Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Ahene 17:1-41

17  Yuda hene Ahas afe a ɛto so dumien mu no, Ela ba Hosea+ bedii Israel so hene wɔ Samaria+ mfe akron.  Ɔyɛɛ Yehowa ani so bɔne de, nanso anto Israel ahene a wodii n’anim no.+  Ɔno na Asiria+ hene Salmaneser+ baa no so, na Hosea bɛyɛɛ n’akoa na ofii ase tuaa tow+ maa no.  Nanso Asiria hene hui sɛ Hosea pɛ sɛ ɔtew atua,+ efisɛ ɔsomaa abɔfo kɔɔ Egypt+ hene a wɔfrɛ no So nkyɛn, na tow a ɛsɛ sɛ otua ma Asiria hene no, wantua sɛnea na ɔyɛ kan mfe mu no. Enti Asiria hene kyekyeree no too afiase too no mu.+  Asiria hene tu baa asase no nyinaa so, na ɔbaa Samaria betwaa ho hyiae+ mfe abiɛsa.  Hosea afe a ɛto so akron mu na Asiria hene dii Samaria so nkonim,+ na ɔde Israelfo kɔɔ nkoasom mu+ wɔ Asiria, na ɔde wɔn kɔtenatenaa Hala+ ne Habor wɔ asubɔnten Gosan ho+ ne Mediafo nkurow mu.+  Nea ɛma ɛbaa saa ne sɛ, Israelfo yɛɛ bɔne+ tiaa Yehowa wɔn Nyankopɔn a oyii wɔn fii Egypt asase so wɔ Egypt hene Farao nsam+ no, na wɔkɔsom anyame foforo;+  wɔnantew amanaman a Yehowa pam wɔn fii Israelfo anim no ahyɛde mu,+ ne Israel ahene ahyɛde a wɔn ankasa hyehyɛe mu.  Israelfo yɛɛ Yehowa, wɔn Nyankopɔn ani so bɔne,+ na wosisii sorɔnsorɔmmea+ wɔn nkurow nyinaa mu, efi awɛmfo aban+ so kosi kurow a wɔabɔ ho ban so; 10  wosisii abosom adum+ ne abosonnua+ wɔ nkoko atenten+ so ne nnua kusuu+ nyinaa bi ase; 11  wɔkɔɔ so hyew afɔrebɔde wɔ sorɔnsorɔmmea no so te sɛ amanaman+ a wɔn nti Yehowa de wɔn kɔɔ nkoasom mu no, na wɔyɛɛ nneɛma bɔne de hyɛɛ Yehowa abufuw.+ 12  Wɔsom abosom fĩ+ a Yehowa kaa ho asɛm kyerɛɛ wɔn sɛ: “Monnyɛ saa ade yi”+ no; 13  Yehowa nam n’adiyifo+ nyinaa ne adehufo+ nyinaa so bɔɔ Israel+ ne Yuda+ kɔkɔ+ sɛ: “Monnan mfi mo akwammɔne ho,+ na munni me mmara nsɛm+ ne m’ahyɛde+ so sɛnea mmara+ a mede maa mo agyanom+ na menam me nkoa adiyifo so de brɛɛ mo+ no te”; 14  nanso wɔantie na wosinsen wɔn kɔn+ sɛnea wɔn agyanom a wɔannye Yehowa, wɔn Nyankopɔn anni+ no sinsen wɔn kɔn no; 15  wɔpoo n’ahyɛde ne apam+ a ɔne wɔn agyanom yɛe ne ne nkaesɛm+ a ɔde bɔɔ wɔn kɔkɔ no, na wokodii abosonhuhuw+ akyi, na wɔn nso bɛyɛɛ ahuhufo,+ na wɔde suasuaa amanaman a atwa wɔn ho ahyia a Yehowa hyɛɛ wɔn sɛ wɔnnyɛ sɛ wɔn+ no nyinaa. 16  Wogyaw Yehowa wɔn Nyankopɔn ahyɛde+ nyinaa, na wɔyeyɛɛ dade ahoni,+ nantwi mma+ abien, na wɔyɛɛ ɔbosom dua,+ na wɔkotow ɔsoro asafo+ nyinaa, na wɔsom Baal;+ 17  wɔmaa wɔn mmabarima ne wɔn mmabea faa ogya mu+ na wɔhyehyɛɛ abosonkɔm+ kɔɔ abisa,+ na wɔtɔn+ wɔn ho yɛɛ Yehowa ani so bɔne de hyɛɛ no abufuw.+ 18  Enti Yehowa bo fuw+ Israel pii, na oyii wɔn fii n’anim.+ Wamma obiara anka, gye Yuda abusuakuw no nko.+ 19  Yuda mpo anni Yehowa wɔn Nyankopɔn mmara nsɛm so,+ na mmom Israel ahene ahyɛde a wɔn ankasa hyehyɛe no mu na wɔnantewee.+ 20  Ɛno nti Yehowa poo Israel asefo+ nyinaa na ɔbrɛɛ wɔn ase de wɔn hyɛɛ afowfo nsa kosii sɛ ɔtow wɔn fii n’anim kyenee.