Kɔ emu nsɛm afã hɔ

Kɔ emu nsɛm afã hɔ

Yehowa Adansefo

Yi kasa a wopɛ Twi

2 Beresosɛm 25:1-28

25  Amasia+ bedii hene no, na wadi mfe aduonu anum, na odii ade mfe aduonu akron wɔ Yerusalem. Ne maame din de Yehoadan+ a ofi Yerusalem.  Na ɔyɛɛ nea ɛteɛ Yehowa ani so,+ nanso ne koma anni mũ.+  Bere a ahenni no yɛɛ den ne nsam ara pɛ na okunkum+ ne nkoa+ a wokum ne papa, ɔhene no.+  Wɔn mma de, wankum wɔn, na mmom ɔyɛɛ nea wɔakyerɛw wɔ Mose mmara nhoma+ no mu sɛnea Yehowa hyɛe yi: “Mommma agyanom nnwu nea wɔn mma ayɛ ho,+ na mommma mma nnwu nea wɔn agyanom ayɛ ho;+ obiara nwu ne bɔne ho.”+  Na Amasia boaboaa Yuda ano, na ɔma wogyinagyinae sɛnea wɔn agyanom abusuafie+ te, apem apem so ahwɛfo+ ne ɔha ha so ahwɛfo+ a wofi Yuda ne Benyamin nyinaa; na ɔkyerɛkyerɛw wɔn a wɔadi mfe aduonu+ rekɔ no din, na onyaa mmarima akantinka a wɔde mpeaw+ ne akyɛm+ kɔ ɔsa mpem ahasa.  Afei ɔde dwetɛ dwetikɛse ɔha kɔbɔɔ Israel mmarima akokodurufo a wɔn ho yɛ den mpem ɔha paa.  Nanso Onyankopɔn nipa+ bi bɛka kyerɛɛ no sɛ: “O ɔhene, mma Israel asraafo mmmɛka wo ho efisɛ Yehowa nka Israel,+ Efraim mma no ho.  Wo nkutoo kɔ, nya akokoduru ɔko no mu na keka wo ho.+ Nokware Nyankopɔn de, obetumi ama woahwe ase ɔtamfo anim, efisɛ Onyankopɔn wɔ tumi a ɔde boa,+ na ɔwɔ tumi a ɔde ma obi hwe ase.”+  Ɛnna Amasia+ bisaa Onyankopɔn nipa no sɛ: “Na dwetikɛse ɔha a mede ama Israel asraafo no nso ɛ?”+ Na Onyankopɔn nipa no kae sɛ: “Yehowa betumi ama wo nea ɛkyɛn saa koraa.”+ 10  Enti Amasia yiyii asraafo a wofi Efraim bae no fii mu, na ɔma wɔkɔɔ wɔn kurom. Nanso wɔn bo fuw Yuda kɛse, na abufuw na wɔde kɔɔ wɔn kurom.+ 11  Amasia de, onyaa akokoduru, na odii ne man anim kɔɔ Nkyene Bon+ no mu; na okunkum Seir+ mma no mu nnipa mpem du.+ 12  Na Yuda mma kyeree wɔn mu mpem du anikan, na wɔde wɔn kɔɔ ɔbotan bi so kɔtow wɔn fii hɔ bɛhwehwee fam, na wɔn nyinaa mu paapaee.+ 13  Na asraafo a Amasia ma wɔsan wɔn akyi a ɔne wɔn ankɔ ɔko+ no, wɔn nso kɔtow hyɛɛ Yuda nkurow so, efi Samaria+ kosi Bet-Horon,+ na wokunkum emu nnipa mpem abiɛsa faa asade bebree kɔe. 14  Bere a Amasia kokunkum Edomfo wiei a ɔreba no, ɔfaa Seir mma anyame+ no bae, na ɔde besisii hɔ de yɛɛ n’anyame;+ wɔn na ɔkotow wɔn,+ na wɔn na ɔhyew afɔrebɔde maa wɔn.