Kɔ emu nsɛm afã hɔ

Kɔ nsɛm a ɛdi hɔ a ɛde wo bɛkɔ mmeaemmeae

Kɔ emu nsɛm afã hɔ

Yehowa Adansefo

Twi

Intanɛt So Bible | KYERƐW KRONKRON—WIASE FOFORO NKYERƐASE

2 Beresosɛm 19:1-11

19  Na Yuda hene Yehosafat san baa ne fie asomdwoe mu+ wɔ Yerusalem.  Ɛnna ɔdehufo+ Hanani+ ba Yehu+ baa Ɔhene Yehosafat anim bɛka kyerɛɛ no sɛ: “Nnebɔneyɛfo na woboa wɔn,+ na wɔn a wɔtan+ Yehowa na ɛsɛ sɛ wodɔ+ wɔn anaa? Nea woayɛ yi nti, Yehowa abufuw+ wɔ wo so.  Nanso wɔahu adepa+ bi wo ho, efisɛ woayiyi abosonnua no afi asase no so,+ na woasiesie wo koma sɛ wobɛhwehwɛ nokware Nyankopɔn.”+  Yehosafat kɔɔ so tenaa Yerusalem, na akyiri yi ofii adi kokyinkyin ɔman no mu bio, efi Beer-Seba+ kosi Efraim+ mmepɔw so, sɛ ɔbɛdan wɔn aba Yehowa, wɔn agyanom Nyankopɔn nkyɛn.+  Na ɔde atemmufo sisii asase no nyinaa so wɔ Yuda nkurow a wɔabɔ ho ban no nyinaa mu, kurow biara nyaa ne de.+  Na ɔka kyerɛɛ atemmufo no sɛ: “Monhwɛ nyɛ adwuma no yiye,+ efisɛ ɛnyɛ onipa na mubu atɛn ma no, na mmom Yehowa,+ na ɔka mo ho atemmu no mu.+  Afei munsuro+ Yehowa,+ na momfa ahwɛyiye nyɛ adwuma no,+ efisɛ Yehowa yɛn Nyankopɔn nyɛ bɔne,+ ɔnhwɛ nnipa anim,+ na onnye adanmude.”+  Yerusalem nso, Yehosafat de Lewifo+ ne asɔfo+ ne Israel agyanom+ abusuafie mpanyimfo no bi sisii hɔ sɛ wommu atɛn+ mma Yehowa na wonni Yerusalemfo ntam asɛm.+  Afei ɔhyɛɛ wɔn sɛ: “Sɛɛ na momfa Yehowa suro+ nyɛ, nokwaredi ne koma a edi mũ mu. 10  Asɛm biara a mo nuanom a wɔtete wɔn nkurow mu de bɛba mo anim, nea ɛfa mogyahwiegu+ anaa mmara+ ne mmara nsɛm+ ne ahyɛde+ ne atemmusɛm+ ho no, monkasa nkyerɛ wɔn na wɔanyɛ Yehowa bɔne, na abufuw+ amma mo ne mo nuanom so. Eyi na monyɛ na asodi amma mo so. 11  Ɔsɔfo panyin Amaria da mo ano Yehowa nsɛm nyinaa mu;+ Ismael ba Sebadia a ɔyɛ Yuda fie panyin no bedi ɔhene nsɛm nyinaa anim, na Lewifo no nso bɛyɛ mo so atitiriw. Monyɛ den+ na monyɛ adwuma no, na Yehowa+ nka mo ho adepa a moreyɛ no mu.”+

Ase Hɔ Nsɛm