Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 32:1-33

32  Nsɛm yi ne nokwaredi+ yi akyi no, Asiria hene+ Senaherib+ baa Yuda so, na otwaa nkurow a wɔagye ho ban+ no ho hyiae, na ɔyɛɛ n’adwene sɛ obebubu awura mu na wagye afa.  Bere a Hesekia hui sɛ Senaherib aba, na ɔde asi n’ani+ so sɛ ɔne Yerusalem bɛko no,  ɔne ne mpanyimfo+ ne ne mmarima ahoɔdenfo no faa adwene sɛ wobesisiw nsuwansuwa a ɛwowɔ kurow no akyi+ no, na wɔboaa no.  Enti nnipa bebree behyiae, na wosisiw asuti ne nsubɔnten+ a ɛsen fa kurow no mfinimfini nyinaa, na wɔkae sɛ: “Dɛn nti na ɛsɛ sɛ Asiria ahene ba benya nsu pii?”  Bio nso, onyaa akokoduru, na ɔtoo afasu a adwiriw agu+ no nyinaa, na osisii abantenten+ wɔ so; ɔsan too afasu foforo kurow no akyi,+ na osiesiee Milo*+ a ɛwɔ Dawid Kurow mu no; afei ɔyeyɛɛ akode+ bebree ne akyɛm.+  Na ɔde asahene+ sisii ɔman no so, na ɔboaboaa wɔn ano baa ne nkyɛn wɔ kurow no pon ano wɔ abɔnten,+ na ɔne wɔn kasae kaa wɔn koma+ too wɔn yam sɛ:  “Munnya akokoduru na monyɛ den.+ Munnsuro+ na mommmɔ hu,+ Asiria hene+ ne nnipadɔm a wɔka ne ho+ no nti, efisɛ wɔn a wɔka yɛn ho no dɔɔso sen wɔn a wɔka ne ho.  Ɔno de, ɔhonam basa+ na ɛka ne ho, na yɛn de, Yehowa, yɛn Nyankopɔn na ɔka yɛn ho sɛ ɔbɛboa yɛn,+ na wako yɛn ko ama yɛn.”+ Enti ɔman no de wɔn werɛ hyɛɛ Yuda hene Hesekia nsɛm no mu.+  Eyi akyi, bere a Asiria hene Senaherib+ ne ne dɔm+ nyinaa wɔ Lakis+ no, ɔsomaa ne nkoa kɔɔ Yerusalem, Yuda hene Hesekia ne Yudeafo a wɔtete Yerusalem nyinaa nkyɛn sɛ: 10  “Nea Asiria hene Senaherib aka ni,+ ‘Dɛn na mode mo ani ato so, a mote Yerusalem komm bere a wɔatwa mo ho ahyia yi?+ 11  Ɛnyɛ nnaadaa na Hesekia+ redaadaa+ mo ama ɔkɔm ne osukɔm akum mo bere a ɔka sɛ: “Yehowa yɛn Nyankopɔn na obegye yɛn Asiria hene nsam”+ no? 12  Ɛnyɛ Hesekia yi ara na oyiyii ne sorɔnsorɔmmea+ ne n’afɔremuka+ na ɔka kyerɛɛ Yuda ne Yerusalem sɛ: “Afɔremuka+ biako anim na monkotow,+ na ɛno ara so na monhyew afɔrebɔde”+ no? 13  Enti munnim nea me ne m’agyanom de yɛɛ nsase no so aman nyinaa?+ Nsase no so aman anyame+ no tumi gyee wɔn nkurɔfo fii me nsam anaa? 14  Amanaman a m’agyanom sɛee wɔn no anyame no mu hena na otumi gyee ne nkurɔfo fii me nsam? Mo Nyankopɔn no na obetumi agye mo afi me nsam?+ 15  Enti mommma Hesekia nnsisi mo+ na ɔnnnaadaa+ mo saa, na munnnye no nnni, efisɛ ɔman anaa ahenni biara nni hɔ a ne nyame bi tumi gyee ne nkurɔfo fii me nsam ne m’agyanom nsam, na mo Nyankopɔn no na obetumi agye mo afi me nsam?’”+ 16  Na ne nkoa nso kasa tiaa nokware Nyankopɔn Yehowa+ ne n’akoa Hesekia. 