+ 15  Ɛno nti Yehowa bo fuw Amasia denneennen, na ɔsomaa odiyifo kɔɔ ne nkyɛn kɔka kyerɛɛ no sɛ: “Dɛn nti na woakodi+ nkurɔfo no anyame+ akyi, anyame a wɔantumi annye wɔn ankasa nkurɔfo amfi wo nsam no?”+ 16  N’ano sii ara pɛ na ɔhene no ka kyerɛɛ no sɛ: “Wo na yɛapaw wo sɛ ɔhene fotufo anaa?+ Sɛ wompɛ wo ho asɛm a, twa so.+ Dɛn nti na worebɛyɛ ama wɔakum wo kwa?” Ɛnna odiyifo no twaa so, nanso ɔkae sɛ: “Minim sɛ Onyankopɔn abɔ ne tirim sɛ ɔbɛsɛe wo,+ enti na woayɛ eyi+ na m’afotu nso woantie no.”+ 17  Ɛnna Yuda hene Amasia tuu agyina na ɔsoma kɔɔ Yehu ba Yehoahas ba, Israel hene Yehoas nkyɛn+ kɔka kyerɛɛ no sɛ: “Bra ma yɛmfa mmɔ ani.”+ 18  Na Israel hene Yehoas nso soma kɔka kyerɛɛ Yuda hene Amasia sɛ:+ “Lebanon nsɔensɔe soma kɔka kyerɛɛ Lebanon kyeneduru+ sɛ, ‘Fa wo babea ma me babarima nware.’+ Nanso, Lebanon wuram aboa+ bi a ɔretwam tiatiaa nsɔensɔe no so kum no. 19  Wuse woaka Edom agu,+ enti wo koma+ ama ne ho so rehoahoa ne ho.+ Hwɛ so tena wo fie.+ Dɛn nti na ɛsɛ sɛ wudi aperepere bere a wunni ahoɔden,+ na wo ne Yuda nyinaa hwe ase?”+ 20  Nanso Amasia antie, efisɛ na nokware Nyankopɔn+ pɛ sɛ wodi nkogu wɔ ne nsam, Edom anyame a wokodii wɔn akyi+ no nti. 21  Enti Israel hene Yehoas kɔe,+ na ɔne Yuda hene Amasia de kɔbɔɔ ani+ wɔ Bet-Semes,+ Yuda asase so. 22  Na Yuda dii nkogu wɔ Israel anim+ ma obiara guan kɔɔ ne ntamadan mu.+ 23  Na Yuda hene Amasia, Yehoas ba, Yehoahas ba no de, Israel hene Yehoas kyeree no+ wɔ Bet-Semes de no baa Yerusalem,+ na obebuu Yerusalem fasu no guu mu, efi Efraim Pon+ ano kosi Twea Pon+ no ano, basafa ahanan. 24  Ɔsesaw sika ne dwetɛ ne nneɛma a ɛwɔ Nyankopɔn fie nyinaa ne Obed-Edom+ ne ahemfie hɔ akorade,+ na ɔfaa ebinom nnommum kaa ho san kɔɔ Samaria.+ 25  Israel hene Yehoas,+ Yehoahas ba no wu akyi no, Yuda hene Amasia,+ Yehoas ba no, tenaa ase mfe dunum kaa ho.+ 26  Amasia ho nsɛm a aka, ne mfiase kosi n’awiei,+ hwɛ, wɔakyerɛw ne nyinaa wɔ Yuda ne Israel Ahene Nhoma+ no mu.+ 27  Na efi da a Amasia dan fii Yehowa ho no, wɔbɔɔ ne ho pɔw+ Yerusalem. Akyiri yi, oguan kɔɔ Lakis,+ nanso wɔsoma tiw no Lakis kokum no wɔ hɔ.+ 28  Enti wɔde no too apɔnkɔ so+ besiee no kaa n’agyanom ho wɔ Yuda kurow mu.+

Ase Hɔ Nsɛm