Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 27:1-9

27  Yotam+ bedii ade no, na wadi mfe aduonu anum, na odii hene mfe dunsia wɔ Yerusalem. Ne maame din de Yerusa+ a ɔyɛ Sadok babea.  Ɔyɛɛ nea ɛteɛ Yehowa ani so+ sɛnea ne papa Usia yɛe no ara.+ Ɔno de, wammɔ anhyɛn Yehowa asɔrefie hɔ.+ Nanso na ɔman no gu so reyɛ adebɔne.+  Ɔno na osii Yehowa fie pon a ɛwɔ atifi fam+ no, na osisii adan pii wɔ Ofel+ ɔfasu no ho.  Ɔkyekyee nkurow+ pii Yuda mmepɔw so,+ na ɔkyekyee nkurow a ɛyɛ den+ totoo abantenten+ wɔ kwae+ mu.  Na ɔne Ammon+ hene dii ako, na akyiri yi odii wɔn so nkonim. Saa afe no, Ammonfo maa no dwetɛ dwetikɛse ɔha ne awi+ kor+ mpem du ne atoko+ nso kor mpem du. Saa ara na Ammonfo tua maa no afe a ɛto so abien ne afe a ɛto so abiɛsa no mu.+  Enti Yotam hyɛɛ ne ho den, efisɛ osiesiee n’akwan wɔ Yehowa, ne Nyankopɔn anim.+  Yotam ho nsɛm a aka,+ n’akodi ne n’akwan nyinaa, wɔakyerɛw wɔ Israel ne Yuda Ahene Nhoma+ no mu.  Obedii ade no na wadi mfe aduonu anum, na odii hene mfe dunsia wɔ Yerusalem.+  Na Yotam ne n’agyanom kɔdae,+ na wosiee no Dawid Kurow+ mu. Ne ba Ahas+ bedii n’ade.

Ase Hɔ Nsɛm