Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 5:1-14

5  Na wowiee Yehowa fie no ho adwuma a Solomon yɛe no nyinaa,+ na Solomon de nneɛma a ne papa Dawid yɛɛ no kronkron no bae;+ ɔde sika ne dwetɛ ne anwenne no nyinaa beguu nokware Nyankopɔn fie adekora adan no mu.+  Saa bere no na Solomon boaboaa Israel mpanyimfo+ ano baa Yerusalem, mmusuakuw mu atitiriw+ ne Israelfo agyanom abusuafie+ mpanyimfo nyinaa, na ɔka kyerɛɛ wɔn sɛ wɔnkɔfa+ Yehowa apam adaka+ no mfi Dawid Kurow+ mu, kyerɛ sɛ Sion,+ mmra.  Enti Israel mmarima nyinaa boaboaa wɔn ano baa ɔhene nkyɛn wɔ afahyɛ no ase, ɔsram a ɛto so ason+ no mu.  Ɛnna Israel mpanyimfo nyinaa bae,+ na Lewifo no kɔsoaa Adaka+ no.  Na wɔde Adaka+ no ne ahyiae ntamadan+ ne anwenne kronkron+ a ɛwɔ ntamadan no mu nyinaa bae. Lewifo asɔfo no na wɔde bae.+  Ná Ɔhene Solomon ne Israel bagua no nyinaa, wɔn a wɔbaa ne frɛ no, wɔ Adaka no anim de nguan ne anantwi rebɔ afɔre;+ mmoa no dodow nti wɔantumi ankan wɔn, na wɔantumi ammu wɔn ano.  Afei asɔfo no de Yehowa apam adaka no baa ne sibea, pia mu pia+ no mu, Kronkron mu Kronkronbea+ hɔ, na wɔde sii kerubim no ntaban ase.+  Ná kerubim no atrɛtrɛw wɔn ntaban mu, faako a Adaka no si no, enti kerubim no kataa Adaka no ne ɛho nnua+ so.+  Ná ɛho nnua no woware, enti na wohu nnua no ti wɔ Kronkronbea hɔ wɔ pia mu pia no anim, nanso na wonhu wɔ abɔnten, na ɛhɔ na ɛwɔ de besi nnɛ.+ 10  Hwee nni Adaka no mu, gye abopon+ abien a Mose de guu mu wɔ Horeb+ no; da a Israel mma fi Egypt reba+ a Yehowa ne wɔn yɛɛ apam+ no na ɔde guu mu. 11  Na ɛbae sɛ bere a asɔfo no fii adi fii kronkronbea hɔ no, (ná asɔfo a wɔwɔ hɔ nyinaa adwira wɔn ho+—ná enhia sɛ wodi wɔn nkyekyɛm no akyi),+ 12  Lewifo+ nnwontofo a wɔka Asaf+ ne Heman+ ne Yedutan+ ne wɔn mma ne wɔn nuanom ho no, wɔn nyinaa hyehyɛɛ nwera pa, na wɔmomaa nnawuta+ ne asanku+ ne asankuten+ so begyinagyinaa afɔremuka no nifa so; ná asɔfo ɔha aduonu a wɔhyɛn ntorobɛnto+ ka wɔn ho. 13  Na mmɛnhyɛnfo ne nnwontofo no de nne biako+ maa nnwom so de yii Yehowa ayɛ, daa no ase; wɔhyɛn mmɛn, na wɔbobɔɔ nnawuta ne nnwonto nneɛma+ de yii Yehowa ayɛ+ sɛ, “oye+ na n’adɔe wɔ hɔ daa.”+ Amonom hɔ ara, omununkum+ bɛhyɛɛ ofie no, Yehowa fie no mã.+ 14  Omununkum no nti, asɔfo no antumi annyina hɔ ansom,+ efisɛ Yehowa anuonyam+ hyɛɛ nokware Nyankopɔn fie no mã.

Ase Hɔ Nsɛm