Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 8:1-18

8  Bere a Solomon de mfe aduonu+ sii Yehowa fie+ ne n’ankasa fie+ wiei no,  Solomon san kyekyee nkurow a Hiram+ de maa no no, na Solomon maa Israelfo kɔtenatenaa hɔ.  Afei Solomon kɔɔ Hamat-Soba kogye dii so.  Ɛnna ɔsan kyekyee Tadmor wɔ sare so ne adekora+ nkurow a ɔkyekyee wɔ Hamat+ no nyinaa bio.  Na ɔkyekyee Atifi Bet-Horon+ ne Anafo Bet-Horon,+ nkurow a wɔabɔ ho ban a ɛwɔ afasu+ ne apon ne mmeamu,+  ne Baalat+ ne adekora nkurow a abedi Solomon nsam, ne nteaseɛnam nkurow+ nyinaa ne apɔnkɔsotefo nkurow,+ ne biribiara a Solomon ani gyee ho+ a ɔpɛe sɛ ɔyɛ wɔ Yerusalem ne Lebanon+ ne nsase a odi so no nyinaa so.  Nkurɔfo a wɔkae a wofi Hitifo,+ Amorifo,+ Perisifo + Hiwifo+ ne Yebusifo+ mu a wɔnka Israelfo ho+ nyinaa,  wɔn mma a wɔkaa asase no so a Israelfo ansɛe wɔn+ no, Solomon hyɛɛ+ mmarima no ma wɔyɛɛ adwuma de besi nnɛ.+  Na Israelfo de, Solomon amfa obiara anyɛ akoa a ɔbɛyɛ adwuma ama no;+ mmom na wɔyɛ akofo+ ne n’akunini so mpanyimfo ne wɔn a wɔhwɛ ne nteaseɛnam+ ne n’apɔnkɔsotefo+ so. 10  Akunini so mpanyimfo+ a na Ɔhene Solomon wɔ no yɛ ahanu aduonum; wɔn na wɔhwɛɛ adwumayɛfo no so.+ 11  Farao babea+ no de, Solomon yii no fii Dawid Kurow+ mu de no kɔɔ fie a wasi ama no no mu,+ na ɔkae sɛ: “Ɔyɛ me yere de, nanso ɔrentumi ntena Israel hene Dawid fie, efisɛ faako a Yehowa adaka aba no yɛ kronkron.”+ 12  Saa bere no, Solomon bɔɔ ɔhyew afɔre+ maa Yehowa wɔ Yehowa afɔremuka+ a osii wɔ abantenten+ no anim no so, 13  wɔbɔe sɛnea ehia sɛ wɔyɛ daa+ no, afɔre a Mose hyɛe sɛ wɔmmɔ no homeda homeda,+ ne ɔsram foforo+ biara, ne afahyɛ+ a wodi no mprɛnsa afe biara+ no ase, kyerɛ sɛ, paanoo a mmɔkaw nnim afahyɛ+ ne adapɛn afahyɛ+ ne asese afahyɛ+ no. 14  Afei nso, sɛnea ne papa Dawid hyehyɛ too hɔ+ no, ɔde asɔfo no sisii wɔn nnwuma so sɛnea wɔn nkyekyɛm+ te. Lewifo+ no nso, ɔde wɔn sisii wɔn nnwuma so sɛ wonyi Onyankopɔn ayɛ+ na wɔnsom+ wɔ asɔfo no anim sɛnea ehia sɛ wɔyɛ daa+ no. Apon ano ahwɛfo no nso wɛn apon ano+ sɛnea wɔn nkyekyɛm te. Eyi na nokware Nyankopɔn nipa Dawid hyɛe sɛ wɔnyɛ. 15  Ahyɛde a ɔhene de maa asɔfo ne Lewifo wɔ ade biara anaa nneɛma a wɔmfa nyɛ adwuma ho no, wɔannan amfi ho.+ 16  Solomon nnwuma no, efi da a wɔtoo Yehowa fie no fapem kosi da a wowiei+ no, wotumi yɛɛ ne nyinaa.+ Enti wowiee Yehowa fie no.+ 17  Ɛno akyi na Solomon kɔɔ Esion-Geber+ ne Elot+ a ɛwɔ mpoano wɔ Edom asase so.+ 18  Ná Hiram+ taa ma ne nkoa de po so ahyɛn ne nkoa a wonim po so adwumayɛ+ brɛ no, na wɔne Solomon nkoa kɔɔ Ofir,+ na wonyaa sika+ dwetikɛse+ ahanan aduonum de brɛɛ Ɔhene Solomon.+

Ase Hɔ Nsɛm