Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 34:1-33

34  Yosia+ bedii ade no, na wadi mfe awotwe,+ na odii hene mfe aduasa biako wɔ Yerusalem.+  Ɔyɛɛ nea ɛteɛ Yehowa ani so,+ na ɔnantew ne nana Dawid akwan so,+ na wamman ankɔ nifa anaa benkum.+  Na n’ahenni afe a ɛto so awotwe mu, bere a ɔda so yɛ abofra+ no, ofii ase hwehwɛɛ+ ne nana Dawid Nyankopɔn; na afe a ɛto so dumien mu no, ofii ase tew Yuda ne Yerusalem ho+ yiyii sorɔnsorɔmmea+ ne abosonnua+ ne ahoni a wɔasen+ ne dade ahoni no fii hɔ.  Bio nso, ɔhwɛ ma wobubuu Baal+ afɔremuka+ no, na aduhuam ade+ a ɛwowɔ soro no, otwitwae, na abosonnua+ ne ahoni a wɔasen+ ne dade ahoni no, ɔyam no dukuduku+ de petepetee wɔn a na wɔbɔ afɔre wɔ so no adamoa so.+  Afei ɔhyew asɔfo no nnompe+ wɔ wɔn afɔremuka no so.+ Saa na ɔyɛe de tew Yuda ne Yerusalem ho.  Na Manase+ ne Efraim+ ne Simeon nkurow mu de kosi Naftali ne wɔn amamfõ so nyinaa nso,  ɔkɔɔ hɔ kobubuu afɔremuka+ ne abosonnua+ no, na ɔyam ahoni+ a wɔasen no dukuduku;+ aduhuam ade+ no nyinaa nso, otwitwa fii Israel asase nyinaa so, na ɛno akyi no, ɔsan kɔɔ Yerusalem.  Na n’ahenni afe a ɛto so dunwɔtwe+ mu a ɔtew asase no ne ofie no ho wiei no, ɔsomaa Asalia ba Safan+ ne amrado Maaseia ne ɔhene krakye Yoahas ba Yoa sɛ wonkosiesie+ Yehowa, ne Nyankopɔn fie hɔ.  Na wɔbaa ɔsɔfo panyin Hilkia+ nkyɛn, na sika a wɔde ba Onyankopɔn fie hɔ a na Lewifo apon ano ahwɛfo+ no boaboa ano fi Manase+ ne Efraim +ne Israelfo+ a wɔaka nyinaa ne Yuda ne Benyamin ne Yerusalemfo hɔ no, wɔde ne nyinaa kɔmaa no. 10  Ɛnna wɔde hyɛɛ wɔn a wɔdeda adwuma no ano wɔ Yehowa fie hɔ no nsa.+ Adwumayɛfo a wɔwɔ Yehowa fie hɔ no nso de siesiee fie no miamiaa mu. 11  Enti wɔde maa adwumfo ne adansifo+ sɛ wɔmfa ntɔ abo a wɔapae+ ne nnua a wɔde besuso ɔdan no mu, na wɔmfa ntaboo nsisi afie a Yuda ahene+ asɛe no no. 12  Na mmarima no yɛɛ adwuma nokwaredi mu;+ wɔn a wɔpaw wɔn sɛ wɔnhwɛ adwuma no so ne Yahat ne Obadia, Lewifo a wofi Merari mma+ mu, ne Sakaria ne Mesulam a wofi Kohat mma+ mu. Na Lewifo a wɔn mu biara nim nnwom bɔ yiye+ no, 13  wɔn na wɔhwɛɛ adesoafo+ ne adwumayɛfo a wɔyɛ nnwuma horow so mpanyimfo+ no so. Lewifo+ no bi yɛɛ akyerɛwfo+ ne mpanyimfo ne apon ano ahwɛfo.+ 14  Bere a wɔreyi sika+ a wɔde aba Yehowa fie hɔ no, ɔsɔfo Hilkia+ huu mmara+ nhoma+ a Yehowa nam Mose nsa so de mae+ no. 15  Ɛnna Hilkia ka kyerɛɛ ɔkyerɛwfo Safan+ sɛ: “Mmara nhoma no, makohu wɔ Yehowa fie hɔ.” Enti Hilkia de nhoma no maa Safan. 16  Na Safan de nhoma no baa ɔhene anim, na ɔka kyerɛɛ ɔhene sɛ: “Nea wode ahyɛ wo nkoa nsa nyinaa, wɔreyɛ. 17  Sika a ɛwɔ Yehowa fie hɔ no, wohwie de hyɛ ahwɛfo ne adwumayɛfo no nsa.”