Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 6:1-42

6  Saa bere no na Solomon kae sɛ:+ “Yehowa aka sɛ omununkum kusuu+ mu na ɔbɛtena;  na me nso masi tenabea a ɛkorɔn ama wo,+ na mayɛ baabi a wobɛtena daa.”+  Afei, ɔhene dan n’ani sɛ ɔrehyira+ Israel bagua no nyinaa bere a Israel bagua no nyinaa gyinagyina wɔn nan so+ no.  Na ɔkae sɛ: “Nhyira nka Yehowa, Israel Nyankopɔn+ a ɔde n’ano kasa kyerɛɛ me papa Dawid,+ na ɔnam ne nsa so ama aba mu+ no; ɔno na ɔkae sɛ,  ‘Efi da a miyii me man fii Egypt asase so de besi nnɛ da yi, minyii Israel mmusuakuw no kurow bi sɛ wonsi ofie mma me wɔ hɔ mma me din+ ntena hɔ, na mempaw onipa bi nso sɛ onni me man Israel anim.+  Nanso meyi Yerusalem+ na me din atena hɔ, na mɛpaw Dawid ma wadi me man Israel so.’+  Ná ɛda me papa Dawid koma so sɛ obesi ofie ama Yehowa, Israel Nyankopɔn din.+  Nanso Yehowa ka kyerɛɛ me papa Dawid sɛ, ‘Esiane sɛ ɛda wo koma so sɛ wubesi ofie ama me din nti, woayɛ ade sɛ ɛda wo koma so.+  Na mmom ofie no de, ɛnyɛ wo na wubesi;+ wo ba a obefi w’asen mu aba na obesi ofie no ama me din.’+ 10  Yehowa ama asɛm a ɔkae no aba mu,+ asɛm a Yehowa kae+ sɛ mɛsɔre abesi me papa Dawid ananmu+ na matena Israel ahengua+ so, na masi ofie ama Yehowa, Israel Nyankopɔn din,+ 11  na mede Adaka+ no asi hɔ no; emu na apam a Yehowa ne Israel mma yɛe no wɔ.”+ 12  Afei okogyinaa Yehowa afɔremuka no anim wɔ Israel bagua no nyinaa anim+ trɛw ne nsam.+ 13  (Ná Solomon ayɛ kɔbere pampa+ bi de asi ofie no adiwo,+ mfinimfini. Ne ntwemu yɛ basafa anum, ne tɛtrɛtɛ yɛ basafa anum, na ne tenten yɛ basafa abiɛsa; ɛso na okogyinae.) Afei obuu nkotodwe+ wɔ Israel asafo no nyinaa anim, na ɔtrɛw ne nsam kyerɛɛ ɔsoro.+ 14  Ɛnna ɔkae sɛ: “O Yehowa, Israel Nyankopɔn,+ Onyame biara nni hɔ, ɔsoro ne asase so a ɔte sɛ wo;+ wo a wokora apam+ ne adɔe so ma wo nkoa a wɔde wɔn koma nyinaa nantew w’anim+ no. 15  Wo na woama bɔ a wohyɛɛ w’akoa, me papa Dawid no aba mu;+ wo na wohyɛɛ bɔ no, na ɛnnɛ da yi wonam wo nsa so ama aba mu.+ 16  Na afei, Yehowa, Israel Nyankopɔn, ma bɔ a wohyɛɛ w’akoa, me papa Dawid no nnyina. Woka kyerɛɛ no sɛ, ‘Sɛ wo mma+ hwɛ wɔn akwan yiye na wɔnantew me mmara+ mu sɛnea woanantew m’anim+ yi a, obusuani a ɔbɛtena Israel agua so remmɔ wo,+ m’anim.’ 17  O Yehowa, Israel Nyankopɔn,+ ma bɔ+ a wohyɛɛ w’akoa Dawid no ntim.+ 18  “Enti Onyankopɔn ne adesamma bɛtena asase so ampa ara?+ Hwɛ! Ɔsoro ne ɔsoro mu soro mpo ntumi nkora wo,+ na ofie a masi yi na ɛbɛyɛ dɛn!+ 19  Nanso, dan w’ani kyerɛ w’akoa mpaebɔ+ ne ne nkotɔsrɛ,+ O Yehowa me Nyankopɔn, na tie w’akoa sufrɛ+ ne mpae a merebɔ w’anim yi.+ 20  Bue w’aniwa+ hwɛ ofie yi awia ne anadwo, faako a wokae sɛ wobɛma wo din atena+ no, na tie mpae a w’akoa de n’ani kyerɛ ha bɔ no.+ 21  Sɛ w’akoa ne wo man Israel de wɔn ani kyerɛ ha bɔ mpae+ a, tie yɛn nkotɔsrɛ;+ sɛ edu w’asom, wo soro tenabea hɔ a, fi hɔ tie yɛn.+ Tie na fa kyɛ yɛn.+ 22  “Sɛ onipa bi yɛ ne yɔnko bɔne+ na ne yɔnko no ma odi nsew ka ntam ma asodi bɛda no so,+ na ɔba w’afɔremuka no anim ofie yi mu bere a wadi nsew no+ a, 23  ɛnde fi wo soro hɔ tie+ na yɛ biribi+ fa bu wo nkoa no ntam atɛn, na ma ɔbɔnefo no bɔne so akatua nkogu n’atifi,+ na bu ɔtreneeni no bem+ ma no, sɛnea ne trenee te.