ bedii n’ade.

Ase Hɔ Nsɛm