Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Ahene 11:1-21

11  Ahasia+ maame Atalia+ hui sɛ ne ba no awu. Enti ɔsɔre kunkum ahenni no asefo+ nyinaa.  Nanso Ɔhene Yehoram babea Yehoseba+ a ɔyɛ Ahasia nuabea no faa Ahasia ba Yehoas,+ na owiaa no fii ahenemma a na wɔrekunkum wɔn no mu, ɔne ɔbea a ɔhwɛ no no, na ɔde no kohintaw ɔdan a mpa sisi mu no mu. Wɔde abofra no hintaw+ Atalia, enti wɔannya no ankum no.  Ɔne no tenaa Yehowa fie hɔ ahintawee mu mfe asia bere a Atalia di asase no so no.+  Na afe a ɛto so ason mu no, Yehoiada+ soma kɔfrɛɛ Karia+ awɛmfo ne ammirikatufo+ ɔha ha so mpanyimfo no baa ne nkyɛn wɔ Yehowa fie, na ɔne wɔn yɛɛ apam+ ma wɔkaa ntam+ wɔ Yehowa fie hɔ, na ɛno akyi no, ɔde ɔhene ba no kyerɛɛ wɔn.  Na ɔhyɛɛ wɔn sɛ: “Nea monyɛ ni: Mo mu nkyem abiɛsa mu biako mmra homeda, na mommɛwɛn ahemfie+ no yiye;  nkyem abiɛsa mu biako nkɔ Nnyinaso Pon+ no ano, na nkyem abiɛsa mu biako nso mmegyina ɔpon a ɛwɔ ammirikatufo no akyi no ano; obiara nnyina ne gyinabea nwɛn ofie+ no yiye.  Mo mu akuw abien a wɔn nyinaa fi adi kɔ homeda no, wɔn nso nwɛn Yehowa fie no yiye, ɔhene no nti.  Na obiara mfa n’akode nkura ne nsam, na muntwa ɔhene no ho nhyia. Obiara a ɔbɛba awɛmfo no mu no, munkum no. Munnnyaw ɔhene, ne nkɔree ne ne mmae mu.”  Enti ɔha ha so mpanyimfo+ no yɛɛ nea ɔsɔfo Yehoiada kae no nyinaa. Na wɔn mu biara de ne mmarima a wɔreba hɔ homeda+ abɛsom ne wɔn a wɔabɛsom na wɔrekɔ homeda no bae, na wɔbaa ɔsɔfo Yehoiada nkyɛn. 10  Afei ɔsɔfo no de Ɔhene Dawid mpeaw ne akyɛm nketewa a ɛwɔ Yehowa fie hɔ no maa ɔha ha so mpanyimfo+ no. 11  Na ammirikatufo+ no nyinaa faa wɔn akode kurakuraa wɔn nsam, na wogyinagyinaa ofie no benkum ne ne nifa so ne afɔremuka+ no ho ne ofie no ho, na wotwaa ɔhene no ho hyiae. 12  Ɛnna ɔde ɔhene ba+ no fii adi bae, na ɔde ahemmotiri+ bɔɔ ne ti, na ɔde Adanse+ no too ne ti so. Wɔsraa no,+ na wosii no hene.+ Afei wɔbobɔɔ wɔn nsam+ kae sɛ: “Ɔhene nnya nkwa!”+ 13  Bere a Atalia tee gyegyeegye sɛ ɔman no retu mmirika no, ɛhɔ ara na ɔbaa nkurɔfo no nkyɛn Yehowa fie hɔ.+ 14  Ɔhwɛe no, ohui sɛ ɔhene no gyina edum no ho+ sɛnea amanne te, na mpanyimfo ne ntorobɛnto+ wɔ ɔhene no nkyɛn, na ɔman no mu nnipa nyinaa redi ahurusi+ na wɔrehyɛn ntorobɛnto. Ɛhɔ ara na Atalia+ suan n’atade mu na ɔteɛɛm sɛ: “Atirisopam! Atirisopam!”+ 15  Ɛnna ɔsɔfo Yehoiada frɛɛ ɔha ha so mpanyimfo ne asraafo so mpanyimfo+ no, na ɔka kyerɛɛ wɔn sɛ: “Montwe no mfi nnipa no mu, na obiara a obedi n’akyi no, momfa nkrante nkum no!”+ Ná ɔsɔfo no aka sɛ: “Munnkum no wɔ Yehowa fie.” 16  Enti wɔde wɔn nsa soo no mu, na wɔde no beduu apɔnkɔ pon+ no ano, ahemfie+ hɔ, na wokum no wɔ hɔ.+ 17  Ɛnna Yehoiada maa ɔhene+ no ne ɔman no nyinaa ne Yehowa+ yɛɛ apam+ sɛ wɔbɛyɛ Yehowa man; na ɔmaa ɔhene no ne ɔman no nso yɛɛ bi.+ 18  Ɛno akyi no, ɔman no mu nnipa nyinaa kɔɔ Baal fie hɔ, na wodwiriw n’afɔremuka no gui;+ wobubuu n’ahoni no pasaa,+ na Baal sɔfo Mattan+ nso, wokum no afɔremuka no anim.+ Na ɔsɔfo no de ahwɛfo sisii Yehowa fie so.+ 19  Afei ɔfaa ɔha ha so mpanyimfo ne Karia+ awɛmfo ne ammirikatufo+ ne ɔman no mu nnipa nyinaa sɛ wɔmfa ɔhene no mfi Yehowa fie hɔ mmra. Enti wɔfaa ammirikatufo pon+ no mu kɔɔ ahemfie hɔ, na ɔhene no tenaa ahengua+ no so. 20  Na ɔman no mu nnipa nyinaa kɔɔ so dii ahurusi,+ na asomdwoe baa kurow no mu. Atalia de, wɔde nkrante kum no ahemfie hɔ.+ 21  Yehoas+ bedii ade no, na wadi mfe ason.+

Ase Hɔ Nsɛm