+ 21  Na ɔtew Israel fii Dawid fie ho, na wɔde Nebat ba Yeroboam sii hene; Yeroboam+ danee Israel fii Yehowa akyi, na ɔma wɔyɛɛ bɔne kɛse.+ 22  Na Israelfo nantew Yeroboam bɔne a ɔyɛe nyinaa mu.+ Wɔantwe wɔn ho amfi ho, 23  kosii sɛ Yehowa tow Israel fii n’anim kyenee+ sɛnea ɔnam ne nkoa adiyifo no nyinaa so kae no.+ Enti Israel fii wɔn asase so kɔɔ nkoasom mu wɔ Asiria de besi nnɛ.+ 24  Ɛnna Asiria hene de nnipa fi Babilon+ ne Kuta ne Awa+ ne Hamat+ ne Sefarwayim+ bɛtenatenaa Samaria nkurow mu,+ na wobesii Israelfo ananmu, na wɔfaa Samaria tenatenaa ɛhɔ nkurow mu. 25  Bere a wɔbɛtenaa hɔ foforo no, na wonsuro+ Yehowa. Enti Yehowa maa agyata+ kɔɔ wɔn mu kokunkum wɔn mu binom. 26  Ɛnna wɔsoma kɔka kyerɛɛ Asiria hene sɛ: “Amanaman a woafa wɔn nnommum de wɔn akɔtenatena Samaria nkurow mu no, esiane sɛ wonnim sɛnea wɔsom asase no Nyame nti, ɔsoma agyata ba wɔn mu;+ na hwɛ! kum ara na wɔrekunkum wɔn, efisɛ obiara nnim sɛnea wɔsom asase no Nyame.” 27  Ɛnna Asiria hene hyɛe sɛ: “Momfa asɔfo+ a mofaa wɔn nnommum wɔ hɔ no biako nkɔ hɔ, na ɔnkɔtena hɔ nkyerɛkyerɛ wɔn sɛnea wɔsom asase no Nyame.” 28  Enti asɔfo a wɔfaa wɔn nnommum fii Samaria no mu biako kɔɔ hɔ, na ɔkɔtenaa Betel+ kyerɛkyerɛɛ wɔn sɛnea wɔnsom Yehowa.+ 29  Nanso amanaman no biara yɛɛ ne nyame,+ na wɔde wɔn sisii sorɔnsorɔmmea hɔ adan a Samariafo sisii no mu. Ɔman biara yɛɛ ne de wɔ kurow a wɔte mu no mu. 30  Babilonfo yɛɛ Sakot-Benot, na Kutfo+ yɛɛ Nergal, na Hamatfo nso yɛɛ Asima. 31  Awafo+ yɛɛ Nibhas ne Tartak, na Sefarwayimfo+ hyew wɔn mma ogya mu+ maa Sefarwayimfo anyame Adramelek ne Anamelek. 32  Wosuroo Yehowa, na wɔyeyɛɛ wɔn man mufo asɔfo+ wɔ sorɔnsorɔmmea hɔ ma wodii wɔn anim somee wɔ sorɔnsorɔmmea hɔ adan no mu. 33  Wosuroo Yehowa de,+ nanso wɔn ankasa anyame na wɔsom wɔn,+ sɛnea amanaman a woyii wɔn fii wɔn mu kɔɔ nkoasom mu no som te.+ 34  Ɛde besi nnɛ no, wɔda so ara som sɛnea na wɔyɛ kan no.+ Wɔn mu biara ansom Yehowa,+ na n’ahyɛde ne n’atemmusɛm+ ne ne mmara+ ne mmara nsɛm+ a Yehowa de maa Yakob+ a ɔbɛfrɛɛ no Israel+ no mma nso, wɔn mu biara anni so; 35  ɛhɔ na Yehowa ne wɔn yɛɛ apam+ na ɔhyɛɛ wɔn sɛ: “Monnsom anyame foforo,+ monnkotow wɔn, monnsom wɔn, na mommmɔ afɔre mmma wɔn.+ 36  Na Yehowa a ɔde tumi kɛse ne nsa a wateɛ mu+ yii mo fii Egypt no, ɔno na monsom no,+ na ɔno na monkotow no,+ na mommɔ afɔre mma no.+ 37  Na ahyɛde+ ne atemmusɛm+ ne mmara ne mmara nsɛm a ɔkyerɛw maa mo+ no, monhwɛ nni so daa;+ monnsom anyame foforo. 38  Na apam a me ne mo ayɛ no, mommma mo werɛ mmfi;+ monnsom anyame foforo.+ 39  Yehowa+ mo Nyankopɔn nko na monsom no, efisɛ ɔno na obegye mo afi mo atamfo nyinaa nsam.”+ 40  Nanso wɔantie, na mmom wɔsom sɛnea wɔsom kan no.+ 41  Amanaman yi suroo Yehowa+ de, nanso wɔn ahoni a wɔasen na wɔsom wɔn. Wɔn mma ne wɔn mmanana nso, sɛnea wɔn agyanom yɛe no, saa ara na wɔn nso ayɛ de besi nnɛ.

Ase Hɔ Nsɛm