Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 36:1-23

36  Ɛnna asase no sofo faa Yosia ba Yehoahas,+ na wosii no hene ma odii ne papa ade wɔ Yerusalem.+  Yehoahas bedii ade no, na wadi mfe aduonu abiɛsa, na odii hene asram abiɛsa wɔ Yerusalem.+  Na Egypt hene betuu no ade so wɔ Yerusalem,+ na ɔmaa asase no tuaa dwetɛ+ dwetikɛse ɔha ne sika dwetikɛse biako.  Afei, Egypt hene+ de ɔhene no nua Eliakim+ sii Yuda ne Yerusalem so hene, na ɔsesaa ne din frɛɛ no Yehoiakim. Ne nua Yehoahas de, Neko+ faa no kɔɔ Egypt.+  Yehoiakim+ bedii ade no, na wadi mfe aduonu anum, na odii hene mfe dubiako wɔ Yerusalem.+ Ɔyɛɛ Yehowa, ne Nyankopɔn ani so bɔne.+  Ɔno na Babilon hene Nebukadnesar+ baa no so+ sɛ ɔde kɔbere nkɔnsɔnkɔnsɔn abien rebegu no na ɔde no akɔ Babilon+ no.  Na Nebukadnesar+ sesaw Yehowa fie anwenne+ no bi kɔɔ Babilon, na ɔde koguu n’ahemfie wɔ Babilon.+  Yehoiakim ho nsɛm a aka,+ akyide+ a ɔyɛe ne nsɛmmɔne a wohui wɔ ne ho no, wɔakyerɛw ne nyinaa wɔ Israel ne Yuda Ahene Nhoma+ no mu. Ne ba Yehoiakin+ bedii n’ade.  Yehoiakin+ bedii ade no, na wadi mfe dunwɔtwe, na odii hene asram abiɛsa+ ne dadu wɔ Yerusalem. Ɔyɛɛ Yehowa ani so bɔne.+ 10  Na afe kɔ behyiae+ no, Ɔhene Nebukadnesar soma+ ma wɔkɔfaa no baa Babilon,+ na wɔde Yehowa fie nneɛma a ɛsom bo kaa ne ho bae.+ Na ɔde ne papa nua Sedekia+ sii Yuda ne Yerusalem so hene.+ 11  Sedekia+ bedii ade no, na wadi mfe aduonu biako, na odii hene mfe dubiako wɔ Yerusalem.+ 12  Ɔyɛɛ Yehowa, ne Nyankopɔn ani so bɔne.+ Wammrɛ ne ho ase+ amma odiyifo+ Yeremia+ a ɔkasae Yehowa asɛm so no. 13  Ɔhene Nebukadnesar a ɔma ɔkaa Onyankopɔn ntam+ no mpo, ɔtew ne so atua;+ ɔkɔɔ so sen+ ne kɔn na ɔmaa ne koma yɛɛ den,+ na wansan amma Yehowa, Israel Nyankopɔn nkyɛn. 14  Asɔfo mpanyin+ ne ɔman no nyinaa nso maa wɔn mmarato dɔɔso bebree, na wɔyɛɛ akyide+ a amanaman no yɛe no bi de guu Yehowa fie a wayɛ no kronkron wɔ Yerusalem no ho fĩ.+ 15  Na Yehowa, wɔn agyanom Nyankopɔn somaa ne nkoa kɔkasa kyerɛɛ wɔn+ mpɛn pii, efisɛ ohuu ne man+ ne ne tenabea+ mmɔbɔ. 16  Nanso wɔkɔɔ so goruu+ nokware Nyankopɔn nkoa no ho buu ne nsɛm animtiaa,+ na wodii n’adiyifo no ho fɛw+ kosii sɛ Yehowa abufuw+ baa ne man so a wɔannya ayaresa.+ 17  Enti ɔmaa Kaldeafo+ hene de nkrante baa wɔn so bekunkum wɔn mmerante+ wɔ wɔn kronkronbea+ hɔ, na wanhu aberante anaa ɔbaabun, ɔpanyin anaa nea wagow mmɔbɔ.+ Onyankopɔn de biribiara hyɛɛ ne nsa. 18  Na nokware Nyankopɔn fie anwenne+ nyinaa, akɛse+ ne nketewa, ne Yehowa fie akorade+ ne ɔhene ne ne mpanyimfo akorade+ nso, ɔde ne nyinaa kɔɔ Babilon. 19  Afei ɔhyew nokware Nyankopɔn fie+ no, na odwiriw Yerusalem afasu no gui;+ n’abantenten ne emu nneɛma a ɛsom bo+ nyinaa nso, ɔde ogya hyewee, na ɔsɛee hɔ pasaa.+ 20  Bio nso, ɔde wɔn a wofi nkrante ano kae no kɔɔ Babilon+ nkoasom mu, na wɔyɛɛ nkoa maa ɔne+ ne mma kosii sɛ Persia ahenni+ fii ase. 21  Eyi maa Yehowa asɛm a ɔde hyɛɛ Yeremia anom no baa mu+ kosii sɛ asase no tuaa ne home nna ho ka wiei.+ Nna dodow a ɛyɛɛ amamfõ no, ɛhomee ara kosii sɛ mfe aduɔson dui.+ 22  Persia hene+ Kores+ afe a edi kan mu no, sɛnea ɛbɛyɛ a Yehowa asɛm+ a ɔnam Yeremia+ so kae no bɛba mu nti, Yehowa kanyan Persia hene Kores honhom,+ na ɔma wɔbɔɔ dawuru n’ahenni mu nyinaa, na wɔkyerɛwee+ nso sɛ: 23  “Sɛnea Persia hene Kores+ se ni, ‘Yehowa, ɔsoro Nyankopɔn no, de asase so ahenni nyinaa ama me,+ na ɔno na wahyɛ me sɛ minsi ofie mma no wɔ Yerusalem a ɛwɔ Yuda.+ Enti obiara a ɔka mo ho+ a ɔsom no no, Yehowa, ne Nyankopɔn nni n’akyi.+ Ma ɔmforo nkɔ.’”+

Ase Hɔ Nsɛm