Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Ahene 12:1-21

12  Na Yehu+ afe a ɛto so ason mu no, Yehoas+ bedii hene, na odii ade mfe aduanan wɔ Yerusalem. Ne maame din de Sibiya a ofi Beer-Seba.  Yehoas yɛɛ nea ɛteɛ Yehowa ani so, ne nna a ɔsɔfo Yehoiada kyerɛkyerɛɛ no no nyinaa.+  Sorɔnsorɔmmea no nko na amfi hɔ.+ Ɔman no kɔɔ so bɔɔ afɔre na wɔhyew afɔrebɔde wɔ sorɔnsorɔmmea hɔ.  Yehoas ka kyerɛɛ asɔfo+ no sɛ: “Ayɛyɛde kronkron+ sika a wɔde ba Yehowa fie+ nyinaa, ankorankoro tow,+ obiara kra ti sika,+ ne sika biara a ɛba obi komam sɛ ɔde bɛba Yehowa fie+ no,  ma asɔfo no nnyigye mfi wɔn amannifo nkyɛn,+ na wonsiesie ofie no baabiara a asɛe.”+  Eduu Ɔhene Yehoas afe a ɛto so aduonu abiɛsa mu no, na asɔfo no nsiesiee faako a asɛesɛe wɔ ofie hɔ+ no.  Enti Ɔhene Yehoas frɛɛ ɔsɔfo Yehoiada+ ne asɔfo no, na ɔka kyerɛɛ wɔn sɛ: “Dɛn nti na munsiesiee faako a asɛesɛe wɔ ofie hɔ no? Ɛno nti afei munnnyigye sika mmfi mo amannifo nkyɛn bio, na momfa sika no mma na wɔmfa nsiesie faako a asɛesɛe wɔ ofie hɔ no.”+  Ɛnna asɔfo no penee so sɛ wɔrennyigye sika mfi ɔman no nkyɛn bio, na wɔrensiesie faako a asɛesɛe wɔ ofie hɔ no.  Ɔsɔfo Yehoiada faa adaka+ bi, na otuu ne mmuaso no mu tokuru de sii afɔremuka no nkyɛn wɔ nifa so, nea wɔfa ba Yehowa fie no; ɛhɔ na asɔfo no, wɔn a wɔhwɛ ɔpon ano+ no de sika+ a wɔde baa Yehowa fie no nyinaa kogui. 10  Na sɛ wohu sɛ sika pii aba adaka no mu a, ntɛm ara ɔhene kyerɛwfo+ ne ɔsɔfo panyin no ba bɛkyekyere, na wɔkan sika a wonya wɔ Yehowa fie+ no. 11  Afei wɔde sika a wɔakan no hyɛ adwumayɛfo+ a wɔde wɔn asisi Yehowa fie so no nsa, na wɔde tua dua adwumfo ne adansifo a wɔreyɛ adwuma Yehowa fie hɔ no ka, 12  na wɔde bi nso tua abantofo ne abopaefo+ no ka, na wɔde bi tɔ nnua a wɔapae ne abo a wɔapae a wɔde besiesie faako a asɛesɛe wɔ Yehowa fie hɔ no, na wɔde bi nso tuatua biribiara a wɔyɛ de siesiee ofie no ho ka. 13  Nanso wɔamfa sika a wɔde ba Yehowa fie no bi anyɛ Yehowa fie hɔ dwetɛ asɛn ne adumgya+ ne nyaawa+ ne ntorobɛnto+ ne sika nneɛma ne dwetɛ nneɛma no biara;+ 14  mmom no, wɔde sika no maa adwumayɛfo no, na wɔn nso de siesiee Yehowa fie no.+ 15  Na nnipa a wɔde sika hyɛɛ wɔn nsa sɛ wɔmfa mma adwumayɛfo no,+ wɔne wɔn ammu ho akontaa,+ efisɛ wɔyɛɛ adwuma no nokwaredi mu.+ 16  Asodi afɔre+ sika ne bɔne afɔre sika no de, wɔamfa amma Yehowa fie hɔ, na wɔde maa asɔfo no.+ 17  Saa bere no, Siria hene Hasael+ foro kɔɔ Gat+ so ne no kɔkoe, na ogye fae; ɛno akyi no, Hasael de n’ani+ sii Yerusalem so sɛ ɔne wɔn rebɛko.+ 18  Ɛnna Yuda hene Yehoas sesaw ayɛyɛde kronkron+ a ne nananom, Yuda ahene Yehosafat ne Yehoram ne Ahasia, ayɛ no kronkron no, ne n’ayɛyɛde kronkron ne sika a ɛwɔ Yehowa fie ne ahemfie akorade mu no nyinaa, na ɔsoma+ de kɔmaa Siria hene Hasael. Ɛnna ofii Yerusalem so kɔe. 19  Yehoas ho nsɛm a aka ne nea ɔyɛe nyinaa, wɔakyerɛw wɔ Yuda ahene bere so nsɛm nhoma+ no mu. 20  Nanso Yehoas nkoa+ sɔre yɛɛ biako bɔɔ ne ho pɔw,+ na wokum no wɔ Milo*+ aban+ no ho, ɔkwan a ɛkɔ Sila no so. 21  Ne nkoa Simat ba Yosakar, ne Somer ba Yehosabad+ na wɔbɔɔ no, na owui. Na wosiee no kaa n’agyanom ho wɔ Dawid Kurow mu, na ne ba Amasia+ bedii n’ade.

Ase Hɔ Nsɛm

Hwɛ 2Sa 5:9 ase hɔ asɛm.