17  Ɔkyerɛw nkrataa+ nso de sopaa Yehowa, Israel Nyankopɔn,+ na ɔkasa tiaa no sɛ: “Sɛnea nsase no so aman no anyame+ antumi annye wɔn nkurɔfo amfi me nsam+ no, saa ara na Hesekia Nyankopɔn nso rennye ne nkurɔfo mfi me nsam.” 18  Na wɔde+ nne kɛse teɛɛm+ Yudafo kasa+ mu kyerɛɛ Yerusalemfo a wɔwɔ afasu no so no de bɔɔ wɔn hu+ na ama wɔn koma atu, sɛnea ɛbɛyɛ a wɔbɛfa kurow no. 19  Na wɔkasa tiaa+ Yerusalem Nyankopɔn+ te sɛ asase so aman anyame a wɔyɛ nnipa nsa ano adwuma+ no. 20  Nanso Ɔhene Hesekia+ ne Amus+ ba odiyifo+ Yesaia+ bɔɔ eyi ho mpae+ ara, na wosu frɛɛ Onyankopɔn sɛ ɔmmoa wɔn.+ 21  Ɛnna Yehowa somaa ɔbɔfo+ bɛpopaa Asiria hene nsraban+ mu mmarima akokodurufo a wɔn ho yɛ den+ ne wɔn mpanyimfo ne wɔn asahene nyinaa, na ɔde animguase san kɔɔ n’asase so. Akyiri yi, ɔkɔɔ ne nyame fie, na ɔno ara n’asen mu mma de nkrante kum no.+ 22  Saa na Yehowa gyee Hesekia ne Yerusalemfo fii Asiria hene Senaherib ne wɔn a wɔaka nyinaa nsam,+ na ɔma wonyaa ɔhome afã nyinaa hyiae.+ 23  Na nnipa pii de akyɛde+ brɛɛ Yehowa wɔ Yerusalem, na wɔbrɛɛ Yuda hene Hesekia nneɛma a ɛsom bo,+ na onyaa nidi+ aman nyinaa ani so, eyi akyi. 24  Nna no mu no, owuyare bɔɔ Hesekia,+ na ɔbɔɔ Yehowa mpae+ ma ɔne no kasae+ na ɔmaa no sɛnkyerɛnne.+ 25  Na Hesekia yɛɛ bonniayɛ,+ yiye a wɔyɛɛ no no ho, efisɛ ne koma maa ne ho so,+ na abufuw+ baa ɔne Yuda ne Yerusalem so. 26  Nanso Hesekia brɛɛ ne ho ase+ ne koma a ɛmaa ne ho so no ho, ɔne Yerusalemfo, na Yehowa abufuw amma wɔn so Hesekia nna mu.+ 27  Hesekia nyaa ahonyade ne anuonyam pii pa;+ osisii adekora adan maa dwetɛ ne sika+ ne aboɔden abo+ ne balsam ngo+ ne akyɛm+ ne anwenne a ɛsom bo+ no nyinaa; 28  na osisii adekora adan+ nso maa nnɔbae ne nsã foforo+ ne ngo, na ɔyeyɛɛ adan+ maa afieboa ahorow nyinaa bi ne nguankuw. 29  Onyaa nkurow ne nguankuw+ ne anantwi+ bebree, efisɛ Onyankopɔn ma onyaa nneɛma pii pa.+ 30  Hesekia na osiw+ nsu+ a efi Gihon+ atifi ba no, na ɔdan ani kyerɛɛ atɔe fam kɔɔ Dawid Kurow+ mu, na Hesekia nnwuma nyinaa sii yiye.+ 31  Na ɛbae sɛ bere a Babilon+ mpanyimfo somaa wɔn ananmusifo baa ne nkyɛn+ bebisaa no sɛnkyerɛnne+ a asi asase no so no, nokware Nyankopɔn gyaw no+ de sɔɔ no hwɛe,+ na ama wahu nea ɛwɔ ne koma mu nyinaa.+ 32  Hesekia ho nsɛm a aka+ ne n’adɔe+ no, wɔakyerɛw ne nyinaa wɔ Amus ba+ odiyifo Yesaia anisoadehu mu wɔ Yuda ne Israel Ahene Nhoma+ no mu. 33  Na Hesekia ne n’agyanom kɔdae,+ na wosiee no koko so, beae a ɛkɔ Dawid mma amusiei+ no; Yuda ne Yerusalemfo nyinaa dii no ni, ne wu mu.+ Na ne ba Manase+ bedii n’ade.

Ase Hɔ Nsɛm

Hwɛ 2Sa 5:9 ase hɔ asɛm.