Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Ahene 13:1-25

13  Ahasia+ ba, Yuda hene Yehoas+ afe a ɛto so aduonu abiɛsa mu no, Yehu+ ba Yehoahas+ bedii Israel so hene wɔ Samaria mfe dunson.  Na ɔyɛɛ Yehowa ani so bɔne;+ Nebat ba Yeroboam bɔne a ɔyɛe a ɛmaa Israel nso yɛɛ bɔne+ no akyi na odii.+ Wannan amfi ho.  Yehowa bo fuw+ Israel pii, enti ɔde wɔn hyɛɛ Siria hene Hasael+ ne Hasael ba Ben-Hadad+ nsa, wɔn nna nyinaa.  Akyiri yi, Yehoahas hwehwɛɛ+ Yehowa, na Yehowa tiee+ no; ohuu nhyɛso a ɛbaa Israel so,+ nhyɛso a Siria hene de baa wɔn so no.+  Enti Yehowa maa Israel ogyefo+ ma wofii Siria nsam, na Israelfo tenatenaa wɔn afie mu sɛ kan no.+  (Nanso Yeroboam fie bɔne a ɔyɛe a ɛmaa Israel nso yɛɛ bɔne no de, wɔantwe wɔn ho amfi ho.+ Ɛno ara mu na wɔnantewee;+ ɔbosom dua+ no nso amfi Samaria.)  Wannyaw Yehoahas asraafo biara sɛ apɔnkɔsotefo aduonum ne nteaseɛnam du ne mmarima mpem du a wɔnam fam,+ efisɛ Siria hene kunkum wɔn,+ na ɔyɛɛ wɔn sɛ awiporowbea mfutuma.+  Yehoahas ho nsɛm a aka, nea ɔyɛe nyinaa ne ne nnwuma akɛse no, wɔakyerɛw wɔ Israel ahene bere so nsɛm nhoma+ no mu.  Na Yehoahas ne n’agyanom kɔdae, na wosiee no wɔ Samaria,+ na ne ba Yehoas+ bedii n’ade. 10  Yuda hene Yehoas afe a ɛto so aduasa ason mu no, Yehoahas ba Yehoas+ bedii Israel so hene wɔ Samaria mfe dunsia. 11  Na ɔyɛɛ Yehowa ani so bɔne.+ Wannan amfi Nebat ba Yeroboam bɔne a ɔyɛe a ɛmaa Israel nso yɛɛ bɔne no mu biara ho.+ Ɛno ara mu na ɔnantewee. 12  Yehoas ho nsɛm a aka, nea ɔyɛe nyinaa ne ne nnwuma akɛse, ne sɛnea ɔne Yuda hene Amasia koe+ no, wɔakyerɛw wɔ Israel ahene bere so nsɛm nhoma+ no mu. 13  Na Yehoas ne n’agyanom kɔdae, na Yeroboam*+ bɛtenaa n’agua so. Wosiee Yehoas wɔ Samaria kaa Israel ahene ho.+ 14  Elisa+ yaree ɔyare a ɛde no bɛkɔ owu mu.+ Enti Israel hene Yehoas siim kɔɔ ne nkyɛn kosui n’anim, na ɔkae sɛ: “Me papa,+ me papa, Israel ɔko teaseɛnam ne n’apɔnkɔsotefo!”+ 15  Ɛnna Elisa ka kyerɛɛ no sɛ: “Fa tadua ne agyan.” Enti ɔfaa tadua ne agyan kurae. 16  Afei ɔka kyerɛɛ Israel hene sɛ: “Fa wo nsa so tadua no mu.” Na ɔde ne nsa soo mu, na Elisa nso de ne nsa guu ɔhene no nsa so.+ 17  Na ɔkae sɛ: “Bue apuei mfɛnsere no.” Na obuei. Ɛnna Elisa kae sɛ: “Tow!” Na ɔtowee. Afei ɔkae sɛ: “Yehowa nkonimdi agyan ni; Siria so nkonimdi agyan+ ni! Wobɛbɔ Siria wɔ Afek+ akosi sɛ wubewie wɔn koraa.” 18  Na ɔkae sɛ: “Sesaw agyan no.” Ɛnna ɔsesawee. Afei ɔka kyerɛɛ Israel hene sɛ: “Fa bobɔ fam.” Na ɔde bɔɔ hɔ mprɛnsa na ogyaee.+ 19  Na nokware Nyankopɔn nipa+ no bo fuw no, na ɔkae sɛ: “Anka ɛsɛ sɛ wode bɔ hɔ mpɛn anum anaa asia! Ɛno de, anka wobɛbɔ Siria awie wɔn koraa, nanso seesei de, mprɛnsa pɛ na wobɛbɔ Siria.”+ 20  Ɛno akyi no, Elisa wui na wosiee no.+ Ná Moab+ afowfo+ ba asase no so afe biara mfiase. 21  Bere bi na wɔrekosie ɔbarima bi, wɔnkɔhwɛ a, afowfo no na wɔreba yi. Ntɛm ara na wɔtow ɔbarima no too baabi a wosiee Elisa no, na woguanee. Bere a ɔbarima no amu kaa Elisa nnompe no, ɛhɔ ara na ɔbaa nkwa mu,+ na ɔsɔre gyinaa ne nan so.+ 22  Na Siria hene Hasael+ hyɛɛ Israel so+ Yehoahas nna nyinaa mu. 23  Nanso apam+ a Yehowa ne Abraham+ ne Isak+ ne Yakob+ yɛe no nti, ɔdom wɔn+ huu wɔn mmɔbɔ,+ na otwaa n’ani hwɛɛ wɔn na wampɛ sɛ ɔsɛe wɔn;+ wantow wɔn amfi n’anim ankyene besi nnɛ. 24  Na Siria hene Hasael wui, na ne ba Ben-Hadad bedii n’ade. 25  Na Yehoahas ba Yehoas san gyee nkurow a wogye fii ne papa Yehoahas nsam ɔko mu no fii Hasael ba Ben-Hadad nkyɛn. Yehoas dii no so nkonim mprɛnsa, na ogyee Israel nkurow no bio.+

Ase Hɔ Nsɛm

Kyerɛ sɛ, Yeroboam a ɔto so abien.