+ 24  “Sɛ wo man Israel di nkogu wɔ atamfo anim,+ bɔne a wɔayɛ wo+ nti, na sɛ wɔsan ba+ bɛkamfo wo din,+ na wɔbɔ mpae+ de wɔn nkotɔsrɛ ba w’anim ofie yi mu+ a, 25  ɛnde wo ara fi soro hɔnom tie,+ na fa wo man Israel bɔne kyɛ wɔn,+ na san fa wɔn bra+ asase a wode maa wɔn ne wɔn agyanom no so.+ 26  “Sɛ ɔsoro mu to na osu antɔ,+ bɔne+ a wɔayɛ wo nti, na brɛ a woabrɛ wɔn ase nti, wɔsan fi wɔn bɔne ho de wɔn ani kyerɛ ha bɔ mpae+ na wɔkamfo wo din+ a, 27  ɛnde wo ara fi wo soro hɔ tie, na fa wo nkoa, wo man Israel bɔne kyɛ wɔn efisɛ wo na wokyerɛkyerɛ+ wɔn ɔkwan pa+ a wɔmfa so; ma osu ntɔ+ w’asase a wode ama wo man sɛ wɔn agyapade+ no so. 28  “Sɛ ɔkɔm+ na ɛbɛba asase no so oo, sɛ ɔyaredɔm+ na ɛbɛba oo, sɛ ɔhyew+ na ɛbɛba oo, sɛ ɔyare na ebesi wɔn afuw so+ oo, sɛ mmoadabi+ ne ntɛfrɛw+ na ɛbɛba oo, sɛ wɔn atamfo+ na wɔbɛtow ahyɛ wɔn nkurow so+ oo, ɔhaw anaa ɔyare+ biara a ɛbɛba wɔn so no, 29  mpaebɔ+ anaa nkotɔsrɛ+ a onipa biara anaa wo man Israel+ nyinaa de bɛba w’anim no,—efisɛ obiara nim ne haw+ ne ne yaw—sɛ ɔtrɛw ne nsam kyerɛ ofie yi+ a, 30  ɛnde wo ara fi ɔsoro, wo tenabea hɔ+ tie na fa bɔne kyɛ+ na ma onipa biara sɛnea n’akwan te,+ efisɛ wo na wunim ne komam+ (na wo nko ara na wunim nea ɛwɔ adesamma komam);+ 31  ɛno bɛma wɔasuro+ wo na wɔanantew w’akwan so wɔn nkwa nna nyinaa, nna dodow a wobedi wɔ asase a wode maa yɛn agyanom+ so no. 32  “Afei ɔhɔho a omfi wo man Israel+ mu mpo, sɛ wo din kɛse ne wo nsa a ɛyɛ den+ ne wo basa a woateɛ mu+ nti ofi akyirikyiri asase so ba,+ na ɔde n’ani kyerɛ ofie yi bɔ mpae+ a, 33  ɛnde wo ara fi ɔsoro, wo tenabea hɔ+ tie na yɛ ɔhɔho no abisade a ɔde to w’anim nyinaa ma no,+ na ama asase so aman nyinaa ahu wo din+ na wɔasuro+ wo sɛnea wo man Israel suro wo no, na wɔahu sɛ wo din da ofie a masi yi so.+ 34  “Sɛ wo man fi adi ne wɔn atamfo kɔko+ ɔkwan a wobɛsoma+ wɔn no so, na sɛ wɔde wɔn ani kyerɛ kurow a woapaw yi ne ofie a masi ama wo din+ yi bɔ wo mpae+ a, 35  wo nso fi ɔsoro tie wɔn mpaebɔ ne wɔn nkotɔsrɛ+ na di wɔn asɛm ma wɔn.+ 36  “Sɛ wɔyɛ bɔne tia wo+ (efisɛ onipa biara nni hɔ a ɔnyɛ bɔne),+ na sɛ wo bo fuw wɔn na wode wɔn hyɛ wɔn atamfo nsa ma atamfo no de wɔn kɔ nkoasom mu, asase a ɛwɔ akyirikyiri anaa nea ɛbɛn so,+ 37  na sɛ wɔn ani ba wɔn ho so, asase a wɔde wɔn akɔyɛ nkoa wɔ hɔ no so, na wɔsan ba wo nkyɛn bɛkotow srɛ wo, asase a wɔyɛ nkoa+ wɔ hɔ no so na wɔka sɛ, ‘Yɛayɛ bɔne,+ yɛafom,+ na yɛadi amumɔyɛsɛm,’+ 38  na sɛ wɔde wɔn koma nyinaa ne wɔn kra nyinaa san ba wo nkyɛn,+ asase a wɔyɛ nkoa+ wɔ so, wɔn a wɔde wɔn ayɛ nkoa no nsam, na wɔde wɔn ani kyerɛ asase a wode maa wɔn agyanom ne kurow a woapaw+ ne ofie a masi ama wo din yi bɔ mpae+ a, 39  wo nso fi ɔsoro, wo tenabea hɔ+ tie wɔn mpaebɔ ne wɔn nkotɔsrɛ,+ na di wɔn asɛm+ ma wɔn; wo man a wɔayɛ wo bɔne no, fa bɔne a wɔayɛ wo no kyɛ wɔn.+ 40  “Afei me Nyankopɔn, bue w’aniwa,+ na yɛ aso+ tie ofie yi ho mpae a merebɔ yi. 41  O Yehowa Nyankopɔn, ma wo mu so+ kɔ wo homebea,+ wo ne w’ahoɔden Adaka+ no. Yehowa Nyankopɔn, fa nkwagye fura w’asɔfo, na ma w’anokwafo nni ahurusi adepa mu.+ 42  O Yehowa Nyankopɔn, nyi nea woasra no no ani mfi w’anim,+ na kae adɔe a wokae sɛ wobɛyɛ w’akoa Dawid no nyinaa.”+

Ase Hɔ Nsɛm