+ 18  Afei ɔkyerɛwfo Safan ka kyerɛɛ ɔhene sɛ: “Ɔsɔfo Hilkia de nhoma+ bi ama me.”+ Ɛnna Safan fii ase kenkan wɔ ɔhene anim.+ 19  Na bere a ɔhene tee mmara no mu nsɛm ara pɛ, osuan n’atade mu.+ 20  Ɛnna ɔhene hyɛɛ Hilkia+ ne Safan ba Ahikam+ ne Mika ba Abdon ne ɔkyerɛwfo+ Safan+ ne ɔhene akoa Asaia+ sɛ: 21  “Monkɔ nkobisa+ Yehowa mma me+ ne Israel nkae ne Yuda, nhoma a wɔahu yi mu nsɛm+ nti, na Yehowa abufuw+ a ɛreba yɛn so no sõ, efisɛ yɛn agyanom anni Yehowa asɛm so anyɛ sɛnea wɔakyerɛw wɔ nhoma yi mu no nyinaa.”+ 22  Ɛnna Hilkia ne wɔn a ɔhene hyɛɛ wɔn no kɔɔ odiyifobea+ Hulda,+ ntade sohwɛfo+ Harhas ba Tikwa ba Salum yere no nkyɛn; saa bere no, na odiyifobea no te Yerusalem kurow foforo no mu, na wɔkɔkaa asɛm no kyerɛɛ no. 23  Na ɔno nso ka kyerɛɛ wɔn sɛ: “Nea Yehowa, Israel Nyankopɔn aka ni, ‘Monkɔka nkyerɛ ɔbarima a ɔsomaa mo me nkyɛn no sɛ: 24  “Nea Yehowa aka ni, ‘Hwɛ, mede mmusu+ reba kurow yi ne wɔn a wɔtete mu no so;+ nnome+ a wɔakyerɛw wɔ nhoma a wɔkenkan wɔ Yuda hene anim no mu nyinaa, mede reba,+ 25  efisɛ wɔagyaw me+ akɔhyew afɔrebɔde ama anyame foforo,+ sɛ wɔde wɔn nsa ano adwuma+ bɛhyɛ me abufuw;+ m’abufuw+ ahwie agu kurow yi so a ɛrennum.’”+ 26  Na Yuda hene a ɔsomaa mo sɛ mummebisa Yehowa anom asɛm no, monka nkyerɛ no sɛ: “Nea Yehowa, Israel Nyankopɔn no aka ni,+ ‘Nsɛm+ a woate no, 27  sɛ́ woanyɛ wo koma+ den na wobrɛɛ wo ho ase+ Onyankopɔn anim bere a wotee nsɛm a wɔaka wɔ kurow yi ne wɔn a wɔtete mu ho, na wobrɛɛ wo ho ase m’anim,+ na wusuan+ w’atade mu sui m’anim nti, me nso mate,+ Yehowa asɛm ni. 28  Hwɛ, mɛboaboa wo akɔka w’agyanom ho, na wɔbɛboaboa wo akɔ wo damoa mu asomdwoe mu,+ na w’aniwa renhu mmusu+ a mede reba kurow yi ne wɔn a wɔtete mu so no.’”’”+ Ɛnna wɔde mmuae no kɔmaa ɔhene. 29  Na ɔhene soma ma wɔkɔboaboaa Yuda ne Yerusalem mpanyimfo nyinaa ano.+ 30  Afei ɔhene no ne Yuda mmarima nyinaa ne Yerusalemfo ne asɔfo+ ne Lewifo no ne ɔman no nyinaa, ɔkɛse ne akumaa nyinaa, kɔɔ Yehowa fie+ hɔ, na ofii ase kenkan+ apam nhoma a wohui wɔ Yehowa fie hɔ+ no mu nsɛm wɔn nyinaa asom. 31  Na ɔhene gyinaa nea ogyina+ hɔ, na ɔyɛɛ apam+ Yehowa anim sɛ obedi Yehowa akyi, na ɔde ne koma+ nyinaa ne ne kra+ nyinaa bedi ne mmara nsɛm+ ne n’adansesɛm+ ne n’ahyɛde+ so, na wadi+ apam no mu nsɛm a wɔakyerɛw wɔ nhoma+ yi mu no so. 32  Afei ɔmaa wɔn a wɔtete Yerusalem ne Benyamin nyinaa suaee. Na Yerusalemfo yɛɛ sɛnea Onyankopɔn, wɔn agyanom Nyankopɔn apam no te.+ 33  Ɛno akyi no, Yosia yiyii Israelfo akyide+ a ɛwɔ asase no so nyinaa,+ na ɔka kyerɛɛ wɔn a wɔwɔ Israel nyinaa sɛ wɔnsom, na wɔsom Yehowa wɔn Nyankopɔn. Ne nna nyinaa mu no, wɔamman amfi Yehowa wɔn agyanom Nyankopɔn no akyi.+

Ase Hɔ Nsɛm